محل لقطع غيار رينو فى الاسكندريه

[titofouda]

الاخ اليه كل ما يتكلام عن حمدى يقول عليه حرامى اتقى الله شويه وبلاش شخصنت الموضيع وعلى فكره انا زبون ذى ذيك وبتعامل مع حمدى وهو احسن واحد فى اسكندريه ولو عندك احسن منه يا ريت تقول لن عليه

[waleedabdelkad]

السلام عليكم ..انا اتعاملت مع حمدى بتاع الحرفيين اكتر من مره ودى شهادتى امام الله اول مره روحت له كنت لسه كاشف على العربيه فى التوكيل وقالولى فى التقرير ان رولمان بيل العجل الخلفى محتاج تغيير ومرضيتش اغيره فى التوكيل لان لقيت ان رولمان بيل العجله الواحده ب 350 جنيه وكنت سمعت عن حمدى فروحت له قالى الرولمان بيل بتاع ال 4 عجلات محتاج تغيير مش الخلفى بس ..فى الاول استغربت ان ازاى فى التوكيل قالولى الرلمان بيل العجل الخلفى بس المهم سلمت امرى لله قولت ماشى نغير الرولمان بيل ل 4 عجلات واتكلفت 600 جنيه وفرحت ان التكلفه 50% من التوكيل بعد شهر واحد رجع الصوت تانى روحت له قالى الرولمان بيل بتاع العجل الخلفى عايز يتغير لما فكرته انى لسه مغيره من شهر قالى اه كده يبقى الدونجل اللى هو الأكس بتاع العجل الخلفى وهيتكلف 1200 جنيه وان كل ماهتغير رولمان بيل عجل خلفى هيبوظ على طول0 طبعا شكيت فى كلامه واستشرت المنتدى ونصحونى انى اروح لحد تانى واشوف .. وفعلا روحت التوكيل طبعا لقيت كلامه غلط و قالولى انه الرولمان بيل اللى كان راكب نوع ردئ جدا وماركه وهميه وغيرت ال 4 رولمان بيل فى التوكيل بحوالى 1400 جنيه والكلام ده بقاله سنتين وماحصلش حاجه الحمد لله لحد دلوقتى والرولمان بيل زى الفل .. الصراحه هو شاطر جدا وفاهم كويس بس دائما زحمه ودائما كله عنده تغيير مش عارف ليه بس فى واحد معاه اسمه محمد حسن ده محترم جدا وفاهم وعنده ضمير وانا عن نفسى لو روحت ولقيت محمد حسن مش موجود باخد عربيتى وأمشى لان حمدى شاطر بس مش امين

[waleedabdelkad]

على فكره فى ميكانيكى تانى شاطر فى الرينو جمب الوشاحى اسمه السيد انا اتعاملت معاه كذا مره بس مشكلته انه دائما زحمه والشارع بتاعه ضيق ولو دخلت مالقيتش مكان قدامه بأضطر الف سبع لفات علشان الف وارجع تانى بس هو يتميز انه شاطر وأمين وانه جمب الوشاحى مباشرة .. نصيحه لو عايز تتعامل مع حمدى ماتجيبش قطع غيار من عنده هاتها انت واتأكد انها ركبت فى عربيتك وخد قطعة الغيار القديمه بعد ماتحاسبه مش قبل ماتحاسبه بعدكام مره تعمل كده هتيجى تروح له هيقولك انه مش فاضى وتعالى يوم تانى او هيلطعك من 4 الى 5 ساعات لحد ماتزهق انت وتمشى " جرب ولن تندم ولن تخسر شئ "

[odod]

مفيش حد معاه تليفون السيد فتح الله ياجدعان....
او حد يدلنى على حد بتاع استعمال عايز فتيس ميجان 2

[renoo]

محل القااائد فى محمد نحيب اسمة جوزيف واسعاارة رخيصة جداااا ورقمة 01201757695

[Ahmed Koller]

أنا بتعامل مع حمدى بقالى كتــــــــــــــــــــير .. هو صنيعى وفاهم كويس وكل الصنايعيه ال معاه فى الورشه فاهمين .. بس لو هتعمل عنده شغل لازم تبقى واقف على دماغه .. يعنى انا قبل كده اخدت عربية ابويا التوكيل وكشفت عليها واخدت التقرير وروحت لحامدى . قالى نفس الكلام بتاع التوكيل بالظبط .... بس نصيحه منى لو هتعمل عندة حاجه يفضل إنك تخليك مع العربيه لحد ما تخلص وقطع الغيار لو حبيت تشتريها هو بيبيع عنده إستعمال خارج ولو عاوز مكان أرخص للإستاعمال الخارج عليك وعلى صـــــلاح الدين أفضل مكان وأرخص سعر ممكن تلاقيه ....... وده رقم واحد في صلاح الدين أسعاره أفضل من الوشاحي بكتير أسمه مؤسسة إيهاب 01223327307

[hobby10]

محل القااائد فى محمد نحيب اسمة جوزيف واسعاارة رخيصة جداااا ورقمة 01201757695

حضرتك الكوالتى بتاعة الحاجات كويسة ولا اى كلام ؟؟

[ab_1090]

أنا معاك يا أستاذ رامي في أنة يروح لحمدي بس بالنسبة لقطع الغيار خلية يروح عند لي لي و سيف في شارع صلاح الدين بعد الاشارة علي إيدك اليمين واخد ناصية شارع صغير. الراجل دة أرخص واحد في قطع الغيار. و دي نمرتة 01280295066

للامانة لي لي بتاع صلاح الدين كل بضاعتة مضروبة انا والله الله الله اشتريت منة بيل عجل امامي لرينو كليو قالي دا اصلي ومركبة في الميجان بتاعتي ماستحملش معايا شهر وانا اصلا مش بتحرك كتير بالعربية
دا عشان الامانة
بعد كدا روحت للوشاحي اغلي شوية 20 جنية بس امين اصلي يعني اصلي
حرام نوفر 20 جنية ونشيل 50 مصنيعة التركيب والوقت اللي ضاع
منة لله بقي
الله ما بلغت اللهم اشهد

[Super_Star_h]

مع احترامى معظم الصنايعيه اللى بتشتغل فى الرينو تحديدآ فى اسكندريه شوية بقر وحراميه حتى بتوع الاستيراد
عامتآ ارخص قطع غيار لاقيتها هى فى محل فى صلاح الدين بعد الاشاره وخد بالك عشان عنده صينى ومضروب ياما
واغلى واحد الوشاحى لان معظم قطع غياره اصلى

[Ahmed Koller]

الوشاحي كويس بس سعره اغلي من بره ،، انا قارنت سعره وسعر محلات صلاح الدين ،، لاقيت صلاح الدين ارخص ، وبصراحه مفيش ميكانيكي رينو زي حمدي بيرو ، بس خليك مع عربيتك وخي بتتصلح واسأل عن اسعار قطع الغيار قبل ماتشتريها منه او اشتريها من بره

[ahmed_m_ashraf]

قطع الغيار = الوشاحي .. الميزة مش بالرخص

[Tamer m ali]

تجربتي مع حمدي بيرو في تغيير سيور رينو سانديرو، اقسم بالله العظيم نصاب وتحت ايدو حبة صنايعيه ولا بيفهموا وكان هيخسرني موتور العربيه