V-Kool/Kenwood

[chato_eg]

ألف مبروك يا فنان

عاوزين بقى مقارنة سريعة بين ال 3M و ال VKool علشان أنا عندى هنا 3M و مش عاجبنى أداءه خالص.........بفكر أغيره ل Vkool فى حالة أن فيه فرق يستحق

خصوصاً أن الفرق فى الفلوس كتييييييير

ال 3M هنا ب 900 و ال VKool ب 2800 :)))

أنا مش قادر أقول رأى قاطع بالنسبة للمقارنة
أنا إللى جربته شوية هو ال LLumar فى عربية محمد مصطفى...بس الجو لم يكن بالغليان الحالى أبدا...لاحظ عربيته تكييفها مختلف عن عربياتنا كمان
3M مشكلتهم هى كفائة التركيب....و ده لاحظته من تجربة العقيد خالد و أحمد كمال و مصطفى فاروق...و بالرغم من اعترافى بإحترامهم لشغلهم و للعميل و عدم المماطلة...إلا إنى مش فاضى أركبه النهاردة و أرجع تانى أغير بعد كام يوم و أروح بعدين مرة ثالثة علشان نظبط التركيب....و خصوصا إنها مش حالة فردية....ده العقيد خالد و كيمو و مصطفى فاروق ال 3 إللى أعرفهم و ركبوه و حصل معاهم نفس الموقف تقريبا

V-Kool من أو ما حطيت عينى على العربية و أنا شايف إنه مظبوط...فرق المهارة واضح
ده غير فرق السمعة لصالح V-Kool ...يمكن يكون لسياسة تسويق أنجح و مدة أطول فى السوق المحلى كمان...

لكن أرجع و أقول لك أنا ضميرى سهرنى ليالى بحثا عن الفروق بين 3M و V-Kool .....و خلصت إلى إن V-Kool قد يكون أفضل بس الفرق لا يوازى أبدا الاختلاف فى الجودة....
بصراحة أنا كنت متوقع V-Kool يكون ب 6 و لا 7 آلاف....و كنت بأقول جوايا ...كتييير أوى...ده ال 3M ب 2000 جنيه ....
لكن لما رحت و لاقيت الحسبة 4700 جنيه...قلت ..معلش....الواحد مش كل يوم هايركب window Film ....مش خسارة فى صالون ميجو و لا فى جلدى....و توكلت على الله

بس بجد...الفرق يستاهل و الحمد لله على نعمة توافر النقدية فى هذا الوقت و فى الحرارة دى و كمان مع دخول رمضان.....

أما بالنسبة ل LLumar ...فأنا شهدت انطلاقهم فى السوق المصرى من عام و نصف أو عامين لإنهم كانوا فى ال Partition إللى قصاد الجناح بتاع topCover و كان ليا فرصة الاتقاء بصاحب الشركة و كنت بأتفرج بقى لى كام يوم على الخبير الأجنبى القادم خصيصا لعمل العروض الحية للتركيب و الفك..بس إللى فهمته إنه موجود لغرض المعرض مش هو إلل هيركب للناس...و لم أجد من الكفاءة فى فريق التركيب ما يشجع على حتى على البحث عن مكانهم بالرغم من إنى مازلت محتفظ بال brochure و كمان ال website بتاعهم لسه under construction من سنتين....غير مشجعين ...و بعدين محمد مصطفى كمان باع العربية فأنا نفسى ما جابتنيش أضيع وقتى فى البحث و المغامرة

[chato_eg]

ده المانيوال بتاع الجهاز و بالعربى كمان


http://manual.kenwood.com/files/b64-4165-00_arabic.pdf

أشكر حضرتك على تعبك و اهتمامك

[Ahmed Selim]

أنا مش قادر أقول رأى قاطع بالنسبة للمقارنة
أنا إللى جربته شوية هو ال LLumar فى عربية محمد مصطفى...بس الجو لم يكن بالغليان الحالى أبدا...لاحظ عربيته تكييفها مختلف عن عربياتنا كمان

ما هو المطلوب حالياً يا زعيم الأتى
تقابل العقيد خالد فى أى يوم مناسب ليكم بس يكون الظهر
تركنوا العربيتين قريب من بعض.......بلاش جنب بعض علشان الحسد
تسيبوهم منقوعين فى الشمس ساعة و ترجعوا تشوفوا الفرق و تعملولنا تقرير :)

لو عرفتوا تعملوها بجد تبقوا خدمتونى شخصياً خدمة كبيرة جداً علشان هنا الجو
و فرق السعر بين الأتنين

خصوصاً أنى بالفعل ركبت 3M بس مش حاسس بتأثير فظيع له
يعنى أكتر حاجتين ملاحظهم أن التكييف بيقع أسرع شوية بسيطة
و أن لسعة الشمس على أيدى بقت أخف بكتير

غير كده مفيش فرق تانى ملاحظه.

[chato_eg]

نفس إللى أنا حاسس بيه مع V-Kool ..
بأنزل ألاقيها أهدأ من الأول...التكييف بيسقع أسرع بكتير...و مش مضطر أشغل المراوح على سرعة أعلى من المنتصف بعد مرور 15 دقيقة من التشغيل...لسعة الشمس مش محسوسة بنسبة 90% أو أكتر....

مافيش طريقة نقيس بيها الحرارة بدل ما الموضوع ما يعتمد على الأحاسيس الشخصية
هو أكيد الأداء متقارب..أنا متأكد فرق السعر لايوازى فرق الأداء...بس أكتر حاجة كانت باعدانى عن 3M هى خبرة التركيب...و كمان V-Kool تحس إنهم بيدلعوا الزبون...التركيب فى نفس المكان بتاع المعرض و يوجد استراحة صغيرة و حمام و إنت فى وسط محطة وطنية و جنبك سوبر ماركت و قعدة فى الهواء الطلق و لو عايز تدخل City Stars كمان....
لازم برضه يكون فيه فرق فى السعر عن إللى هيركب لك فى جراج متقفل

[Hany Saad]

نفس إللى أنا حاسس بيه مع V-Kool ..
بأنزل ألاقيها أهدأ من الأول...التكييف بيسقع أسرع بكتير...و مش مضطر أشغل المراوح على سرعة أعلى من المنتصف بعد مرور 15 دقيقة من التشغيل...لسعة الشمس مش محسوسة بنسبة 90% أو أكتر....

مافيش طريقة نقيس بيها الحرارة بدل ما الموضوع ما يعتمد على الأحاسيس الشخصية

فى طريقة بإستخدام ترمومتر الهواء....أنا عندى واحد معلقه فى المرايا جوه علشان أعرف الفرق بين درجة الحرارة جوه و بره.
لو حضرتك وقفت عربيتك إنت و العقيد خالد فى الشمس و كل واحد يكون حاطط ترمومتر هواء داخل عربيته و تشوف فرق درجة الحرارة كام بعد مرور نصف ساعة و بعدين ساعة...دى هتكون طريقة دقيقة إلى حد ما علشان تقارن بين الVCOOL وال3M.
هو أكيد الأداء متقارب..أنا متأكد فرق السعر لايوازى فرق الأداء...بس أكتر حاجة كانت باعدانى عن 3M هى خبرة التركيب...و كمان V-Kool تحس إنهم بيدلعوا الزبون...التركيب فى نفس المكان بتاع المعرض و يوجد استراحة صغيرة و حمام و إنت فى وسط محطة وطنية و جنبك سوبر ماركت و قعدة فى الهواء الطلق و لو عايز تدخل City Stars كمان....
لازم برضه يكون فيه فرق فى السعر عن إللى هيركب لك فى جراج متقفل

[chato_eg]

وحوش اسكندرية دول باين عليهم جواهر كلهم ....

أجيب منين ترمومتر الهواء و لو تعرف سعره فى حدود كام تقريبا

[ecybrarian]

بصوا على الموضوع دا بالمرة طالما بتتكلموا على الامارات http://www.nilemotors.net/Nile/168311-a.html

[chato_eg]

تمت المقارنة النهاردة..بس مش under extreme case ...
الشمس كانت نازلة على العربيتين و بعدين لحظة المقارنة كانت ظل
الجو لم يكن شديد الحرارة زى اليومين إللى فاتوا
بس مافيش فرق...
زى ما أنا بأقول لك....الفرق فى مهارة التركيب و إسم V-Kool ..إللى بتصرف على الدعاية و التسويق و تجهيز ال outlets
...أنا بس عايز أعرف إنت عندك أقل درجة شفافية مسموحة كام ؟
إللى أعرفه 40 %
لو كده يبقى مالك ومال إللى فى مصر...احنا بنحاول فى ال 70 و فى ناس 75 و أقل حاجة 60 ...علشان المرور

على قد ما تقدر تكون درجة الشفافية أقل ما يمكن
مش عايو أقول لك إن الفرق بين ال 70 و ال 75 فى حجب الأشعة فوق البنفسجية كان من 22 إلى 144 ...فقلت فى عقلى سيبك من المرور...صحتك أهم من القوانين البالية...مع إن ال 75 أرخص من ال 70

[M.ADEL KAMEL]

الف الف الف ميروك يانجم النجوم الذهبية ...اى نهم انا جاهل جدل فى المنظقة دى من الحياة ( تكنولوجية السيارات ) و مناطق اخرى كثيرة و مبروك على kenwood و عن تجربة من افضل الاجهزة فى مجال الصوتيات للسيارة و مبروك على ميجو

[chato_eg]

الف الف الف ميروك يانجم النجوم الذهبية ...اى نهم انا جاهل جدل فى المنظقة دى من الحياة ( تكنولوجية السيارات ) و مناطق اخرى كثيرة و مبروك على kenwood و عن تجربة من افضل الاجهزة فى مجال الصوتيات للسيارة و مبروك على ميجو

الله يبارك فيك يا باشا

[chato_eg]

كما توقعت
التوكيل رفض من حيث المبدأ تركيب Head Unit غير الأصلية بغض النظر عن نوعها أو توصيلاتها
بعد ما خلصت الصيانة و غموا نفسى بنبأ غير سار هأقول عليه بعدين..طلعت على مجدى كلاريون مورد وصلات ال AUX المعتمد لدى الوحوش :-)
لم يقم بأى تعديلات على فيشة العربية و لا فيشة ال Kenwood ...ركب adaptor من ناحية متوافق مع العربية و من الأخرى مع مداخل الكينوود...و كمان adaptor علشان ال antenna socket ....
وصل الميكروفون و ثبته عند مراية الصالون و أصبح سلكه مختفى تحت فرش السيارة و جلد الباب....
و شغل الكاسيت بدون الحاجة للكود بتاعه و عمل فتحة فى الدرج لتفويت كابلات ال USB, IPod, Aux ....من خلف الكاسيت للأمام....
اتكلف 100 جنيه و 20 دقيقة و كله جميل

بعد يومين استعمال...
طبعا طبعا..نعمة كبيرة من ربنا مسألة الرد على التليفون دون الحاجة للتعامل مع التليفون نفسه....شاشة الكينوود بتظهر إسم المتصل....و الصوت واضح و مسموع لطرفى المكالمة

دلوقتى أضع كل اللوم على أى حد بيتكلم فى التليفون و هو سايق...الفرق كبير أوى حتى بالنسبة لل handfree إللى بسلك...

كمان تشغيل MP3/WMA/Acc دى مش شوية...
صوت ال IPod يحافظ على نقائه مهما الصوت زاد علشان أصبح digital Input بالنسبة لل head Unit ....
إمكانية تشغيل ال flash drive من ال USB فى حالة عدم وجود IPod و الصوت جميل جدا

فى شوية حاجات مزعجة....أنا لسه مكسل أقرأ ال Manual و أعرف إزاى أوقف ال demo mode و ده بيخليه يعرض إعلانات عن إمكانياته..و كمان نفسى أوقف ال Emotion Illumination ...بيخضنى و يشتت انتباهى..
طبعا الأصلى شكله متوافق مع العربية...و مافيش بروز من التابلوه
كمان الأصلى صوته أنقى و متناغم جدا مع سماعات العربية
الكينوود...صوته أعلى و أفضل من الأصلى فى حالة الصوت العالى مع مصدر Aux ....
و هذا يملى عليا إنى هأدخل فى قصص سماعات و Equalizer لإن فعلا رخامة الصوت و عمقه شديدى الضعف فى ال Kenwood مقارنة بالأصلى و السماعات يبدو إنها مش مستحملة ال kenwood لإنها بتعمل خروشة ثم هبوط حاد و مفاجىء فى مستوى الصوت لما يكون الصوت عالى أوى....
I miss the sound and looks of the old unit, but i really appreciate the multiple functions of the Kenwood

أما الخبر السىء إن التوكيل قال إن ال شريط ال Airbag اتقطع...و هما مثبت عندهم إن العربية اتباعت فى تاريخ 3 شهور قبل ميعاد شرائى لها..فرفضوا التصليح فى الضمان....لكنهم قالوا لى ببساطة تجيب خطاب المرور أو الفاتورة و نعدل التاريخ المثبت عندنا و نغيره لك على طول و تعالى من غير حجز...
و أخدوا منى 210 جنيه فى تغيير فلتر تكييف ب 130 لوحده و 60 جنيه مصنعيات من ضمنها تنظيف المراوح من ورق الشجر ...
عقبال صيانة ال 60 و إللى قربت لإنى عامل 56500 دلوقتى...و أدينى بأحوش لها علشان مكن يطلع لى طلمبة مياه و لا ترس ديفيزور و لا كويل
بالمناسبة ماكينة الزجاج الجديدة شغالة كويس و كمان بترفع الزجاج أسرع من باقى الماكينات حتى الخلفية بالرغم من قصر المسافة فى الخلف عن الأمام

[chato_eg]

يا ريت أحمد عبد المقصود تطمنى قررت إيه فى v-kOOL VS. 3M

[Ahmed Selim]

يا ريت أحمد عبد المقصود تطمنى قررت إيه فى v-kOOL VS. 3M

أولاً ألف مبروك على التركيب و عقبال لما تظبط باقى العدة

أنا بالفعل مركب 3M من حوالى شهر و شوية بس مش مقتنع 100% زى ما قولتلك قبل كده.....بفكر أنحرف و أغير ل V-Kool بس مستغليه....ب 3500 درهم يعنى حوالى 5500 جم :-(

[Ahmed Selim]

معلش يا فنان......أنا مكنتش شوفت ردك بتاع التجربة لما رديت الرد اللى فات

شكراً على التجربة و على نقلها و دايماً كده رافعين راسنا

بص يا باشا.........التركيب هنا مستواه تقريباً واحد حتى للأنواع الغير معروفة و ده علشان الفيميه هنا أساسى فى أى عربية.

أنا لما ركبت ال 3M ركبوه فى 45 دقيقة......4 بيشتغلوا فى العربية و طالعة زى الفل ( بس من غير الزجاج الأمامى )

أكتر نسبة شفافية مسموح بيها لغير المواطنين هنا هى 30% و دى اللى أنا عملتها......و دلوقتى ندمت.....لأنى بحس أنى قاعد فى أوضة أزاز و الناس اللى حواليا كلهم شايفنى و أنا مش شايفهم :))

نسبة الشفافية للمواطنين 70% و بالنسبة للشيوخ ( العيلة الحاكمة لأى إمارة ) مسموح 100%

و كمان بيسمحوا ب 100% لأى عربية سايقاها واحدة سواء مواطنة أو غير.......بس مش رسمى.

و شفت أكتر من مرة ناس مركبة حاجة عاملة زى الشماسة على الزجاج الأمامى و سايقين بيها.....و بعد الفحص و التمحيص طلعت شماسة بتسمح بالرؤية فى أتجاه واحد بس ( يعنى اللى جوة العربية شايف كل حاجة و مفيش حد برة العربية شايف حاجة جواها خالص )

الموضوع ده هنا موضوع كبييييييييييييييييييير وفيه أنواع كتييييييييييييييييير أكثرهم أنتشاراً هو ال 3M و بعده llumar و V-Kool و نوعين تانين مش معروفين قوى tint it و التانى مش فاكره

[chato_eg]

أعتقد إنك تقصد إن نسبة الشفافية المسموحة بيها لغير المواطنين هى 70 % شفاف... وهو ده إللى إنت مركبه
و هو ده إللى عندنا كلنا سواءا V-Kool أو 3M ....
بس طبعا فرق الشموس بين مصر و الإمارات هو إللى مش مخليك تحس بالتأثير....مع إن محمد مصطفى كان بيشكر فى ال Llumar فى عربيته وهو عاملها فى السعودية
و هى الفكرة فى العزل مش إنك عايز تستخبى من الناس...خسارة إن مش مسموح بأقل من 70%....أفتكر لو كانوا سامحين ب 50 و 60 كان الفرق يبان أكتر بكتير
للأسف...واضح إن و لا حتى V-Kool هيدى لك التأثير إللى إنت عايزه....
هأقول لك إيه بس...لو قدرت تجرب فى عربية مركبة V-Kool يبقى هو ده الفيصل...و ده طبعا تحت شمس الإمارات...واضح إن شمسكوا مش بيحوق فيها الكلام بتاع شمسنا :-)