هو انا مجنون فعلا

[rompo6]

انا بفكر اشتري ميجان وكل مااقول لواحد يقولي انت مجنون انت عبيط هاترمي فلوسك علي الارض ابعد عن وجع الدماغ ياعم ولو جبتها هاتكره اليوم اللي اشترتها فيه دا عربيه بنت تيييييييييييييييت والكلام ده من ناس كتير انا مش عارف اعمل ايه اصرف نظر ولا اشتري وخلاص وارجوا من مالكي السياره عدم التحيز لها لاني ممكن اقتل قتيل لما العربيه بتعطل كتير وانا بجد العربيه عجبااااااااااااااااااني جدا جدا بس كلام الناس مخوفني وياريت اعرف من مالكي الوحش الفرنساوي سعر 2007 كامله تعمل كاااااام وشكرا وكل سنه وانتوا طيبين

[rompo6]

5شافوا الموضوع ومفيش حد علق يبقي انا مجنون فعلا

[ashouhdy]

فعلا.........! :)))))

[rompo6]

شكرا علي زوقك في الرد بجد انت راجل محترم

[esslynx]

لا مش مجنون طبعا ولا حاجه بالعكس المجنون اللى يقول غير كده بس هو اكيد مفيش حد من الخمسه دول عنده 2007 و خصوصا انه مفيش عندنا حد بيحب يبفتى زى ما الناس بره بتعمل و الاخوه متعاونين هنا جدا و ان شاء الله تنورنا و تنضم لينا

[Elsarrawy]

انا بفكر اشتري ميجان وكل مااقول لواحد يقولي انت مجنون انت عبيط هاترمي فلوسك علي الارض ابعد عن وجع الدماغ ياعم ولو جبتها هاتكره اليوم اللي اشترتها فيه دا عربيه بنت تيييييييييييييييت والكلام ده من ناس كتير انا مش عارف اعمل ايه اصرف نظر ولا اشتري وخلاص وارجوا من مالكي السياره عدم التحيز لها لاني ممكن اقتل قتيل لما العربيه بتعطل كتير وانا بجد العربيه عجبااااااااااااااااااني جدا جدا بس كلام الناس مخوفني وياريت اعرف من مالكي الوحش الفرنساوي سعر 2007 كامله تعمل كاااااام وشكرا وكل سنه وانتوا طيبين

توكل على الله واشتريها وماتسمعش كلام الصنيعية الي بيفتو ومش فاهمين حاجه لأن اخرهم عربيه كوري يشتغلوا فيها لأنها عامله زي الـ 128 لو ودتها حتى عند سباك هيعرف يصلحها

الميجان فيها options كتير جداً وعربية computerized فا مش اي حد ينفع يمد ايده فيها، وليها ناس متخصصة واساتذه بيصلحوا اي حاجه فيها ودا رابط يعرفك كل شي عنها
http://www.nilemotors.net/Nile/24062-ii.html

ياريت تقراه كويس جداً وبتمعن قبل ما تشتري وبجد هاتستفاد كتير جداً وهاتعرف تتخذ قرار في الشراء من عدمه

بس اهم حاجه تشتري عربية حالتها كويسه وتكشف عليها في التوكيل قبل ما تدفع ولا مليم فيها

الميجان نفس فئة الفكترا والاسكودا A5 والجيتا بس الناس الي كانت بتروح بيها لأي حد مش متخصص يصلحها كان بيفتي فيها وبيبوظها علشان كده طلعت اشاعات كتير عليها

ملخص القول بدون تحيز العربية ممتازة جداً واكبر من قيمتها الي في السوق بس بشرط انك تحافظ عليها وتصونها ولو اهملتها هاتتعبك

بالنسبة للسعر فعلى حسب الحالة والفئة بس في حدود 75000 جنيه لو حالتها كويسة

وان شاء الله لو احتجت اي حاجه كلنا هنا اخوات وكله بيخدم بعض لوجه الله وماتقلقش من اي حاجه خالص ولو قدامك حاجه قولنا على حالتها واحنا هانساعدك وبالتوفيق ان شاء الله

[M.almaghraby]

شكرا علي زوقك في الرد بجد انت راجل محترم

يا باشا الراجل بيهزر معاك والله مش اكتر

روق كدا بس

[momo10000]

الميجان نفس فئة الفكترا والاسكودا a5 والجيتا بس الناس الي كانت بتروح بيها لأي حد مش متخصص يصلحها كان بيفتي فيها وبيبوظها علشان كده طلعت اشاعات كتير عليها

+11111111111111111111

[rompo6]

شكرا علي الرد والاهتمام

[ahmedtr9989]

توكل على الله واشتريها وماتسمعش كلام الصنيعية الي بيفتو ومش فاهمين حاجه لأن اخرهم عربيه كوري يشتغلوا فيها لأنها عامله زي الـ 128 لو ودتها حتى عند سباك هيعرف يصلحها

الميجان فيها options كتير جداً وعربية computerized فا مش اي حد ينفع يمد ايده فيها، وليها ناس متخصصة واساتذه بيصلحوا اي حاجه فيها ودا رابط يعرفك كل شي عنها
http://www.nilemotors.net/nile/24062-ii.html

ياريت تقراه كويس جداً وبتمعن قبل ما تشتري وبجد هاتستفاد كتير جداً وهاتعرف تتخذ قرار في الشراء من عدمه

بس اهم حاجه تشتري عربية حالتها كويسه وتكشف عليها في التوكيل قبل ما تدفع ولا مليم فيها

الميجان نفس فئة الفكترا والاسكودا a5 والجيتا بس الناس الي كانت بتروح بيها لأي حد مش متخصص يصلحها كان بيفتي فيها وبيبوظها علشان كده طلعت اشاعات كتير عليها

ملخص القول بدون تحيز العربية ممتازة جداً واكبر من قيمتها الي في السوق بس بشرط انك تحافظ عليها وتصونها ولو اهملتها هاتتعبك

بالنسبة للسعر فعلى حسب الحالة والفئة بس في حدود 75000 جنيه لو حالتها كويسة:s_thum1[1]:

وان شاء الله لو احتجت اي حاجه كلنا هنا اخوات وكله بيخدم بعض لوجه الله وماتقلقش من اي حاجه خالص ولو قدامك حاجه قولنا على حالتها واحنا هانساعدك وبالتوفيق ان شاء الله

كلام صح 10001000 مفيش حاجة هتخلي بالك منها و هي تزعلك .... الميجان عاملة زي أي شخص تعرفة لو حبيته و خليت بالك منها و صونتها هيا كماااان هتصونك مش سنة و لا إثنين لأه أكتر ... لأنها تحس إنها فيها كل حاجة لكذا سنه قدااااااام علاوة على الشكل بجد بجد تحفة
لو قدامك عربية حلوة بأه يا سيدي موديل 2007 بنفس المواصفات إلي قولتتها ياريت تقولي عشان أنا بدور بقالي شهر و مش لاقي اللون إلي عاوزة

[ashouhdy]

شكرا علي زوقك في الرد بجد انت راجل محترم

الحمد لله محترم بشهادة الجميع ولو انت مش بتتقبل المداعبة يبقى من الاساس متعملش نفسك مداعب

[rompo6]

الحمد لله محترم بشهادة الجميع ولو انت مش بتتقبل المداعبة يبقى من الاساس متعملش نفسك مداعب

لتاني مره ردك مش كويس ولو دي مداعبه ابقي حدد انا هاعرف منين انها مداعبه ولا تريقه

[midohits]

بص يا جميل توكل على الله وهاتها بس نصيحه مش تستعجل وياريت لو تزود شوية وتجيب موديل 2008 بس ياريت مش تكون عامله كيلوات كتير واكشف عليها في التوكيل بالمره او في حته تكون مضمونه زي صقر قريش او الحرفين وتوكل على الله

[Elsarrawy]

كلام صح 10001000 مفيش حاجة هتخلي بالك منها و هي تزعلك .... الميجان عاملة زي أي شخص تعرفة لو حبيته و خليت بالك منها و صونتها هيا كماااان هتصونك مش سنة و لا إثنين لأه أكتر ... لأنها تحس إنها فيها كل حاجة لكذا سنه قدااااااام علاوة على الشكل بجد بجد تحفة
لو قدامك عربية حلوة بأه يا سيدي موديل 2007 بنفس المواصفات إلي قولتتها ياريت تقولي عشان أنا بدور بقالي شهر و مش لاقي اللون إلي عاوزة

والله يا باشا لو في مش هتأخر ربنا يبعت بس العربيات الحلوة اصلها مش بتستنى بتتخطف علطول وكمان صعب تلاقيها.

صحيح هو لون ايه المطلوب؟؟؟؟

[rompo6]

بس انا لسه ماعرفتش عيوبها يا جماعه انا خلاص هانزل بعد العيد علي طول انتوا عارفين بقي الواحد في رمضان بطيخه