ميجي مريضة .. و دي الأعراض .. مين يشخص؟

[farahat]

أنا أرجح إن المشكلة في نظام الاشعل و ليس لها علاقة بالطرمبة ، في دماغي حاجة من اتنين بما انك بتقول إن الوش إتفك ..
يا إما البوابة فعلاً محتاجة تتنضف أو الفيشة بتاعتها عايزة تتثبت أو تتنضف و نتيجة الفك والتركيب ظهر العيب ، يا إما حساس الكرنك إتفك و مركبش كويس مكانه أو الفيشة بتاعته ، هي دي الحاجات إلي تخلي الحريق غير منتظم و ممكن تضرب مدافع بالإضافة كمان لحساس الهوا(سواء كان map أو maf أو أي طريقة حساس حسب نوع وحدة الكنترول )
الخلاصة إن الموضوع مش هيخرج عن الحساسات دي ، يا إما مش راكبة كويس أو عايزة تتنضف أو الفيش بتاعتها عايزة تتثبت

[Adham]

ممكن حساسات ليها علاقة بضبط الاشعال (التايمينج) و ممكن كمان الكاتينة مأخرة سنة

[gazzar91]

العيوب دي ماقدرش أفتيلك فيها الا لو معايا الـ Renault Clip و معايا قطع غيار علشان ممكن تمش بـ Try & Error فعلاً زي ما قال أحد الأعضاء الكرام...
بس أنا شاكك في Accelerator Pedal sensor أو حاجة غلط في الـ Throttle Body ...... لازم جهاز تشخيص الأول لأن ساعات بتبقى العربية مسجلة Stored faults ممكن تساعدنا في معرفة سبب العطل...

و الله أعلم...

في رعاية الله...

[Amr_Moh]

أنا أرجح إن المشكلة في نظام الاشعل و ليس لها علاقة بالطرمبة ، في دماغي حاجة من اتنين بما انك بتقول إن الوش إتفك ..
يا إما البوابة فعلاً محتاجة تتنضف أو الفيشة بتاعتها عايزة تتثبت أو تتنضف و نتيجة الفك والتركيب ظهر العيب ، يا إما حساس الكرنك إتفك و مركبش كويس مكانه أو الفيشة بتاعته ، هي دي الحاجات إلي تخلي الحريق غير منتظم و ممكن تضرب مدافع بالإضافة كمان لحساس الهوا(سواء كان map أو maf أو أي طريقة حساس حسب نوع وحدة الكنترول )
الخلاصة إن الموضوع مش هيخرج عن الحساسات دي ، يا إما مش راكبة كويس أو عايزة تتنضف أو الفيش بتاعتها عايزة تتثبت

أنا كنت عند كاتمة بتحصل بردو أبل مغير حساس الكرنك

[akmal_hamdi]

تامر عايز كلام من الأخر السروتيل عايز يتنطف هو و حساس الشكمان بس خلاص

[nadeem2009]

هو بأمانة ربنا .. الموضوع ده حصل بعد ما جوان وش السلندر ضرب و غيره الراجل صاحب أيمن
اللي محسسنس ان ممكن الموضوع يكون مالوش صلة بالجوان و تغييره .. انه ممكن يكون مش اكتر من مصادفة غير ان الراجل كان شكله بيفهم و كنت علي ايده

المهم

في الطلعة بس ( مش كل الطلعات ) و مابتفرقش باردة ولا سخنة
تدوس بنزين .. ما تلاقيش .. 3-5 ثواني كده ( فترة كبيرة طبعا ) و بعدين تجري كأنها محوشاهم
دوسي للبنزين في الفترة دي لا بيقللها و لا بيكترها .. بس دوس بنزين كتير ممكن يخليها تضرب مدفع

ايه ده بقي بالظبط

انا ف دماغي كام سبب .. بس قلت الوحوش يقولولي رأيهم

العيب ده يا مااااان أكيد كهرباء .. لإن الفرقعة دي إسمها الشعبي الأمبيليه واللا إيه يا جماعة ؟؟؟ و ممكن يكون موبينة أو فيوز أو علبة الفيوزات كلها والعياذ بالله .. إنت ماتعرفش إيه إللي ممكن يكون حصل في العربية خلال الفترة إللي كان الجوان فيها ضارب .. بس إللي أعرفه إن الأمباليه ده عيب كهربائي وليس ميكانيكي ... نصيحتي يا أخي حط العربية عال الجهاز وإنشاء الله هايكون فيوز بس .. وبالتوفيق

[dramir1]

متابع باهتمام وربنا يستر ويكون عيب خفيف
روح التوكيل وهات من الاخر

[ashraf_msd]

عيب timing يا مان
هتلاقي piston مأخر ولا حاجه

[pioneerahmed]

عيب timing يا مان
هتلاقي piston مأخر ولا حاجه

متهيالى ترس الديفازير بيعالج مشكله البساتم دية ولا اية؟

[ashraf_msd]

متهيالى ترس الديفازير بيعالج مشكله البساتم دية ولا اية؟

مش كل العربيات فيها ترس ديفازير.

علي حسب علمي في تلت طرق لعمل تزامن البساتم والصمامات او بمعني اخر نقل الحركه بين عمود الكرنك وعمود الكامات - اما بالجنزير او السلسله ودي فالعربيات القديمه - او بنظام التروس اللي حضرتك بتتكلم عنه - او بالسير المطاط اللي منتشر دلوقتي في اغلب السيارات

كلامك صح ان نظام التروس يعتبر افضلهم من حيث دقة التزامن وعدم وجود خطر قطع سير الكتينه وانت ماشي - لكن يعيبه انه بيحتاج تشحيم وبيعتبير مصدر للضوضاء.

ولو حد ممكن يزيدنا من اخوانا اصحاب العلم والخبره يا ريت.

[pioneerahmed]

مش كل العربيات فيها ترس ديفازير.

علي حسب علمي في تلت طرق لعمل تزامن البساتم والصمامات او بمعني اخر نقل الحركه بين عمود الكرنك وعمود الكامات - اما بالجنزير او السلسله ودي فالعربيات القديمه - او بنظام التروس اللي حضرتك بتتكلم عنه - او بالسير المطاط اللي منتشر دلوقتي في اغلب السيارات

كلامك صح ان نظام التروس يعتبر افضلهم من حيث دقة التزامن وعدم وجود خطر قطع سير الكتينه وانت ماشي - لكن يعيبه انه بيحتاج تشحيم وبيعتبير مصدر للضوضاء.

ولو حد ممكن يزيدنا من اخوانا اصحاب العلم والخبره يا ريت.

طيب مهو دة بيلغى فكرة التزامن دية من اساسة لان لو الترس دة بايظ بيطلع صوت اى حد راكب ميجان عارفة كويس اكيد المشكلة فى حاجة تانية

[ashraf_msd]

طيب مهو دة بيلغى فكرة التزامن دية من اساسة لان لو الترس دة بايظ بيطلع صوت اى حد راكب ميجان عارفة كويس اكيد المشكلة فى حاجة تانية

انا فهمت من كلامك ان الميجان فيها ترس مش سير مطاط

بصراحه انا ما اعرفش الميجان ترس ولا سير مطاط ... بس لو زي مانت بتقول كده شغاله بترس يبقي كلامك انت الصح والمشكله مش هتبقي عيب timing

[Elsarrawy]

الميجان فيها الاثنين - ترس الديفازور وكمان سير مطاط - بس بيتهيألي ان الترس هو الي بيتحكم في كفاءة اداء المحرك ودا الي بيخلي موتور الميجان أداءه متميز بالنسبة للمواتير الي اتصنعت في نفس فترة انتاجه لاني سمعت ان الترس دا السبب في زيادة أداء الموتور بما يعادل حوالي 15 حصان والله اعلم

وان شاء الله المشكلة تطلع بسيطة جداً

[Hegazio]

فعلا العربية فيها الاتنين
و ده بيخلي الموتور مش ثابت علي توقيت معين في السرعات المختلفة عشان يدي عزم كويس علي مدي كبير
و ده كان نقلة وقته و فعلا كان اعلي من10-14 عن اللي زيه
بس فيه دلوقتي تكنولوجياcvvt-ivtec ودول نفس الفكرة علي احسن

بس انا لسه ماظبطتش ميجي!!!

[Elsarrawy]

فعلا العربية فيها الاتنين
و ده بيخلي الموتور مش ثابت علي توقيت معين في السرعات المختلفة عشان يدي عزم كويس علي مدي كبير
و ده كان نقلة وقته و فعلا كان اعلي من10-14 عن اللي زيه
بس فيه دلوقتي تكنولوجياcvvt-ivtec ودول نفس الفكرة علي احسن

بس انا لسه ماظبطتش ميجي!!!

ان شاء الله تطلع حاجه بسيطة زي موضوع تنظيف البوابة كده وابقى طمنا