رينوسكالا

[khaled308]

حد معاه سكالا يفيدنى انا بشترى عربيه وعجبانى السكالا بس خايف منها
و عجبانى الاوبترا بس السكالا اشيك ارخص السكالا عليها تخفيض دلوقتى 84000 الف المنيوال فول اوبشن
الاوبتر غليت عشان 2011 و اكاسيت سى دى mp3 تمنها 91500 الاسعار دى اليوم
حد يفدنى عشان عاوز أشترى و محتار بين الاثنين

[ams_5000]

متابع معاك، أنا كمان عايز أعرف عن السكالا من حيث الثبات علي الطريق وإستهلاك الوقود وأسعار قطع غيارها

[romiobek2000]

اعتقد و الله اعلم لن قطع غيار الصني تمشي على الاسكالا لان الاسكالا هي الصني الشكل الجديد و و انا لو منك اجيبها هي
و اسأل بردو

[ams_5000]

أنا عارف إنها هي الصني بس الميزه فيها إنها مش تقفيل مصري، بس برضو مش عارف فعلا هي قطع غيارها هي النيسان ولا إيه لو كانت نفس قطع غيار الصني تبقي مصلحه "مش غاليه يعني"
يا ريت لو حد يعرف حاجه عن العربيه يفيدنا

[BrainStorm]

أنا عارف إنها نفس موتور الصني اللي موجودة دلوقتي

[khaled308]

أنا عارف إنها نفس موتور الصني اللي موجودة دلوقتي

انا سألت عن العربيه هى ماتور نيسان و فتيس نيسان بس مش متأكد من العفشه ايه بس لو هى فعلا زى الصنى ده حقيقى بنسبة 80% يبقى سعرها كويس جدا بس الخوف من سعر قطع الغيار على أساس اسم رينو
كمان لو هى صنى موضوع الثبات منتهى ثبتها ممتاز
انا شفت عربيتين مشيين فى الشارع بصراحه العربيه شكلها افضل كتير من الصنى الى جانب برضه انى سئلت فى المعرض عليها و اكدولى على موضوع سحب البنزين العالى الموجود فى الصنى وان الضفيره مغيرنها فى السكالا
بس برضه عايز حد اشترى العربيه يطمنى لانى عاوز اشترى عربيه فى اسرع وقت

[khaled308]

لو أمكن برضه لو حد يعرف مكان بيبيع بتقسيط مباشر انا عاوز ادفع 54000 وقسط 30000

[ams_5000]

معلش يا خالد إنت بتقول إن في تخفيضات علي موديلات 2010 ممكت تقولي إيه سعر الأوتوماتيك في التخفيضات دي؟

[pioneerahmed]

انا اعرف ان الاوبترا عربية حلوة اوى انما السكالا لسة ممشيتش اوى عشان نقدر نحكم عليها

[khaled308]

معلش يا خالد إنت بتقول إن في تخفيضات علي موديلات 2010 ممكت تقولي إيه سعر الأوتوماتيك في التخفيضات دي؟

انا لسه جاى من معرض عربيات وهو عنده عربيه هاى لاين اتوماتيك 99000 الف و ممكن توصل 98000 او 98500
ده حسب كلمهم انا شفت العربيه و فتحت الكبوت و فعلا الموتور بتاعها نيسان و لفت نظرى ان فى عزل للكبوت من الداخل وده كويس الى جانب ان سير الكتينه مش جنزير عادى
وطارة القياده جلد مالتى ميديا تقريبا بس انا مش عجبنى الاتوماتيك اوى خصوصا انه مش استربتونك كمان شكل الكاسيت مش اوى بس مش مهم
انا مركز على المنيوال بالذات لانى بسيب العربيه اسبوع فى الجراج بدون استخدام بستخدمه اسبوع و اسبوع عشان شغلى فى كده و اخاف يحصل حاجه و البطاريه تعملها معايا معرفش اتصرف لو اتوماتيك
بالنسبه للمنيوال 84000 الف و العربيه هى فعلا الصنى بالضبط الاختلاف الوحيد هو فى شكل الفوانيس اللى قدام مختلف عن الصنى الموجود بس شكلهم اشيك الفوانيس الخلفيه نفس فوانيس الصنى
شكل التبلوه و العدادات اعتقد انه مختلف بس شكله شيك و كويس

ينقصنى اخذ القرار بس للامانه لو العربيه دى كان عليها علامة صنى كانت هتكون اغلى من كده
مستنى حد يطمنى او أغامر بالشراء و أطمنك

[akmal_hamdi]

http://www.nilemotors.net/Nile/170984-a.html

[ams_5000]

مرسي أوي يا خالد، واضح إن لسه مافيش حد إشتراها، بس كل الناس بتقول هي هي الصني، أنا شايف إنها أحسن من الصني علي الأقل تقفيل كوري مش مصري، العربيه شكلها شيك أوي، ده غير إن الناس بتشكر في الصني "المتقفله في مصر فما بالك المتقفله بره"، بس كان لازم تسأل عن قطع غيارها في التوكيل هل هي نفس قطع غيار الصني ولا إيه

بس هي التخفيضات دي بمناسبة إيه، ده الهاي لاين منها كان ب 103000 والتخفيضات دي في أنهي فرع؟؟

[khaled308]

مرسي أوي يا خالد، واضح إن لسه مافيش حد إشتراها، بس كل الناس بتقول هي هي الصني، أنا شايف إنها أحسن من الصني علي الأقل تقفيل كوري مش مصري، العربيه شكلها شيك أوي، ده غير إن الناس بتشكر في الصني "المتقفله في مصر فما بالك المتقفله بره"، بس كان لازم تسأل عن قطع غيارها في التوكيل هل هي نفس قطع غيار الصني ولا إيه

بس هي التخفيضات دي بمناسبة إيه، ده الهاي لاين منها كان ب 103000 والتخفيضات دي في أنهي فرع؟؟

الاسعار دى موجوده فى معرض عربيات اللى موجود امام صور نادى الزمالك أعتقد انهم منزلين فى سعر العربيه عشان تتسوق كويس و عشان كده السيمبول مش بتنزل عشان السكالا تتباع لانى سألت عن السيمبول مش موجوده انا لسه محتار اشترى ولا استنى خصوصا انى عارف ان العربيه دى اكيد سعرها بعد رمضان هيرجع تانى 92000 الف

[Hegazio]

علي فكرة انا شايف ان العربية دي ممكن تكون من انجح العربيات ف مصر بس محتاجة كام طلعة من كام واحد شجاع

[ams_5000]

أنا لسه شايف العربيه دي النهارده في الشارع، بجد شكلها تحفه اجمل بكتير من الصني،فوانيسها من قدام فيها شكل من الأوكتافيا، أنا بجد بفكر أشتريها بس ينقصنا نعرف نظام قطع غيارها وإستهلاكها للبنزين.
علي فكره أنا لقيت علي النت نفس لعربيه دي بأسماء تانيه يعني هي هي Samsung SM 3, وهي هي برضو Nissan Almera بس ده شكلها بتاع 2007
2007 Renault Samsung SM3 Picture

http://farm5.static.flickr.com/4008/4327585250_d9c81356f2_o.jpg

بس ياترا هتبقي نفس الكفاءه بتاعت العربيات اللي بره