ارائكم مطلوبة عن ميجان هاتشابك 2008 ؟

[SoFiMaN]

السلام عليكم

معروض عليا حاليا رينو ميجان هاتشباك 2008 بانوراما عاملة حوالي 60000كم
اولا ايه رأيكم فيها بشكل عام الموديل ده؟
ثانيا السعر المستحق تقريبا كام فيها ؟ و هل في حاجة معينة اشوفها فيها و انا ببص عليها بكرة ان شاء الله و لو عجبتني اكشف عليها فين في اسكندرية ؟

اخيرا قطع غيارها اخبارها ايه ؟ و مشاكلها زي مشاكل الميجان السيدان ؟
و شكراً :)

[blazer]

يعنى السيدان بتعمل لو نفس المواصفات حوالى 75-80 الف
ممكن الهاتشباك تبقى اغلى سنه لانها قليله عن السيدان و فرنساوى
اكشف فى التوكيل كشف كامل اهم حاجه تتعمل
قطع غيارها هى هى الميجان السيدان والميجان من بعد موديل 2007 مبقاش فيها اى مشاكل

[momo10000]

80 ل 85

[youssefmegane]

اعتقد هتعمل فى حدود 75 ل 80.عاملة 60000 كيلو فى اقل من سنتين.
اهم حاجة الكشف فى التوكيل اللى فى العامرية ك27 تقريبا على الطريق الصحراوى.
الميجان الهاتشباك زى السيدان فى كل حاجة ماعدا انها تقفيل فرنساوى و السيدان تقفيل تركى.
قطع غيارها موجودة و متوفرة فى التوكيل و برة التوكيل.فى محل اسمه الوشاحى فى محطة الرمل عنده كل حاجتها و فى كمان واحد فى صلاح الدين بس مش عارف اسمه.و فى حاجتها الاصلى و التقليد بسعر مناسب.
اهم حاجة الكشف فى التوكيل...........

[SoFiMaN]

الف شكر على ردودكم. دلوقتي في احتمال واحدة تانية عاملة 50 الف كيلو بس طالب عالي 90000 جنيه اقلها ! مش كتير ؟! انا لسة مشفتش حالتها بس بيقولوا كويسة جدا.

بالنسبة للاخ momo10000 هي صورة التوقيع عربيتك ؟ موديل كام ؟ ماشاء الله جميلة (انا اصلا بحب الميجان هاتشباك خصوصا الاسود :D ) ربنا يحفظك من كل شر :)

[SoFiMaN]

اعتقد هتعمل فى حدود 75 ل 80.عاملة 60000 كيلو فى اقل من سنتين.
اهم حاجة الكشف فى التوكيل اللى فى العامرية ك27 تقريبا على الطريق الصحراوى.
الميجان الهاتشباك زى السيدان فى كل حاجة ماعدا انها تقفيل فرنساوى و السيدان تقفيل تركى.
قطع غيارها موجودة و متوفرة فى التوكيل و برة التوكيل.فى محل اسمه الوشاحى فى محطة الرمل عنده كل حاجتها و فى كمان واحد فى صلاح الدين بس مش عارف اسمه.و فى حاجتها الاصلى و التقليد بسعر مناسب.
اهم حاجة الكشف فى التوكيل...........

جميل جدا على المعلومات الف شكر.
و التوكيل عارفه اكييييد لاني بعدي عليه كل يوم بما انه في طريق شغلي (بشتغل في الهيئة العامة للاستثمار و المناطق الحرة) الكيلو 29

[SoFiMaN]

مازلت مستني ردكم

دلوقتي في احتمال واحدة تانية بانوراما عاملة 50 الف كيلو بس طالب عالي 90000 جنيه اقلها ! مش كتير ؟! رحت شفتها انهاردة و ماشاء الله جميلة و دهان فابريقة. ايه رأيكم ؟
و كان بيعمل صيانتها في التوكيل بس لو اشتريتها هيبقى المفروض اني انا اروح اعملها صيانة ال50000 كيلو .. حد عنده فكرة تكلفتها كام تقريبا؟

[youssefmegane]

سعرها كده عالى بس لو العربية فعلا مفيش فيها غلطة حاول تنزل فيها شوية.بس اتأكد منها و اكشف عليها فى التوكيل و لو تمام و مش محتاجة اى مصروف هتبقى انت الكسبان حتى لو دفعت فيها شوية زيادة عن سعر السوق.
صيانة ال50000 بتعمل حوالى 500 جنيه فى التوكيل

[SoFiMaN]

الف شكر على الرد .. طيب هو عادي اروح للتوكيل اي وقت اقوله اكشف على دي او لازم حجز ؟ و بيدي ريبورت كامل فعلا عن عيوبها لو فيها ؟ و حد عنده فكرة تكلفة الكشف كام ؟
لو كده هروح اللي في الكيلو 27 اسكندرية ان شاء الله .

و ايه العيوب مثلا اللي ممكن تظهر في التوكيل لاقدر الله تخليني الغي الشراء ؟

[Col. Eng. Khaled]

الف شكر على الرد .. طيب هو عادي اروح للتوكيل اي وقت اقوله اكشف على دي او لازم حجز ؟ و بيدي ريبورت كامل فعلا عن عيوبها لو فيها ؟ و حد عنده فكرة تكلفة الكشف كام ؟
لو كده هروح اللي في الكيلو 27 اسكندرية ان شاء الله .

و ايه العيوب مثلا اللي ممكن تظهر في التوكيل لاقدر الله تخليني الغي الشراء ؟

كــل مــا تريـــد معرفتــــه عــن الميــــجان II

[youssefmegane]

مش لازم تحجز بس حاول تروح بدرى على قد ماتقدر.الكشف بياخد حوالى ساعتين و بيديك شهادة الجودة و دى بيقولك فيها كل حاجة عن العربية و ايه الحاجات اللى محتاجة تتغير فيها.
الكشف من سنة كان ب 220 جنيه مش عارف دلوقتى بكام بس اظن انه زى ماهو.
طبعا العيوب اللى تخليك تلغى الشراء مثلا انها تكون عاملة حادثة او فيه عيب فى الفتيس او العربية مش منتظمة فى الصيانة او حد لعب فى الكهرباء بتاعتها او ....او....

[SoFiMaN]

الف شكر,, ربنا يكرم باذن الله و بكرة اكشف كده عليها و اعطيكم الاخبار

طيب هو ممكن حد يقولي الاوبشنز كامل بتاعها ايه ؟ لاني فعلا ملحقتش اشوفها كلها لسة. هي فيها مثبت سرعة ؟

[SoFiMaN]

انهاردة رحت كشفت في التوكيل بتوصية طبعا من ناس هناك اعرفها ,, طلعلي 8 حاجات محتاجة تتغير في العربية (بلاستيكة مساحة خلفي - كاوتش باب خلفي شمال - فردة كاوتش شمال ورا - اكصدام - فبرة اكصدام - 2 مرايا جنب)
بالنسبة للاكصدام هو قالي انه كتبها عشان هو الاكصدام معموله سنادة من تحت يعني كان اتريح عليه قبل كده لكن مش مرشوش يعني ببوية المصنع.
ال2 مرايا جنب واحدة منهم الكفر الخارجي بس مخدوش شوية كده. لكن التانية واقعة و ملزوقة و دي اللي ممكن فعلا تحتاج تتغير. بس معرفش هل لها حل ؟؟ لأنها شكلا سليمة 100% مشكلتها بس انها زي ما يكون حد سند عليها