رينو سكالا

[down4me]

بسم الله الرحمن الرحيم




كنت بتفرج في المعارض النهاردة في رحلة البحث عن عربية مناسبة المهم دخلت رينو و شفت ال سكالا و دخلتها من جوه العربية ماشاء الله جميلة جدا يا جماعة بجد و همتنى فحبيت اعمل تقرير بسيط عنها فدورت و جمعت شويت صور و معلومات و فيديوهات عن العربية :


التجهيزات
1 – فئة Expression ناقل حركة يدوى

• – فرش المقاعد قماش
• - عجلات حديديه مقاس ١٤ بوصة
• - وسادة هوائيه للسائق
• - نظام إيمبوليزر للحمايه من اخطار السرقة
• - باور ستيرنج
• - كمبيوتر رحلات
• - زجاج مظلل عازل للحرارة
• - المصابيح أمامية هالوجين
• - مصابيح ضباب اماميه
• - مصباح توقف ثالث إضافي
• - مكيف هواء يدوى
• - نظام قفل مركزي للأبواب ( سنتر لوك )
• - تحكم كهربائى فى النوافذ الأربعة
• - مرايا جانبية بتحكم كهربائى
• - مصباح إضاءة لغرفة الأمتعة
• - نظام صوتى ومشغل اقراص CD مع امكانية تشغيل ملفات MP3
• - عدد أربع سماعات

2 – فئة Expression ناقل حركة اوتوماتيكى .. نفس التجهيزات السابقة بإضافة الناقل الاوتوماتيكى .
3 – فئة Dynamic
يضاف إلى تجهيزات الطراز السابق ما يلى :

• - جنوط رياضيه قياس ١٥ بوصة
• - فرش المقاعد من القماش الفاخر ب
• - تطعيمات من الكروم اللامع للتبالوه
• - عجلة قيادة مكسوه بالجلد
• - مقبض تغيير السرعات مكسو بالجلد
• -نظام الفرامل مانع للإنزلاق ABS مع EBD
• - وسادة هوائيه للراكب الأمامي
• - عجلة قيادة متعددة الوظائف للتحكم في النظام الصوتى
• - ريموت كنترول لفتح الأبواب
• - مراية جانبية يمكن طيها اتوماتيكياً
• - مقعد السائق يمكن تعديل ارتفاعه
• - شماسة للسائق مزوده بمرآه
• - مسند يد خلفي
• - جراب نظارة في السقف

الأسعار .
اسعار رينو سكالا 2010 من 89.000 جنيه مصرى لفئة Expression ناقل حركة يدوى لتكون 94.000 جنيه مصرى لفئة Expression ناقل حركة اوتوماتيكى ولتصل إلى 103.000 جنيه مصرى لفئة Dynamic بناقل حركة اوتوماتيكى .

الأبعاد

2. الطول الاجمالى : 4510 مم
3. العرض : 1710 مم
4. الإرتفاع : 1450 مم
5. قاعدة العجلات : 2535 مم
6. الوزن الصافى : 1137 : 1161 كجم
7. سعة خزان الوقود : 55 لتر

كمان ممكن تشوفو الموقع الرسمي بتاعها على الرابطين دول :


RENAULTآ® SCALA

Renault Scala


اتمنى التقرير يعجبكم

في رعاية الله

[akmal_hamdi]

شكرا على التقرير و يرجى التثبيت من مشرف القسم

[down4me]

على فكرة يا جماعة نسيت اقول ان العربيات غليت من 1/8/2010 و الناس في المعارض اكدتلي انها هاتغلى تاني الشهر ده و كل ده من غير سبب ؟؟؟؟؟؟؟؟؟؟؟؟؟

[BrainStorm]

تسلم ايدك على المعلومات دي

[meme77]

السلام عليكم . مع كامل احترامي لكل عائلة رينو الا ان الاسكالا ليست من العائله الكريمه بل انها لقيطه . وده لانها اساسا موديل من موديلات النيسان صني الي فشل عندنا في مصر ولما الشركتين اندمجوا كل الي عملوه انهم شالوا علامة النيسان وحطوا علامة الرينو وبردو مش هتمشي لانها غاليه

[ams_5000]

السلام عليكم . مع كامل احترامي لكل عائلة رينو الا ان الاسكالا ليست من العائله الكريمه بل انها لقيطه . وده لانها اساسا موديل من موديلات النيسان صني الي فشل عندنا في مصر ولما الشركتين اندمجوا كل الي عملوه انهم شالوا علامة النيسان وحطوا علامة الرينو وبردو مش هتمشي لانها غاليه

أولا النيسان صني مافشلتش في مصر ولا حاجه دي منتسره جدا.
ثانيا: العربيه مش غاليه ولا حاجه، لما تبقي العربيه 1600 وبالحجم ده وسعرها في التسعينات تبقي مش غاليه ولا حاجه.
تــــــــــــــحياتي

[mohamed1979]

أولا النيسان صني مافشلتش في مصر ولا حاجه دي منتسره جدا.
ثانيا: العربيه مش غاليه ولا حاجه، لما تبقي العربيه 1600 وبالحجم ده وسعرها في التسعينات تبقي مش غاليه ولا حاجه.
تــــــــــــــحياتي

واحده واحده يا باشا الراجل مش واخد باله
عديها المره دى ياما عدينا

[mohamed1979]

السلام عليكم . مع كامل احترامي لكل عائلة رينو الا ان الاسكالا ليست من العائله الكريمه بل انها لقيطه . وده لانها اساسا موديل من موديلات النيسان صني الي فشل عندنا في مصر ولما الشركتين اندمجوا كل الي عملوه انهم شالوا علامة النيسان وحطوا علامة الرينو وبردو مش هتمشي لانها غاليه

و الداستر و اللوجان برضو مش رينو
بس عليهم علامه رينو
يبقى فى الأخر هما رينو
بس دول مش رينو علشان دول داتشيا
بس عليهم علامه رينو
يبقى فى الأخر هما رينو


انا تعبت كفايه حرام

[meme77]

تحياتي للجميع . انا بقولكم ان الموديل ده فقط هو الي فشل في مصر انما نيسان صني عربيه كويسه ولكن انا ليا تحفظ عليها ان سحبها بطيئ ومعدل استهلاك البنزين عالي وده عن تجربه . كانت معايا صني 2009 وبعتها . وللعلم الموديل بتاع النيسان الي بقى رينو هو موجود في مصر منه كام عربيه وكلهم خليجي