هو مفيش كليو جديد؟

[ahgendy]

على موقع كونتاكت كارز اللي بصراحه يعتبر أول موقع أسترشد فيه بتمن العربيات لاحظت عدم وجود كليو في السيارات الجديدة
وفي المستعمل ملقيش أحدث من 2008

فمضطر أزعج حضراتكم بكام سؤال عنها لأني بافكر فيها جدياً هي واللوجان
فمحتاج من حضراتكم توضيح لبعض النقاط علشان أعرف أستكمل مقارنتي الخاصة

هل إنتاج كليو توقف عند سنة معينة ومفيش منها جديد؟

وهل ده -لو حقيقي- بيأثر على أسعار قطع الغيار والصيانة والذي منه؟

لاحظت إن عدد المعروض منها في المستعمل قليل، يفهل ده معناه إن اللي بيجيبها مبيفرطش فيها، وللا هي عربية تقيلة في البيع والشرا؟

هل فيه منها أتوماتيك؟

أنا ميزانيتي للموضوع حوالي خمسين ألف، فهل الرقم ده يجيب لي حاجة كويسة في الكليو؟

وشاكر جدا لحضراتكم

[ramy_gamal]

اخر الكليو كان 2008 وبعديها نزلت رينو سيمبول هى هى الكليو بس احدث لكن نفس الموتور
اسعار قطع الغيار عاديه وكله متوفر والصيانه بتم فى التوكيل عادى جدا
الرينو بشكل عام تقيل شويه فى البيع......وفى اتوماتيك
والمبلغ اللى معاك يجيب حاجه كويسه 2006 او 2005

[ahgendy]

متشكر جدا على الاهتمام وعلى التوضيح

بس فيه نقطة صغيرة مفهمتهاش من كلام حضرتك
بتقول في أتوماتيك
تقصد فيه كليو أتوماتيك؟
ولو ده قصدك، ألاقيه فين؟
ويعمل له كام؟

بالنسبة للصيانة بتقول حضرتك إنها بتتم في التوكيل عادي، ولكن اللي أعرفه إن التوكيل عادة بيبقى حراق وغالي، فهل فيه بديل؟

ده غير إن أيام كتير بابقى في البلد بعيد عن القاهرة، فهل لو حصلت لها حاجة لا قدر الله هالوص بيها وللا ممكن أي ميكانيكي يتصرف فيها؟

[Sharky]

الكليو تنقسم الى شكلين هاتشباك و سيدان

الهاتشباك مازالت تنتج بنفس الإسم فى الخارج لكن مابتجيش مصر لإنها بتصنع فى فرنساوى و سعرها لن يقل عن 120 الف جم

لكن الكليو السيدان اللى بتتجمع فى تركيا نزل مكانها السيمبول و متهيالى لسه التوكيل بيبعها و كانت زيرو فى حدود 90 الف

[ahgendy]

الكليو تنقسم الى شكلين هاتشباك و سيدان

الهاتشباك مازالت تنتج بنفس الإسم فى الخارج لكن مابتجيش مصر لإنها بتصنع فى فرنساوى و سعرها لن يقل عن 120 الف جم

لكن الكليو السيدان اللى بتتجمع فى تركيا نزل مكانها السيمبول و متهيالى لسه التوكيل بيبعها و كانت زيرو فى حدود 90 الف

ألف شكر على التوضيح

[karioky]

بس أنا كنت شوفت الكليو الهاتش باك فى رينو المعادى من سنة تاريب

[Sharky]

اللى كانت موجودة فى التوكيل كان لونها احمر
و اتباعت تقريبا من تلاتة سنين

لكن معرفش ان كانوا جابوا غيرها و اتباعت و لا لأ

[ahgendy]

شكلها تحفة بصراحة

[ramy_gamal]

متشكر جدا على الاهتمام وعلى التوضيح

بس فيه نقطة صغيرة مفهمتهاش من كلام حضرتك
بتقول في أتوماتيك
تقصد فيه كليو أتوماتيك؟
ولو ده قصدك، ألاقيه فين؟
ويعمل له كام؟

بالنسبة للصيانة بتقول حضرتك إنها بتتم في التوكيل عادي، ولكن اللي أعرفه إن التوكيل عادة بيبقى حراق وغالي، فهل فيه بديل؟

ده غير إن أيام كتير بابقى في البلد بعيد عن القاهرة، فهل لو حصلت لها حاجة لا قدر الله هالوص بيها وللا ممكن أي ميكانيكي يتصرف فيها؟

طبعا التوكيل غالى ممكن تشوف حد بيفهم فى الرينو ويعملك الصيانه لكن اى ميكانيكى هيبوظ الدنيا لازم يكون فاهم فى الرينو
ايو فى رينو كليو اتوماتيك نزلت

[ahgendy]

ألف شكر لكل من رد علىّ وألف شكر لكل من راسلني

بس ممكن شوية أسئلة لأصحاب الكليو والخبراء بها لو تكرمتم

قطع الغيار بتاعتها غالية وللا معقولة؟
ومتوفرة وللا لا، وخصوصا إن إنتاجها توقف؟ معلش النقطة دي مهمة بالتسبة لي قوى علشان مةش عايز أغير قبل فترة

واستهلاك البنزين بتاعها أخباره إيه؟

أنا ملاحظ إنها عربية تقيلة في البيع والشراء، يا ترى ده ليه؟