باركولي

[ysamerlabib]

ممكن سؤال سخيف؟!!

هو التوكيل بيبيع مستعمل؟

طب ألاقي عنده كليو؟

ولو فيها رزالة.. ممكن ألاقي المعلومات دي على الموقع بتاع الوكيل؟

التوكيل بيبيع مستعمل بس مش حتلاقي اي حاجه على الموقع بتاعهم
الموضوع كله في ايد م/ احمد طعيمه فرع رينو اللي خلف المحكمة (مصر الجديدة)
ممكن تكلمه لان ممكن تلاقي عنده كليو ............... انا مش عارف ممكن اكتبلك رقمه ولا لا عموما حبعتلك الرقم على الخاص

[ysamerlabib]

تم بحمد الله اليوم الترخيص من المرور وكانت التكاليف كما يلي:
541 جنيه ضريبه ورسوم
221 جنيه تأمين اجباري
150 جنيه شاي وقهوة للبشوات الموظفين (قبل رمضان ... وبكره الدنيا صيام)
50 جنيه ورق وملف
20 اكرامية اللوحات
100 اكرامية الراجل اللي جاي معايا من طرف احمد طعيمه علشان يخلص الورق كله وانا قاعد زي الباشا


المهم بعد ما خلصت لاقيت احمد طعيمه بيكلمني وبيتأكد ان كله تمام ..... حقيقي الراجل ده

بعد كده اتصلت بالصيانه علشان احجز صيانة ال 10000 ك لاقيتهم شغالين كمان بعد الفطار من الساعة 9 وحتى 1 مساء ودي حاجة كويسه اوي اوي

[wisambasha]

والله فكرة حلوة انك تشتري مستعمل من الوكيل مباشرة علي الاقل تبقي ضامن انه كاشف عليها

بس هل يا تري كل التوكيلات بتعمل زي توكيل رينو وممكن تبيع مستعمل؟؟؟

ربنا يديك خيرها ويكفيك شرها

[ahgendy]

فكرة شراء المستعمل من الوكيل موش فكرة كويسة وبس
دي فكرة جبااااااارة

وياريت كل التوكيلات يبقى فيها كده

موش عارف مبيعملوش كده ليه
والله هيكسبوا كتير

وألف شكر يا باشا على بيانات الاتصال

[nourel2mar]

الف مبروك وربنا يهنيك بيها ويكفيك شرها

[wisambasha]

فكرة شراء المستعمل من الوكيل موش فكرة كويسة وبس
دي فكرة جبااااااارة

وياريت كل التوكيلات يبقى فيها كده

موش عارف مبيعملوش كده ليه
والله هيكسبوا كتير

وألف شكر يا باشا على بيانات الاتصال

يمكن بيخافوا ان الموضوع يعمل لهم مشكلة مع الشركة الام لان المفروض انه يكون ليه target سنوي للمبيعات يحققه للعربيات الجديدة لكن بيع المستعمل اكيد هيخلي ناس كتير تتجه لشرائة لرخص سعره عن الزيرو الجديد وبكده مبيعات الشركة الام من السيارات الجديدة في السوق المصري هتقل


ده تخمين مني مش اكتر

[ramyragi]

توكيل رينو اللى ورا محكمة مصر الجديده من احمد طعيمه مشرف المبيعات هناك (الصراحة راجل زي الفل )

......................................
..................................
.........................................
استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".
يرجى مراجعة قواعد المنتدى

3:42am 9/9/2010
المشرف العام 5

[hakim_30]

توكيل رينو اللى ورا محكمة مصر الجديده من احمد طعيمه مشرف المبيعات هناك (الصراحة راجل زي الفل )

..........................
...................................
................................

شكرا على الرقم وحضرتك تقصد كسر زيرو ولا زيرو زيرو (الاسلوب اوحالى انها كسر زيرو زي الزيرو) وانا عاوز حاجه كدا بالظبط يريت تقولى السعر والمواصفات والف مبروك

[ysamerlabib]

يمكن بيخافوا ان الموضوع يعمل لهم مشكلة مع الشركة الام لان المفروض انه يكون ليه target سنوي للمبيعات يحققه للعربيات الجديدة لكن بيع المستعمل اكيد هيخلي ناس كتير تتجه لشرائة لرخص سعره عن الزيرو الجديد وبكده مبيعات الشركة الام من السيارات الجديدة في السوق المصري هتقل


ده تخمين مني مش اكتر

انا مش مع حضرتك في النقطة دي لكذا سبب...
1- اولا : اللي بيروح يبيع عربيته هناك بيعتبروا ثمنها مقدم عربية زيرو حيستلمها
2- ثانيا: انا لما اروح اشتري المستعمل بكون اديتلهم فلوس كاش قدروا بيها يعملوا الTarget وكمان بتبقى مقدمه عاليه في العربية الزيرو
3- ثالثا : ضمنوا ان عمبل جديد حيركب رينو.....

يعني مثلا
1- الراجل اللي انا شاري عربيته ده اعتبروا ان ثمن الميجان هو دفعة مقدمه لفلوانس
2- الراجل لو مكنش باع عربيته كان دفع 10% بس من الفلوانس كمقدم لكن لما يبيعولي العربية ب 103000 ويعتبروا المبلغ ده مقدمه الفلوانس (طبعا فرق كبير بين 10% او 100000 جنيه حتى.
3- انا مكانش معايا رينو ودلوقتي بقى معايا .... يبقى انا عميل جديد وهم مخسروش العميل القديم

تخميني كده

[ysamerlabib]

توكيل رينو اللى ورا محكمة مصر الجديده من احمد طعيمه مشرف المبيعات هناك (الصراحة راجل زي الفل )

..........................
.........................
................................

+11111111111

[Abo_Lina]

أحسنت الإختيار

[Sharky]

ممكن عنوان فرع رينو اللى خلف المحكمة فى مصر الجديدة ؟

[tareksedra]

ممكن عنوان فرع رينو اللى خلف المحكمة فى مصر الجديدة ؟

على اليمين و انت جاى من سفير قبل المحكمه مباشره على اليمين نفس صف المحكمه فى شارع ابوبكر الصديق

[Sharky]

شكرا يا باشا كده عرفته

دا الفرع الجديد بتاع رينو فى مصر الجديدة

[tareksedra]

شكرا يا باشا كده عرفته

دا الفرع الجديد بتاع رينو فى مصر الجديدة

تمام كده