electronic fault

[Elsarrawy]

صباح الخير عليكم جميعاً

انهارضه يا جماعة وانا جاي على الشغل وعند الملف بتاع صلاح سالم الثاني وانا جاي من المعادي الي عند الازهر بارك انا متعود اخد الملف دا على 70 كم/س وعلشان بيبقى في منزل قبله فاببقى جاي على سرعة 120-130 كده واهدي لحد ماوصل 70 كم/س واخد المنحنى

المهم كان في عربية قدامي وانا في الملف فبافاديها يمين ببص لاقيت اتوبيس نقل عام واقف في نص الطريق وانا واخد سرعتي تقريباً كانت 110-120

لحظتها طبعاً قمت دايس فامل جامد وسمعت صوت ABS وهو بيشتغل (ودي اول مرة اسمعه واحس بيه بوضوح كده)

المهم الحمد لله فاديت الاوتوبيس وكانت العربية الي قدامي عدت رحت واخد شمال تاني مكانها (الكلام دا بعد سرعتي ما كانت وصلت لـ 15 كم كده والكلام ده كله حصل في ثانية او اثنين بالكتير الحمد لله

بعد كده حسيت بزحلقة بسيطة كده في العجل الأمامي
شويه وبابص لاقيت رسالة electronic fault ولمبة السرفيس منورة ومافيش اي رسايل تانيه ولا لمض منورة غير دول

بركن العربية في باركنج الشركة لاقيت زيت على الاكصدات والكشاف اليمين فعلطول جه في بالي الزحلة الي حصلت في الملف قولت يبقى كان في زيت في الأرض علشان كده الاوتوبيس وقف (بس الزيت نضيف وابيض مش اسود)

المهم قولت اطمن بصيت على العربية واتكدت ان الزيت مش منها الحمد لله لأنه على الاكصدام من بره والكشاف فقط

المشكلة بقى ان انهارضه الأحد فمش هارف اروح فين ابص على الرسالة الي ظهرت دي فانتم ايه رأيكم

انا بشك في EBD بس لو حد عنده معلومه تانيه ياريت يقولي

وألف شكر مقدماً

[Ahmed Selim]

جرب تدور العربية من غير ما تدوس فرامل خالص

لو دارت معاك يبقى مكنة ستوب

لو مدارتش غير لما تدوس فرامل قولنا و نحاول نشوف المشكلة فين.

[Elsarrawy]

جرب تدور العربية من غير ما تدوس فرامل خالص

لو دارت معاك يبقى مكنة ستوب

لو مدارتش غير لما تدوس فرامل قولنا و نحاول نشوف المشكلة فين.

انا طلعت جربت

تمام يا احمد بك فعلاً مكنة ستوب زي ما حضرتك قولت

الله ينور عليك وألف شكر

بس هل دي بتتغير ولا بتتصلح وثمنها كام تقريباً؟؟؟

[Ahmed Selim]

مش محتاجة تصليح
تمنها جديدة من الميكانيكيون العرب فى 2008 كان 150 على ما أذكر.

يعنى برة مش هتعدى ال 100 جم إن شاء الله

[Ahmed Selim]

فكرتنى بعربية تانية منتشرة فى مصر برضه ( بس بدون ذكر أسماء ) و دايماً تتقارن بالميجان.....و هى حلوة بصراحة و أحلى من الميجان فى حاجات معينة......بس مش بذكاء الميجان.

العربية دى لما مكنة الأستوب بتاعتها تبوظ العربية مش بتدور أصلاً.... :)

[Elsarrawy]

مش محتاجة تصليح
تمنها جديدة من الميكانيكيون العرب فى 2008 كان 150 على ما أذكر.

يعنى برة مش هتعدى ال 100 جم إن شاء الله

يا باشا الف شكر الواحد مش عارف يقول ايه يشكرك على الرد ولا على سرعة الرد ان شاء الله يبقى في ميزان حسناتك

فكرتنى بعربية تانية منتشرة فى مصر برضه ( بس بدون ذكر أسماء ) و دايماً تتقارن بالميجان.....و هى حلوة بصراحة و أحلى من الميجان فى حاجات معينة......بس مش بذكاء الميجان.

العربية دى لما مكنة الأستوب بتاعتها تبوظ العربية مش بتدور أصلاً.... :)

وليه بدون ذكر اسماء هو الكلام دا مش حقيقي عنها ولا اوشاعات
يلا هو دا نصيب الميجان في مصر الاشاعات المبالغ فيها

عموماً الحمد لله انا فعلاً بحترم التكنولوجيا الي في الميجان جداً وبحس بأهميتها يوم ورا يوم

[Sharky]

وحش طول عمرك يا احمد

انما ماقلتش ايه هى العربية دى :)

[momo10000]

كورولا

[Ahmed Selim]

يا باشا الف شكر الواحد مش عارف يقول ايه يشكرك على الرد ولا على سرعة الرد ان شاء الله يبقى في ميزان حسناتك

يا باشا أنت تأمر بس...........و لا شكر على واجب

وحش طول عمرك يا احمد

انما ماقلتش ايه هى العربية دى :)

تعليمك يا شاركى :)

[ramykimo]

طب ممكن حد يشرح لنا ايه اللى حصل بالظبط؟

[Col. Eng. Khaled]

أحمد بيه عبد المقصود من كبار وحوش رينو
و الحمد لله على سرعة الرد و إنها بسيطة

[kamalsalem]

ممكن بس تعلمونا؟ انا اول مرة اركب زيرو ومش بعرف الحاجات دي

[Elsarrawy]

ممكن بس تعلمونا؟ انا اول مرة اركب زيرو ومش بعرف الحاجات دي

شوف حضرتك مكنة الاستوب دي بتبقى موجودة في دواسة الفرامل

والمفروض انها في العربيات المانوال تخلي لمبة الفرامل تنور لما تدوس فرامل

وفي الاوتوماتك بتعمل نفس العملية ويزيد كمان عليها انها بتدي اشارة للتحرير الفتيس علشان يتحرك على الغيار الي انت عاوزه (مش عارف كل الاوتماتك ولا لأ)

وفي الميجان بتخلى زرار ستارت يشتغل لما تدوس فرامل وغير كده العربية ما تدورش لو المكنة سليمة لكن لو باظت في الميجان بتدور برده وتديلك رسالة على شاشة المعلومات بتاعة العربية بالعطل

لكن في بعض العربيات الأخرى العربية مش بتدور لما الممكنة بتعطل زي ما تفضل الاستاذ احمد عبد المقصود وقال في المشاركة السابقة
ودا كل الي انا اعرفه عنها

[abasse]

جرب تدور العربية من غير ما تدوس فرامل خالص

لو دارت معاك يبقى مكنة ستوب

لو مدارتش غير لما تدوس فرامل قولنا و نحاول نشوف المشكلة فين.

كبير ياحمد بك
حصلت معايا قبل كده وأحمد بك برضة الى قالى على المشكلة
أنا غياتها فى الميكانيكيون ب 120

وبرضه من أعرضها العربية بتدور على أى غيار d r أى حاجة