مؤشر الحرارة وصل للأخر

[mohamedbadwy]

السلام عليكم ،

عندى مشكلة فى الكليو 2005 . فجأة مؤشر الحرارة وصل للأخر بعد مشوار 5 كم تقريباً والتكييف كان شغال . طفيت بسرعة ونزلت أشوف المياة لقيت مياة كتير نزلت من تحت العربية بس لما فتحت الكبوت لقيت أن قربة المياة مش السبب والمياة دى نزلت تقريبا من تحت الردياتير . المهم زودت ماية تانى وتقريبا كدة الردياتير والقربة كانو فاضيين ع الأخر وبعدين رجعت البيت وبرضة الحرارة عليت قوى ونزلت لقيت المياة نزلت كلها تانى من تحت العربية الجهة اليمين اللى فيها السير مش من جهة البطارية .


ياترى حد يقدر يساعدنى ...

شكرا مقدماً

[ZALABANY]

غالبا طرمبة ميه باظت

[mostafabakry]

ممكن يكون الرداياتير مخروم طالما بينزل ميه
حاول ما تدورش العربية عشان السخونة ممكن تجيب وش سلندر لا قدر الله

حاول توديها التوكيل او تشوف ميكانيكي كويس يبص عليها و ان شاء الله بسيطة

[ramy_gamal]

اعتقد تسريب من الردياتير ممكن وهى باردة زود ميه و راقب الميه بتنزل منين لو طلع عيب الردياتير روح ل حد بتاع ردياتير يلحمه وبالمرة ينضفه وانشاء الله بسيطه

[ahmedfouad]

حشو طلمبة المياه باظ
غير الطلمبة