استلمت الفلونس الشامبين

[tamagogo]

بعد 4 شهور تفكير وتمحيص استلمت الفلونس الشامبين النهارده الحمد لله.
العربيه ماشاء الله عليها جميله وده تققيم سريع
1 - التكييف ياخد جيد جدا
2- العفشه معقوله جدا بعد ماحطيت نيتروجين من بنزينة توتال اول الهرم ( الكاوتش كان منفوخ علي 40) واعتقد انها هتبقي احسن بعد فتره زي ما bukla قال
3- استهلاك البنزين عالي جدا التنك كامل الكمبيوتر بيقول اقدر امشي بيه 240 كيلو

عندي مشكلتين عايز اخد رايكم فيهم
1- انا طويل 184 سنتي ورجليا مزنوقه جدا وركبتي وجعتني من ساعه سواقه ، حاولت اظبط الكرسي بكل الطرق مش عارف
2- حاسس ان الكراسي ناشفه وضهري وجعني قوي

[akmal_hamdi]

الكراسى مريحه جدا بالنسبه ليا

[rompo6]

يعني 60 لتر تمشي بيهم 240 كيلو روح ارميها في وشهم في التوكيل ليه ان شاء الله عايشين في امريكا

[esslynx]

بعد 4 شهور تفكير وتمحيص استلمت الفلونس الشامبين النهارده الحمد لله.
العربيه ماشاء الله عليها جميله وده تققيم سريع
1 - التكييف ياخد جيد جدا
2- العفشه معقوله جدا بعد ماحطيت نيتروجين من بنزينة توتال اول الهرم ( الكاوتش كان منفوخ علي 40) واعتقد انها هتبقي احسن بعد فتره زي ما bukla قال
3- استهلاك البنزين عالي جدا التنك كامل الكمبيوتر بيقول اقدر امشي بيه 240 كيلو

عندي مشكلتين عايز اخد رايكم فيهم
1- انا طويل 184 سنتي ورجليا مزنوقه جدا وركبتي وجعتني من ساعه سواقه ، حاولت اظبط الكرسي بكل الطرق مش عارف
2- حاسس ان الكراسي ناشفه وضهري وجعني قوي

1- التكييف انا معاك فيه
2- العفشه من غير نيتروجين حتى هتلقيها كويسه شوف الضغط المناسب على باب السواق
3- سيبك من الكومبيوتر دلوقتى خالص العربيه بتعمل 9l/100km استنى لحد 3000 و الدنيا هتبقى مختلفه تماما راجع الكتالوج
4- انا اطول منك و فى الميجان و بسافر بالعربيه اظبط الكرسى
5- اول مره حد يقول الملاحظه دى بالعكس الكراسى مريحه جدا و خصوصا فى المسافات
6- رابطه الملاك موجوده وحضرتك ممكن تشوف الملاحظات عندهم

[tamagogo]

طيب حد يعرف ايه احسن وضعيه للسائق
انا برجع الكرسي للاخر والضهر برجعه ورا وبرفع الكرسي للاخر هل في حاجه غلط؟
وبالنسبه للكراسي اكيد هتطري مع الوقت

[Samah AbdAllah]

10000 مبروك
استنى لما تجربها شهر كده
وتتعود عليها
ربنا يباركلك فيها

[M.Elwan]

3- استهلاك البنزين عالي جدا التنك كامل الكمبيوتر بيقول اقدر امشي بيه 240 كيلو

الكمبيوتر قرايته مش مظبوطة فى الاول مكتوب فى الكتالوج انه لازمن تعمله reset بعد كل مشوار وبعد كام مرة reset حتلاقية ظبط خالص
والف مبروك وربنا يحميهالك

[A.Saad]

مبروووووووووووك

[heromiro]

ألف مبروك

[heromiro]

في في جنب كرسي السواق ايدك اليمين دراع بيزبت الضهر جربه
أنا طويل زيك 187 بالش ترفع الكرسي للاخر

[bukla]

الف مبروك ربنا يديك خيرها و يكفيك شرها
بالنسبة لاستهلاك البنزين زى ما الاخوة قالوا لازم تعمل ريسيت بعد التفويل يعنى تفضل ضاغط على الزر (لفوق او تحت) اللى فى الدراع لحد لما العداد يصفر و استنى شوية بعد ما تمشى لغاية ما الكومبيوتر يظبط الاستهلاك علشان يديك قراية مظبوطة دة و انا راجع من الساحل بعد ما فولت عند البنزينة اللى جنب مارينا و بعد ما مشيت حوالى 100 كيلو بقلب فى العداد لقيت الكومبيوتر كاتب انى اقدر امشى 900 كيلو بس دة طبعا فى السفر و بتثبيت سرعة على 100 كيلو\ساعة
اما الكرسى فهو مريح جدا جرب بس وضعيات اخرى مختلفة عن اللى انت عاملها مش الكرسى بس لأ و الدركسيون كمان حاول تنزلة او ترفعة او تشدة ناحيتك او تدفعة للامام لغاية ما يتظبط على راحة ايدك و الكرسى زى ما قال الاخ hermiro فى دراع على يمينك فى جنب الكرسى نفسة بيريح الظهر جدا
و مبروك مرة اخرى

[heha]

طيب حد يعرف ايه احسن وضعيه للسائق
انا برجع الكرسي للاخر والضهر برجعه ورا وبرفع الكرسي للاخر هل في حاجه غلط؟
وبالنسبه للكراسي اكيد هتطري مع الوقت

طبعا لازم ماتبقاش مرتاح نزل الكرسى للأخر للعلم أنا طولى 190 سم ومعايه ميجان 2 وهيه أضيق من عربيتك لكنى مرتاح جدا

[د.محمود صلاح]

الف مبروك وأحسنت الإختيار .

[tamagogo]

10000 مبروك
استنى لما تجربها شهر كده
وتتعود عليها
ربنا يباركلك فيها

مبروووووووووووك

ألف مبروك

الف مبروك وأحسنت الإختيار .

الله يبارك فيكوا كلكوا ويحفظلكم عربياتكم. امين.

طبعا لازم ماتبقاش مرتاح نزل الكرسى للأخر للعلم أنا طولى 190 سم ومعايه ميجان 2 وهيه أضيق من عربيتك لكنى مرتاح جدا

الف مبروك ربنا يديك خيرها و يكفيك شرها
بالنسبة لاستهلاك البنزين زى ما الاخوة قالوا لازم تعمل ريسيت بعد التفويل يعنى تفضل ضاغط على الزر (لفوق او تحت) اللى فى الدراع لحد لما العداد يصفر و استنى شوية بعد ما تمشى لغاية ما الكومبيوتر يظبط الاستهلاك علشان يديك قراية مظبوطة دة و انا راجع من الساحل بعد ما فولت عند البنزينة اللى جنب مارينا و بعد ما مشيت حوالى 100 كيلو بقلب فى العداد لقيت الكومبيوتر كاتب انى اقدر امشى 900 كيلو بس دة طبعا فى السفر و بتثبيت سرعة على 100 كيلو\ساعة
اما الكرسى فهو مريح جدا جرب بس وضعيات اخرى مختلفة عن اللى انت عاملها مش الكرسى بس لأ و الدركسيون كمان حاول تنزلة او ترفعة او تشدة ناحيتك او تدفعة للامام لغاية ما يتظبط على راحة ايدك و الكرسى زى ما قال الاخ hermiro فى دراع على يمينك فى جنب الكرسى نفسة بيريح الظهر جدا
و مبروك مرة اخرى

في موضوع البنزين عندك حق انا ماكنتش عارف اتعامل مع الكمبيوتر في الاول ودلوقتي بيقرا قرايات معقوله.

اما بالنسبه للكرسي فانا مش عارف اظبطه خالصصصصصصصصصصصصص لعبته كل الالعاب فوق وتحت وقدام وورا وبرضه مش مستريح. انا متضايق جدا وساعات بنزل من المشوار ركبتي سخنه وبعرج مش قادر امشي.

انا ابتديت افكر ابيعها. تجيب كام لو حبيت ابيعها؟

[ledo7]

...........................

استخدام الأحرف الانجليزية في كتابة اللغة العربية مخالف للقاعدة رقم 6 بند "ب".

يرجى مراجعة قواعد المنتدى

9:52am 1/9/2010
المشرف العام 5