ارتفاع سعر السيمبول

[mohamed hamdym]

انا حجزت السيمبول اوتوماتيك ب 88000 جنيه
النهاردة بس عرفت ان سعرها بقى 94000 جنيه
اتصلت بخدمة العملاء اكدولى المعلومة
وان طالما ماستلمتش فان الاسعار الجديدة مطبقة على وان في فرق 6000 جنيه ادفعهم كاش وقت الاستلام
حد يدلني يا جماعة اعمل ايه
انا حاسس اني خلاص هاعيط وزي مايكون حد ضربنى 100 قفا على سهوة
ولو سعرها بقى كده فعلا ماكنت جبت الانترا احسن
وياترى كل الوكلاء هايزيطوا مع الزيطة ولا في وكلاء مغيروش الاسعار؟؟؟؟؟؟؟؟؟؟؟؟؟؟؟؟؟؟؟

[tarek7elmy]

خد فلوسك و جيب الالنترا الجديدة

[Rsarabia]

الغى الحجز و ريح دماغك

[Mah_Badawy]

إستحمل شوية الرينو تستاهل والله

[blazer]

6 الاف !
كتير

[ashraf_msd]

اسحب فلوسك وشوف حاجه تانيه ..... لأن المبدأ مرفوض اساسا

[mido_919]

اسحب فلوسم احسن متشجعهمش علي الي بيعملوا ده

[Mohamed.Ramah]

للعلم الاغلبية مزودين السعر وفى عروض لفترة شهر رمضان السعر القديم و بعد انتهاء شهر رمضان الاسعار الجديدة والزيادة حتطبق لو كدة شوف لو حاسس ان المبلغ كتيير عليها والزيادة دة تجيبلك حاجة احسن يبقى اسحب الفلوس فورا بدون تردد لان شراء العربية مبنى على اقتناع تام

[MaZaGAngeE]

هيه العربية كانت باعت بالسعر القديم لما يغلوها

[ams_5000]

حرام بجد، 6 ألاف كتير أوي، هي العربيه كويسه علي إنها فرنسي وتقفيل كوري، بس كده غليت أوي
ما تخليك في موديل 2010 أكيد مازدتش ومش فارق حاجه عن 2011

[alfbaa]

هيه العربية كانت باعت بالسعر القديم لما يغلوها

+111111111111111

[meme77]

السلام عليكم ورحمة الله وبركاته اولا تحيه طيبه لكل من اختار الرينو رفيقه على الطريق . وليا مداخلتان اولا السيمبول تجميع تركي وثانيا العربيه تستاهل لان مع اجماع الجميع على ان اسعار التوكيل غاليه وقطع الغيار نار الا ان العربيه معمره جدا جدا . وللعلم يمكن اصلاح العربيه وعمل الصيانه خارج التوكيل وباسعار اقل بكتيير من الي بنسمع عليه . واسف للاطاله

[raedegypt]

خد فلوسك واركب النترا افضل مليون مرة منها . ومن حقك تسحب فلوسك هو طبعآ ها يغلس عايك علشان تتراجع لكن فى النهايه حقك طالما ما استلمت العربيه

[Amr_Moh]

٩٤ كتير أنا أخت زوجتي جابت الاوتو ب-٨٦ من أقل من سنة

[ashrafsadany]

اعتقد ان سعر العربيه حتى بعد الزياده مناسب جدآ لان العربيه المنافس بتعها اليارس واليارس كانت 95 الف اتوماتك فاضيه تكييف وبور بس لاكن السيمبول كامله كمبيوتر رحلات cd mp3 تحكم فى الطاره للكاسيت مقياس حراره زجاج عازل للحراره العربيه معالجه بتكنولجى جديد مقاوم للصداء مريات كهرباء اير باج للسائق موتور اقوى من اليارس وفى نفس الوقت اقتصادى عفشه افضل وانعم من اليارس موتور انعم من اليارس شنطه اكبر من اليارس بفارق كبير 540 لتر عزل داخلى افضل من اليارس كثيرآ ثبات على الطريق افضل كثيرآ عايز ايه تانى لاكن الى بقارنها بالانترا معلش العربيه اقوى كثيرآ من اللنترا فى العفشه وقوه التحمل لاتتميز عنها الى فى حجم الصالون لصالح الالنترا لاكن جوده وكفائه قطع الغيار لصالح السيمبول