برجاء الإفاده من الساده خبراء الميجان

[crazy_luv]

[overline]انا واحد صاحبي عارف اني عاوز اجيب ميجان جابلي عربية ميجان هاتش باك 2006 لونها اسود، كاملة بس موش بانوراما و مفيش فيها مثبت سرعة في الطارة، صاحبها بيعمل الصيانة في التوكيل و فيها كاوتش جديد و عاملة 65000كم و فبريكة برة و جوه.

فيها العيوب الأتية

أولاً الباب اللي ورا يمين الكاوتش بتاعة مقطوع و دي تالت عربية اشوف فيها الموضوع ده، و بصراحة موش فاهم ده عيب خامة ولا عيب مستخدم.؟

تاني حاجة طالما ان الطارة موش فيها مثبت سرعة، هل الميزة دي ممكن تتضاف و ياريت حد يقولي تتكلف كام و اعملها فين ؟

تالت حاجة الكاسيت سي دي بس اول ما بدور بسمع صوت خرفشة شكلة كدا محشور فية اسطوانة أو عاوز يتغير خالص... ياريت تدلوني ده يتعمل فين ولو ممكن اركبلها كاسيت الميجان ال2007 أبو mp3 يتكلف كام و منين ؟

رابع حاجة هوا طالب فيها 67500 ايه رأيكوا في السعر افاصل لحد كام ؟[/overline]

[yalahwy2010]

[overline]انا واحد صاحبي عارف اني عاوز اجيب ميجان جابلي عربية ميجان هاتش باك 2006 لونها اسود، كاملة بس موش بانوراما و مفيش فيها مثبت سرعة في الطارة، صاحبها بيعمل الصيانة في التوكيل و فيها كاوتش جديد و عاملة 65000كم و فبريكة برة و جوه.

فيها العيوب الأتية

أولاً الباب اللي ورا يمين الكاوتش بتاعة مقطوع و دي تالت عربية اشوف فيها الموضوع ده، و بصراحة موش فاهم ده عيب خامة ولا عيب مستخدم.؟

تاني حاجة طالما ان الطارة موش فيها مثبت سرعة، هل الميزة دي ممكن تتضاف و ياريت حد يقولي تتكلف كام و اعملها فين ؟

تالت حاجة الكاسيت سي دي بس اول ما بدور بسمع صوت خرفشة شكلة كدا محشور فية اسطوانة أو عاوز يتغير خالص... ياريت تدلوني ده يتعمل فين ولو ممكن اركبلها كاسيت الميجان ال2007 أبو mp3 يتكلف كام و منين ؟

رابع حاجة هوا طالب فيها 67500 ايه رأيكوا في السعر افاصل لحد كام ؟[/overline]

انا شايف ان الحاجت اللى انت قولت عليها دى بسيطة....مش عيوب كبيرة
الحد الفاصل فى السعر هو الكشف عليها عند الميكانيكيون العرب......يقولك فيها ايه باظبط....تقريبا بيتكلف 250 جنيه
بالنسبة للسعر....لو العربية بعد الكشف عليها وطلع انها مش محتاجة أى مصارف...يبقى لو أخدتها بالسعر ده تبقى كسبان
لو محتاجة مصارف....يبقى تمن اللى محتاجاه ينقص من تمنها.......يعنى العفشة والموتور...والكهربا...كله كله....تشوف لو الميكانيكيون العرب قالولك محتاجة حاجة...اعرف سعرها ...وشيل تمنها من السعر اللى مكتوب
وبالتوفيق.......بس لازم تكشف عليها...ومش عند أى حد كمان...ويستحسن التوكيل عشان تتأكد من الكيلوات المعمولة دى صح

[crazy_luv]

متشكر يا بشمهندس فهمي، هوا انا فعلا كنت ناوي اوديها التوكيل بس الفي المقطم موش الميكانيكون العرب (علشان الناس هنا بتشكر فيهم اكتر من الميكانيكيون العرب)، بس انا عاوز ميجان علشان حبة تفاهات كده منها فتحة السقف بتاعتها عجباني جداً شكلها و مقاساتها، و كمان مثبت السرعة ده غير انها عربية ثابتة جدا علي الطريق.

بالنسبة للعربية دي بالذات مفيش فيها الاتنين لا بانوراما و لا مثبت سرعة و قريت ان مثبت السرعة هنا علشان اركبة في التوكيل قصة و تتكلف حوالي 8000 جنية فأنا موش عارف بصراحة...

[chato_eg]

بالنسبة للكاسيت ال MP3 ....على اعتبار إن إللى راكب فيها Update List ...ريح نفسك مش هتلاقى ال MP3 استيراد....و لو لاقيته مش هتلاقى الكود بتاعه
الجديد فى التوكيل من ال MP3 ب 4400 جنيه بالضريبة

هاتلك واحد بايونير مثلا و اشترى دماغك

[pioneerahmed]

بص يا باشا كاوتش الباب الى مقطوعة دى مقطوعة عندى و عند كل الى اعرفهم عندهم ميجان 2005 و 2006 مش عارف لية بس عامة مش مسربة هوا و لا حاجة

الموديل بتاعك دة مبينزلش فية مثبت سرعة لانها زى عربيتى بس بتبقى مجهزة يعنى هتجيب طارة دركسيون بالشريط بتاعها و زرار المثبت استيراد و هيرشتغل مش اشكال بس المهم تلاقية و مش هيعدو تمنهم 2000 جنية (انا بدور عليهم بردو)

سعر العربية ازيد 2000 جنية تقريبا عشان مش بانوراما بس كويس و لازم تكون مفيهاش حاجة لا ميكانيكا و لا كهربا

و نصيحة فى الكشف خلى حد يكشفلك على كمبيوتر الاير باج عشان فى عربيات ضاربة اير باج و كل حاجة متغيرة حتى التابلوة و مش بتتعرف الا عند حد بيفهم اوى فى العربية

خد بالك عشان الميجان بالزات عربية فك و تركيب فى كل حاجة

اخر حاجة الصوت الى فى السى دى دة عادى لو هو tuner list بس خد بالك ان التيونر ليست دة مش بيتغير بكاست ام بى ثرى و لا حتى update list خالص عشان لو اتغير الشاشة مش هتشتغل و لا حتى المالتى الى ورا الدركسيون

و ربنا يوفقك يا باشا

[Sharky]

بص يا باشا كاوتش الباب الى مقطوعة دى مقطوعة عندى و عند كل الى اعرفهم عندهم ميجان 2005 و 2006 مش عارف لية بس عامة مش مسربة هوا و لا حاجة

أول مرة اسمع على ان موضوع كاوتش الباب دا منتشر فى الميجان
انا عربيتى 2005 و مافيهاش الحوار دا !!

رأى الشخصى لصاخب الموضوع روح اكشف عليها فى فرع العبور افضل
و لو طلعت نضيفة يبقى توكل على الله سعرها حلو

[pioneerahmed]

أول مرة اسمع على ان موضوع كاوتش الباب دا منتشر فى الميجان

هى بتبقى حتة صغيرة عند العتب بتبقى مقطوعة فى الجنب اليمين مش عارف لية بس مش بتاثر على حاجة

[Ahmed Selim]

أنا كمان معنديش مشكلة فى كاوتش الباب....غير أن فى ناحية واحدة ورا....جزء من الكاوتش بتاعها مش بيركب كويس فى مكانه.....و له حل أنه يتظبط بس أنا كسلت أعمله.

[crazy_luv]

متشكر جدا يا جماعة

[Elsarrawy]

أول مرة اسمع على ان موضوع كاوتش الباب دا منتشر فى الميجان
انا عربيتى 2005 و مافيهاش الحوار دا !!

أنا كمان معنديش مشكلة فى كاوتش الباب....غير أن فى ناحية واحدة ورا....جزء من الكاوتش بتاعها مش بيركب كويس فى مكانه.....و له حل أنه يتظبط بس أنا كسلت أعمله.

مش يمكن علشان هاتش باك؟؟؟

[Ahmed Selim]

مش يمكن علشان هاتش باك؟؟؟

معتقدش تفرق فى حاجة