الحقوني يا جماعة عربيتي الميجان ولعت من قدام كلها لوحدها

[shehabhopazone]

لما روحت التوكيل سالت قالولي بنفسهم ان السبب اللباد اللى ورا الموتور وان في عربيات كتير جاتلهم بنفس المشكلة وقالولي لو لقينت عند اي حد مشكله في اللباد بنشيلها لغاية ماييجي واحده من بره انا شايف ان ده عيب فظيع في التصميم انا حبعت شكوى لشركه رينو عشان دي حاجه الواحد مايقدرش يتحكم فيها انا جايب عربية حديثه عشان الواحد يبقى ماشي متطمن مش كل شويه ينزل تحت العربيه عشان يطمن علي اللباد دلدل على الفرن مستغرب ان عربية جميله في التصميم و الامان و يكون فيها عيب خطير زي ده

[Sharky]

اللباد دا معمول من ألياف زجاجية وغير قابل للأشتعال ولا يساعد على الاشتعال..يعني لو ولعت فيه النار هايتحرق زي الأكل في الفرن مش هايولع وتمسك فيه النار..دا غير إن اللباد ما يتحرقش بالتسخين (ملامسة سطح ساخن) ولكن بتعرضه مباشرة للهب النار..بالإضافة إلى أن اللباد يتحمل درجات حرارة أكبر من حرارة الفرن بكتييير..

هو مش حضرتك بعت ليهم ميل و قلت

انا بعت فعلا ميل الى الشركه الام و ردو عليا هنا في التوكيل و التوكيل قالى انت بقالك فترة مابتعملش صيانة عندنا بس قولتلهم ياجماعة ده عيب صناعة ازاى تحطو اللباده قدام الفرن انا شوفت النظام في العربيات الياباني مفيش الكلام ده تماما اللباده بعيده تماما عن الفرن انا استعوضت ربنا وقلت ان شاء الله اصلحها بس يارب تطلع التكاليف مش كتير و الحمد لله على كل حاجة

على العموم طالما التوكيل اكد لك المعلومة يبقى لازم تبعت ميل لرينو فرنسا و تقولهم الكلام دا

ممكن صور لللباد و ازاى ممكن ينزل على الفرن و يحرق العربية بعد ما تكون مركونة ؟

[kisho55555]

متابع معاكوا ...... ويارب تعرف تاخد حقك من رينو ....

[Sharky]

واضح ان حضرتك حظك وحش قوى

حضرتك كنت سأل فى موضوع اخر ان معروض عليك ميجان عاملة 85 الف فى 9/4
و فى نفس اليوم قلت انك اشتريت ميجان و سألت عن ان السحب بتاعها الصبح غير بالليل !
و يوم 9/6 العربية ولعت فى هى مركونة

ربنا يصبرك و حاول تكلم ابمن مومو

[shehabhopazone]

[Sharky]

شكرا يا باشا على الصور

بس انا بسأل على صور اللباد و ازاى ممكن تبقى مدلدلة على الفرن و تكون سبب الحريق

[shehabhopazone]

دي الصور و اسف انى رفعتها على الموقع بس هو ده اللى حصل

انا قولت نفس الكلام و قالولي مالناش دعوة ان شاء الله احاول اوصل الفكره دي لرينو فرنسا ويارب اعرف اخذ حقى منهم

[shehabhopazone]

بصراحه انا مش عارف اجيب صور اللباد منين بس لو حد يعرف يساعدني في الموضوع ده ياريت

[pioneerahmed]

لا اله الا الله

قدر الله و ما شاء فعل

بص يا باشا ما دام التوكيل قالك ان دة حصل فى كذا عربية يبقى دة عيب صناعة و ذنبك اية انك تتحمل حاجة زى كدة؟

[Elsarrawy]

انا قولت نفس الكلام و قالولي مالناش دعوة ان شاء الله احاول اوصل الفكره دي لرينو فرنسا ويارب اعرف اخذ حقى منهم

ربنا يصبرك ويعوضك خير منها


بس ايه مالناش دعوة دي يعني انت الي ليك دعوة


بص ماتسكتش لان دا حقك وطول بالك معاهم جداً وابعت شكاوي كتير سواء لرينو فرنسا او eim وافضل زن عليهم لحد ما يستجيبوا ولازم كمان تكلم حماية المستهلك وخصوصاً لو كانت العربية بتعمل الصيانة بتاعتها في التوكيل


على فكره الموضوع دا يا جماعة مهم جداً بالنسبة لكل الي معاهم ميجان ولازم التوكيل يعرف كده ولازم يعرف ان دي مسئوليته وحاجة زي دي المفروض يتعملها هي كمان صيانة وخصوصاً انها ظهرت في كذا عربية


الموقف دا وارد يحصل لأي حد فينا حتى لو احتمال حدوثه ضعيف

وربنا معاك

[Abo_Lina]

يا ساتر يا رب
ربنا معاك ..

[aymanay32]

لما شوفت الصور مفيش عندى غير ربنا معاك و ربنا يعينك و ربنا يصبرك

[gazzar91]

ربنا يصبرك بجد !!!!

[dramir1]

ربنا يكرمك ويسرلك تصليحها ويعينك على قطع الغيار المطلوبه.....وياريت تقولنا اخبارك عشان فعلا كلنا متضايقين عشانك

[M_Marwan]

ربنا يصبرك الصور بشعه

حتتصلحها أزاى ؟؟