تجربتى الشخصية مع الكليو لمدة 5 سنوات (ارجو التثبيت)

[highlinker]

انا جبت الرينو الـ 2005 كاملة اتوماتيك .. عربية بحالة الزيرو
بس كنت عايز أشيك عليها .. في حد بيفهم في العربية في المنصورة؟؟ وقطع غيارها اجيبها منين ؟؟

تنبيه للعضو بمخالفة القاعدة رقم 6 بند أ
ممنوع الكتابة باللون الأحمر حسث أنه مخصص للمداخلات الأدارية
الرجاء مراجعة قوانين المنتدى
_______________________________________________
مشرف القسم

[bishoy02010]

الف شكر على التقيم الرائع

[hishammb]

انا بس كنت عاوز اعرف ايه رايكوا في تكيف العربيه دي
انا لما كنت مشغل التكيف في اسكندريه كان تلاجه بس الجو كان عادي بس اول ما نزلت بيها القاهره فتحت الشباك علشان الجو كان حر اوي جوه العربيه و لما رجعت اسكندريه تاني لقيت التكيف رجع تلاجه تاني بس بردوا درجه الحراره كانت 18

[highlinker]

ازاي اعرف قوة الماتور كام حصان والكامات والحاجات دي؟
عربيتي كليو موديل 2005 كاملة اتوماتك 1400cc 16V

[Ahmed Selim]

figures for the Clio’s 1 390 cc engine are 70 kW @ 6 000 rpm and 127 Nm of torque @ 5 750 rpm

70kw يعنى تقريباً 94 حصان على 6000 rpm

العربية 16 صباب

[ahmed1_com]

ازيكم يا شباب رينو ياريت اى حد يعر ف تفاصيل عن رينو كليو هاتشباك موديل 2003 الشكل القديم موتورها 1400cc

انا قدامى واحده 2003 كويسه وحالتها نضيفه وهى بس انا خايق منها لانى سمعت انها مفيش منها 1400 كلها 1200 وكمان خايف من قطع الغيار ياريت تفيدونى سريعا عشان انا نازل اخلص فيها بكره وهى لو نضيفه تعملها كام ياريت اعرف كل التفاصيل سريعا وشكرا

[ايمن محمود محمد ابراهيم]

العربيات الكليو فى مصر كلها صناعة فرنسية وتقفيل فرنساوى؟؟؟؟؟

[fepsceasar]

طيب والتكييف عامل ايه فى 1200 وفى 1400 وهل بيفرق مع سحب العربية وهل بيأثر قوى على العربية لو 1200

[ramy_gamal]

طيب والتكييف عامل ايه فى 1200 وفى 1400 وهل بيفرق مع سحب العربية وهل بيأثر قوى على العربية لو 1200

عموما تكييف الرينو موش قوى لكن شغال وهو موش بياثر على سحب العربيه حتى ال1200 لانها 16 صباب

[mohamed_aly]

لمبة الانجكشن مطلعة عيني و معايا كليو 2002 يا سيدي

[mohamed_aly]

العربيات الكليو فى مصر كلها صناعة فرنسية وتقفيل فرنساوى؟؟؟؟؟

موديل 2002 فرنساوي

غير كدة معرفش

[hamadaelrewsh2010]

انا معايا رينو كليو 2002 _1200 سي سي عربيه جامده جدا اللي في ناس كتير ماتعرفوش اني العربيه دي موديل 2002 و2003 ماتور انفينتي وموديل 2001و2002و2003 تقفيل فرنساوى ومن اول مو2004 لغايه 2008 كل ده تقفيل تركي وبتختلف من ثبات العربيه والماتور انا العربيه جايب بيها 180 علي العين السخنة جامده اه انتا بتحس بخفيه الطبيعي بتاع اي عربيه بعد ال 180 اه هيا فيها عيوب شويه بس بصراحة جامده جدا يعني انا اول ماجبتها جيت ادور العربيه تدور وتفصل كشفت عليها طلعت طلمبة البنزين انا كنت عاوز المبينة بتاعت البنزين بس مش الطلمبة كلها روحت التوكيل قالي لا لازم تشتري الطلمة كاملة قولتلو بكام قالي ب1200 سيبتو ومشيت روحت غيرتها بره اصلي وربنا وب400 جنيه وتركيب 50 جنيه يعني كلها ب420 جنيه واشتريت الطلمبه بقي كمله مش المبينة بس لا الطلمبة كلها بالتركيب بكلو ب450 والحمد لله تمام ظهر عيب تاني جيت بدور العربيه ضارت بس حاسس في طرقعة في الشكمان ولمبة التشيك منورة والعربيه بتترعش وصوت الماتور عالي مش عارف في ايه وكنت في مدينة نصر وطبعا مش هاخلي اي حد يلعب فيها فسألت ناس قالولي واحد بيصلح فرنساوى بس قدام الوفاء والامل اللي في الحي العاشر فرحتلو بيها وماشي واحده واحده كشف عليها بالكمبيوتر قالي دا عي موبينه وبوجيهات المبينه دي اللي مطلعا 4 كتاوتللبوجيهات هاتلاقوها جمب رشاش الانجيكشن بالظيبط فبسألو بكام دى قالى ب800 جنيه والبوجيهات ب140 جنيه الحاجات دي ياجدعان اصلي كلها مش تركي ولا الكلام ده لا كل حاجه اصلي فرنساوى المهم سيبتو برده وقولتلو طب دي تنزلني المنطقة قالي اه انا ساكن في رمسيس يا جماعة قالي انتا كده ماشي علي 2 سليندر بس لاني في بوجيهين بايظين كمان المهم خت العربيه ومشيت لغايه رمسيس كنت بجيب الرابع وانا ماشي علي 30 والحمد لله وصلتني لغايه رمسيس وجبت المبينه من واحد في غمرة اسمو الضبع ده يا جدعان عندو كل الحاجات بتاعت الرينو لانو اصلن مابيبعش غير قطع غيار الرينو فكل قطع الغيار عندو ورخيص واللهي وحاجاتو اصلي انا جايب من عندو طلمبة نزين وبوجيهات وموبينه فجيبتها من عندو ب420 جنيه اصلي بردو محدش مصدق طبعا انها اصلي انا برده مكنتش مصدق ودتها عند كزا واحد قالي اصلي والمهم ركبتها وركبت بوجيهات ب90 جنيه والعربيه بقت تمام الحمد لله قعدت فتره وبعديها ومن قيمت 10 تيام بالظبط العربيه ماقتهاش بتسحب معايا ومابتأمركش ولا اي حاجه الص وماتسحبش رحت كشفت عليها اسطوانة وديسك وبليه جبت الاصلي يا جماعة ب550 جنيه من عند الضبع ده بردو انا يا جماعة وديتها لميكانيكي فعلن مالوش حل وغيرت الاسطوانة والديسك والبليه يعني طقم ديبرياش كامل وانا عاوز اقولكو اني العربيه عاملة 132 فالراجل قالي العمر الافتراضي بتاع الاسطوانة والديسك والبليه خلاص انتها فركبت الجداد دول ودلوقتي العربيه الحمد لله تمام ومافيهاش اي مشكله وهيا علي فكره عربيه جامده جدا جد وفي الدريفتات اصلي علي فكره وفي الغرز تقيله جدا انا بعد ماركبت طقم الديبرياش ده التاني بس كن عاوز اجرب كده جاب معايا 60 فهيا عربيه جامده جدا وانصح اللي ييب رينو كليو يجيب من اول مو 2001 لغايه مو 2003 علشان تقفيل فرنساوى ومتور انفينتي لكن لو حد ساق من اول 2004 لغايه 2008 وساق 2001 لغايه 2003 هايحس الفرق علي الطريق بعد ال150

[hamadaelrewsh2010]

لا يا جماعة واللهي مو 2001و2002و2003 فرنساوى من اول 2004 لغايه 2008 تقفيل تركي وماتور تركي التانين تقفيل فرنساوى وماتور انفينتي

[mr_sameh]

موضوع ممتاز

[zkralla]

تقييم اكثر من رائع

مع احترامي لحضرتك ولكن اسعار قطع غيار اللانسر والألنترا اللي انت بتقول عليها دي مش 30 % يعني مش للدرجه دي
أولا انت بتتكلم على قطع الغيار الفرنساوي ولا التركي
لو الفرنساوي انا أؤكدلك ان اللانسر او اي كوري وبعض الياباني هيبقى ارخص من الفرنساوي وياباني كمان
اما التركي فممكن تلاقي ارخص ولكن عمر افتراضي ليس بجودة الياباني

يعني مثلا حضرتك بتقول اكصدام تركي بــ 400 جنيه ده مش تركي ده تايواني وانا شاريه لقريب لي
ولو فرنساوي بــ 900 جنيه
انا عندي في الدايهاتسو بــ 600 جنيه وياباني من بلده ومرن جدا
الفانوس الامامي ايضا كذلك انا عندي في الدايهاتسو بـــ 650 وياباني مش تركي بـ 450 او فرنساوي بــ 1100
وفي نقطه تانيه ان العربيه الكليو بــ 72 الف
اما الدايهاتسو مثلا بــ 76 الف وبتوصل الى 90 الف جنيه يعني عربيه اغلى وقطع غيار نفس السعر مع فرق الياباني ولتركي والفرنساوي وطبعا بالتالي العمر الأفتراضي


في حاجه تانيه

العربيه عافشتها ناشفه جدا
وركوبتها متعبه جدا سوائ للكراسي الامامية ناشفه
او لعدم امكانية تحرك الدركسيون ودي متعبه جدا لأن بتحس انك معلق ايديك زي العربيات النقل

موضوع الوسع الداخلي
ا بقه فظيع بصراحه

يعني اللي بيقعد في الأمام بتحس انه ممكن يتقلب من الشباك
وده انا بحسه دائما
لحد ما لقيت فيديو كان في واحد طالع من نفق والعربيه عومت منه
اللي قاعد بجواره طار من الشباك والله هذا حصل وهحاول اجيبهولك مع اني عرضته من قبل هنا

وعالعموم انا حبيت بس اوضح للقارئ على المساوئ لهذه السيارة لأن فعلا فعلا في منها احسن بكتير لأن يعيبها اسعار قطع الغيار ده فعلا معكثرة مصاريفها لقصر العمر الأفتراضي للقطع الغيار مع حدوث اعطال بسيطه في الكهرباء ولكن غلو التوكيل في صيانته


وعلى فكره قريبي طلع بالعربيه دي على رصيف وهو ماشي على 60 ومفيش اي مشكله والعربيه اتخبطت من تحت
الأير باجز فتح
والعربيه ماشيه مفيش مشكله راح التوكيل قالوله 27 الف جنيه علشان يصلحوها والعربيه تساوي 45 الف جنيه بكتيره ده غير المصاريف اللي صرفها عليها من اول ما اشتراها زيروا في 2003

أنا مقدرش اتكلم عن اللانسر لانها عربية محترمة جدا من وجهة نظرى وأن تم مقارنتها بالكليو فالانسر تكسب بجدارة برغم انهم مش فى نفس القئة السعرية بس حضرتك بتحذر الناس من الكليو ولو قارنتها بالدايهاتسو الى مع حضرتك لان فى وجهة نظرى وأنا على فكرة مش معايا كليو - أن الكليو افضل من الديهاتسو