مين معاه ريمو سكالا في المنتدي (يا رييت يفيدنا)

[ams_5000]

أنا كنت سألت عن الموضوع ده في موضوع قبل كده بس محدش رد عليا فقلت أكتب موضوع مستقل يمكن حد يفيدني....
لو حد عنده رينو سكالا ياريت يتكرم ويرد عليه في بعض الإستفسارات:
1- إيه أخبار إستهلاكها للبنزين.
2- أسعار قطع غيارها (هل هي هي قطع غيار النيسان صني)
3- إيه أخبار الثبات علي السرعات العاليه
4- إيه أخبار السحب والتسارع
وشكرا

[mkhirallah2001]

انا معايا رينو سكالا هاي لاين من شهر 5 و انا شايف انها كويسة بس كبيرة شوية و بالنسبة للاسئلة بتاعتك
1 استهلاك البنزين زي استهلاك النيسان صني بالضبط و انا بصراحة شايف انه عالي شوية .
2 قطع الغيار - الكلام اللي التوكيل كان قايله بيقول ان قطع الغيار معقولة و كويسة لكن الواقع بقى الله اعلم
3 الثبات بقى ده فيه كلام انا بصراحة مش عارف اقارنها بايه ف موضوع الثبات . بس انا اخر حاجة جبتها بيها 160 على الدائري
4 السحب انا شايف انه معقول بس انا اوتوماتيك ف كده كده بيبقى اقل من المانيوال
لو فيه اي اسئلة انا ف الخدمة