عايز اعرف مكان الفلاتر : بنزين وهواء وزيت

[rafe3_dent]

عربيتي كليو 2005 اتوماتك

عايز اعرف مكان:
فلتر البنزين
فلتر الهواء
فلتر الزيت


وبالنسبة للأتوماتك .. مقاس الزيت بتاعه فين ؟؟

[POP2000]

معايا نفس العربية فلتر البنزين مش عارف مكانه لكن فلتر الهوا هتلاقيه ورا الموتور علبة بلاستيك سودا تحت الزجاج الامامي مثبته بمسمارين فكهم هتلاقي الفلتر جوا العلبة دي اما فلتر الزيت فهتلاقيه جنب مؤشر قياس الزيت صعب الوصول ليه من فوق لازم من تحت العربية

[POP2000]

معلش ماخدتش بالي انك بتسال عن مؤشر الزيت
بص يا عم الشبكة الامامية بينها و بين الموتور مسافة صغيرة بص فيها هتلاقي حلقة صفراء شدها هوا دا المؤشر
ممكن اول ما تدور العربية تدوس على زر تصفير العداد هايديك مؤشر بمستوى الزيت اذا كتب oil ok يبقى كله تمام oli بس يبقى الزيت ناقص و هتلاقي عدد الشرط اقل

[ramy_gamal]

فلتر البنزين مكانه تحت الكنبه يمين بس من برا العربيه وبردة تغييرة ساهل جدا

[rafe3_dent]

شكرا يا pop2000 و r_gamal1
الواحد نفسو يتعلم ازاي يعمل كل حاجة في عربيته بنفسه


انا كنت بسأل على زيت الفتيس الاوتوماتك .. مش زيت الماتور
اعرفو منين بقى ؟

[POP2000]

للاسف مش هاتعرف تقيس زيت الفتيس لانه مالوش مقياس و لازم تغيره في الوكاله لنه بيشوف المستوى و درجة اللزوجة و درجة الحرارة بالكميوتر او تعر ف ورشة عندها كمبيوتر رينو

[ashraf_msd]

للاسف مش هاتعرف تقيس زيت الفتيس لانه مالوش مقياس و لازم تغيره في الوكاله لنه بيشوف المستوى و درجة اللزوجة و درجة الحرارة بالكميوتر او تعر ف ورشة عندها كمبيوتر رينو

بص هقولك عالطريقه من لسان مهندس فالتوكيل

لكن للاسف ما عرفتش انفذها نهائي -- لا انا ولا شيوخ الميكانيكيه جمعاء

1- لما ترفع علبه الهوا - مش الفلتر - هيظهرلك الجانب العلوي من الجير بوكس

2- هتلاقي صاموله كده لما تفكها يبقي ده مدخل تذويد الزيت.

3- من تحت بقي هتلاقي في سداده بلاستيك كده علي الجابن السفلي للجير بوكس

4- هتفك السداده دي- على كلامه المفروض تتفك باليد عادي - المهم لو لا قيت تسريب زيت بينزل منها يبقي زيت الفتيس تمام. ولو ما نزلش منها زيت يبقى الزيت ناقص.

5- تبدئ تزود من الفتحه العلويه - اللي فكينا الصاموله منها - وتراقب من تحت - مش عارف الصراحه ازاي دي تتعمل- المهم تفضل تزود تدريجيا لحد ما الزيت يبدأ يسقط من تحت. يبقي انت كده وصلت للمستوى التمام.

ملحوظه: قعدت اشرح كلام المهندس لبتاع ست ميكانيكيه معتبرين ولا واحد فهم حاجه و ولا واحد رضي يعملها.
فنصيحه ما تعملهاش بنفسك. اطلع عالتوكيل.

ليه بقي الطريقه السوده دي عملتها رينو ... ربنا واحده اللي يعلم

[rafe3_dent]

بص هقولك عالطريقه من لسان مهندس فالتوكيل

لكن للاسف ما عرفتش انفذها نهائي -- لا انا ولا شيوخ الميكانيكيه جمعاء

1- لما ترفع علبه الهوا - مش الفلتر - هيظهرلك الجانب العلوي من الجير بوكس

2- هتلاقي صاموله كده لما تفكها يبقي ده مدخل تذويد الزيت.

3- من تحت بقي هتلاقي في سداده بلاستيك كده علي الجابن السفلي للجير بوكس

4- هتفك السداده دي- على كلامه المفروض تتفك باليد عادي - المهم لو لا قيت تسريب زيت بينزل منها يبقي زيت الفتيس تمام. ولو ما نزلش منها زيت يبقى الزيت ناقص.

5- تبدئ تزود من الفتحه العلويه - اللي فكينا الصاموله منها - وتراقب من تحت - مش عارف الصراحه ازاي دي تتعمل- المهم تفضل تزود تدريجيا لحد ما الزيت يبدأ يسقط من تحت. يبقي انت كده وصلت للمستوى التمام.

ملحوظه: قعدت اشرح كلام المهندس لبتاع ست ميكانيكيه معتبرين ولا واحد فهم حاجه و ولا واحد رضي يعملها.
فنصيحه ما تعملهاش بنفسك. اطلع عالتوكيل.

ليه بقي الطريقه السوده دي عملتها رينو ... ربنا واحده اللي يعلم

كلللللل ده؟؟؟!!!

لا ده انا اروح التوكيل احسنلي هههه

وهوا زيت الاتوماتك المفروض يتغير كل قد ايه ؟؟
ولا اذا ظهر مشكلة بس؟

[pioneerahmed]

وهوا زيت الاتوماتك المفروض يتغير كل قد ايه ؟؟
ولا اذا ظهر مشكلة بس؟

نصيحة / غيرة كل 60000 كم عشان تتطمن (بس لازم يكون اصلى طبعا)

المانيوال بتاع العربية بيقول انة مش بيتغير خالص بس دة غلط
زى بردو ما المانيوال بيقول ان الكاتينة بتتغير كل 120000 كم

[ashraf_msd]

نصيحة / غيرة كل 60000 كم عشان تتطمن (بس لازم يكون اصلى طبعا)

المانيوال بتاع العربية بيقول انة مش بيتغير خالص بس دة غلط
زى بردو ما المانيوال بيقول ان الكاتينة بتتغير كل 120000 كم

تمام الله ينور

وانا لسه مغيره فالوكاله وبصراحه حسيت بفرق جامد في اداء الجير

بس لو بقاله كتير ماشي فوق ال 150 الف مثلا وماغيرتوش قبل كده خطر انك تغيره كله ولكن يتم تفريغ لتر مثلا وتذود لتر جديد مكانه

[pioneerahmed]

بس لو بقاله كتير ماشي فوق ال 150 الف مثلا وماغيرتوش قبل كده خطر انك تغيره كله ولكن يتم تفريغ لتر مثلا وتذود لتر جديد مكانه

مش فاهم لية خطر

ممكن حضرتك توضح اكتر

[ashraf_msd]

مش فاهم لية خطر

ممكن حضرتك توضح اكتر

لما الزيت بيقدم ف الجير - ونتيجة التأكل في الاجزاء المعدنيه مع عدم تغيره -ده بيسبب زيادة ارتفاع درجه حرارة زيت الجير وبالتالي بيخلي الاجزاء المطاطيه اللي فالداخل هشه .. لما تغير بالزيت الجديد بيبقي فيه مواد كيميائيه وظيفتها حمايه الاجزاء المعدنيه لكنها في نفس الوقت ضاره بالمطاط ودي بتبقى شرهه للتفاعل مع مطاطات الكلاتش اللي جوه الجير وبتدوبها اسرع لانها اكثر فاعليه من اللي موجوده ف الزيت القديم ... فالزيت الجديد بيحافظ ع الاجزاء المعدنيه لكنه لالسف في نفس الوقت بيضيع وش كلاتشات الجير الاوتوماتك المطاطيه لانها بتبقى هشه نتيجة ان الجير ماشي كتير من غير تغيير الزيت ... وده بيسبب مشكله اكبر من اللي كانت قبل التغيير.

[pioneerahmed]

لما الزيت بيقدم ف الجير - ونتيجة التأكل في الاجزاء المعدنيه مع عدم تغيره -ده بيسبب زيادة ارتفاع درجه حرارة زيت الجير وبالتالي بيخلي الاجزاء المطاطيه اللي فالداخل هشه .. لما تغير بالزيت الجديد بيبقي فيه مواد كيميائيه وظيفتها حمايه الاجزاء المعدنيه لكنها في نفس الوقت ضاره بالمطاط ودي بتبقى شرهه للتفاعل مع مطاطات الكلاتش اللي جوه الجير وبتدوبها اسرع لانها اكثر فاعليه من اللي موجوده ف الزيت القديم ... فالزيت الجديد بيحافظ ع الاجزاء المعدنيه لكنه لالسف في نفس الوقت بيضيع وش كلاتشات الجير الاوتوماتك المطاطيه لانها بتبقى هشه نتيجة ان الجير ماشي كتير من غير تغيير الزيت ... وده بيسبب مشكله اكبر من اللي كانت قبل التغيير.

كلامك منطقى و الاجزاء المطاطية الى بتقول عليها دية هى علبة البلوف و فعلا بتبوظ من عدم تغيير زيت الفتيس بس انا مكنتش اعرف لية