الداستر جت و الوكيل مالهوش كلمه ولا التزام

[pointer]

انا اسف والله التوكيل بيسلم الداستر دلوقتي بالسعر الجديد واللي حاجز بالقديم يطق دماغه في اتخن حيط
هو ده الالتزام هو ده الوكيل المحترم اللي الناس بتقول عليه ازاي اثق فيه بعد كدا واحجز عنده تاني وهو مالوش كلمه وبيبيع العميل برخيص
يعني هما عام داستر اللي اتحجزوا اساسا علي شان هيكسبوا منهم ويضيعوا اسم التوكيل وثقه المستهلك ده غير ان كل واحد حاجز بورق غير التاني والي بيدل اساسا علي سوء نيه او علي الاقل عدم النظام الو المساواه بين العملاء
لو حد استلم يقول ويقول استلم بكام علي شان اتخاز الطرق القانونيه حيال الاستخفاف بالعملاء ده

[الصيداح]

بركاتك يا داستر
ايه الأخبار دي
الله المستعان على أحوالنا في مصر

[Dr.Islam]

التوكيل عمل كده بجد؟!

[pointer]

التوكيل عمل كده بجد؟!

يا باشا يعني هاكون بهزر الموضوع ده له بتاع خمس مواضيع في المنتدي ده غير ان فيه ناس حجزت بالايضال بس وناس بالايصال و البريشيز اوردر والايصال وناس مكتوب لها ميعاد الاستلام وناس لا وناس مكتوب لها الثمن الاجمالي وناس لا وناس مكتوب لها ان التمن عند الاستلام ده اسمه ايه ده علي الاقل و باسلوب مهذب ده اسمه سوء نيه التوكيل و التوكيل اتصل بيه وقاله انت هتدفع ال 134 وانه ما عندوش حل للموضوع ده و بصراحه الراجل قرف وناوي ياخد اجراءات قانونيه ضد التوكيل ده بصراحه استخفاف بالعملا و ناس تنيه يقع علي سيارتها شجره في نادي الجزيره يدوا له واحده تانيه

[Yarisawy]

مين اللى وقع على عربيته شجره ؟؟؟ التوكيل اللى عوضه ولا شركه التأمين ؟؟؟

[DOCTORBADRAN]

مين اللى وقع على عربيته شجره ؟؟؟ التوكيل اللى عوضه ولا شركه التأمين ؟؟؟

مش فاهم حاجة؟ يعنى اية التوكيل يعوض واحد وقعت على عربيتة شجرة؟؟؟؟؟

[pointer]

مين اللى وقع على عربيته شجره ؟؟؟ التوكيل اللى عوضه ولا شركه التأمين ؟؟؟

مش فاهم حاجة؟ يعنى اية التوكيل يعوض واحد وقعت على عربيتة شجرة؟؟؟؟؟

تصدقوا وتامنوا بالله انا اساسا مش فاهم حاجه
مين اللي جاب التوكيل في النص
طب لو كان النادي الاهلي كانو هيدوا له بي ام ولا ايه
ولا لازم مثلا شجره ولو عامود ملوش حاجه عندهم ويكلم فيراري مثلا لانها تخصص العواميد
بجد حاجه تفرس
علي العموم الخبر منقول و الرابط اهو
رينــو "داستــر" تعــويــض عــن رينــو "ميجــان" محطمــه
انا خلاص قررت هي ب 130 لاما هارفع دعوي باسم قريبي علي رينو علي شان الكلام ده ودعوي اخري هاطالبهم بمليون جنيه علي شان العربيه اللي جنبي ضربت كلاكس وعجبي

[Ahmed Selim]

الصورة دى صورة عرض سعر لفورك لفت ( رافعة شوكية أو كلارك ) مبعوتلى بالغلط على الأيميل

هتلاقوا شرط تحت أن السعر السائد وقت التسليم هو اللى هيدفع بمعنى أنهم عارضين سعر 108 ألف للفورك لفت و ساعة التسليم لو كان الثمن 120 يبقى هو ده اللى هيتدفع



لو التوكيل كاتب الشرط ده يبقى هو فى السليم

لو مش كاتبه أعتقد حقكم ترفعوا عليه قضية ( مجرد أعتقاد و الله أعلم )

[pointer]

اولا منور الموضوع يا احمد بك
والله انا قلت للراجل ان التوكيل محترم بناء علي كلامك انت و ناس التانيه في قسم رينو
المشكله الاكبر ان كل واحد واخد ورق شكل ازاي معرفش علي حسب ايه معرفش
قريبي واخد وصل و برشيز اوردر ومكتوب له الثمن الاجمالي وفلوس الحجز ومفيش حاجه تاني غير الفئه و اللون بس
علي فكره اي تلاعب من التوكيل في اي من النقاط دي هيدخل تحت بند اخر من قانون العقوبات مش المدني و طبعا السمعه هتبقي للتوكيل اللي يعمل كدا في الارض و معلش مش عاوز اتكلم اكتر من كدا لغايه لما التوكيل ياخد قرار و نرد عليه لا بالشكر لبحجات كتير غير رفع القضايا كمان
متشكر يا احمد علي تفاعلك و اهتمامك بالموضوع و بالقسم كله

[aly_hosny]

والله انا شايف ان حضرتك تبدا في الاجراء القانوني مباشرة و ممتنازلش ابدا
لاني قريت ان الموضوع حصل تقريبا مع عربية تانية من نفس التوكيل قبل كدا

[pointer]

والله انا شايف ان حضرتك تبدا في الاجراء القانوني مباشرة و ممتنازلش ابدا
لاني قريت ان الموضوع حصل تقريبا مع عربية تانية من نفس التوكيل قبل كدا

ايوه حصل في الفلوانس بس الناس خدتها بالسعر القديم و الوكيل عصلج شويه وبعدين سلم
بس في الحله اللي احنا بصددها بيقولوا ان الذياده من الحكومه
طب وانا مالي ىانا حجزت علي اساس كذا وهو كان مقدم ايجاب للجمهور قيمته السياره 130 لوانا قلت اه كدا اضلا انعقد العقد بس السياره مش موجوده فاتأجل الاستلام من طرفهم طيب هي غليت انا مالي طالما العقد اتبرم اساسا ودافع العربون كمان
الحل
لاما يدفعوا 20 الف ضعف العربون لاما يخدو باقي ال 130 الف ويسلموا الراجل
وكون الحكايه حصلت قبل كدا يبقي الوكيل مابيحترمش العميل اساسا
بس هما كل كلامهم في التليفون لو اصرو خلاص هما اللي جابوه لنفسهم قريبي معاه عربيتين ما شاء الله ومش هيهموا يستلم دلوقتي خالص وكدا كدا باذن الله واخد حقه

[kamalsalem]

الصورة دى صورة عرض سعر لفورك لفت ( رافعة شوكية أو كلارك ) مبعوتلى بالغلط على الأيميل

هتلاقوا شرط تحت أن السعر السائد وقت التسليم هو اللى هيدفع بمعنى أنهم عارضين سعر 108 ألف للفورك لفت و ساعة التسليم لو كان الثمن 120 يبقى هو ده اللى هيدفع



لو التوكيل كاتب الشرط ده يبقى هو فى السليم

لو مش كاتبه أعتقد حقكم ترفعوا عليه قضية ( مجرد أعتقاد و الله أعلم )

هو الفورك ليفت رخيص كده؟

موضوع انه التوكيل يديك بالسعر الجديد ده كان مفروض تسأل عليه وانت بتحجز

المفروض الواحد بيحجز بسعر يستلم بيه.. الا لو البائع قال غير كده... لكن الطبيعي انه الفكرة في الحجز ضمان السعر ولا كان كل واحد استنى تبقى بضاعة حاضرة

المفروض انه الحجز اللي انا بشوفه بيبقى حاجة اسمها guaranteed يعني بيضمن ثبات السعر

[pointer]

هو الفورك ليفت رخيص كده؟ :u_thin1[1]:

موضوع انه التوكيل يديك بالسعر الجديد ده كان مفروض تسأل عليه وانت بتحجز

المفروض انه الحجز اللي انا بشوفه بيبقى حاجة اسمها guaranteed يعني بيضمن ثبات السعر

المفروض الواحد بيحجز بسعر يستلم بيه.. الا لو البائع قال غير كده... لكن الطبيعي انه الفكرة في الحجز ضمان السعر ولا كان كل واحد استنى تبقى بضاعة حاضرة

اسال علي ايه مانا مجرد ما دفعت العربون ربط علي السعر ده

المفروض الواحد بيحجز بسعر يستلم بيه.. الا لو البائع قال غير كده... لكن الطبيعي انه الفكرة في الحجز ضمان السعر ولا كان كل واحد استنى تبقى بضاعة حاضرة

وحضرتك قايل اهو

[Ahmed Selim]

اولا منور الموضوع يا احمد بك
والله انا قلت للراجل ان التوكيل محترم بناء علي كلامك انت و ناس التانيه في قسم رينو
المشكله الاكبر ان كل واحد واخد ورق شكل ازاي معرفش علي حسب ايه معرفش
قريبي واخد وصل و برشيز اوردر ومكتوب له الثمن الاجمالي وفلوس الحجز ومفيش حاجه تاني غير الفئه و اللون بس
علي فكره اي تلاعب من التوكيل في اي من النقاط دي هيدخل تحت بند اخر من قانون العقوبات مش المدني و طبعا السمعه هتبقي للتوكيل اللي يعمل كدا في الارض و معلش مش عاوز اتكلم اكتر من كدا لغايه لما التوكيل ياخد قرار و نرد عليه لا بالشكر لبحجات كتير غير رفع القضايا كمان
متشكر يا احمد علي تفاعلك و اهتمامك بالموضوع و بالقسم كله

الموضوع منور بيك يا باشا

لو معاه ما يثبت إجمالى الثمن بدون وجود شرط زى اللى انا موضحه فى الصورة يبقى حقه يطالب بالتسليم بالسعر المتفق عليه على حد معلوماتى.

و متخلهوش يسيب حقه.

بالنسبة أنى قولت قبل كده أنه محترم......أنا ذكرت تجربتى معاه مش أكتر
أنا حجزت الميجان عن طريقه و كنت المفروض أستنى شهر على الأستلام و كلمونى قبلها بأسبوع قالولى فيه لون تانى متوفر لو أنت عاوزه ممكن تيجى تستلم أو تستنى اللون اللى أنت عاوزه......و رحت أستلمت اللون المتاح ساعتها....و بدون زيادة أسعار خالص.

غير كده تعاملى أنحصر بعد كده مع التوكيل فى الصيانات و الأصلاحات و كان تعاملهم إجمالاً محترم جداً.

[pointer]

الموضوع منور بيك يا باشا

لو معاه ما يثبت إجمالى الثمن بدون وجود شرط زى اللى انا موضحه فى الصورة يبقى حقه يطالب بالتسليم بالسعر المتفق عليه على حد معلوماتى.

و متخلهوش يسيب حقه.

بالنسبة أنى قولت قبل كده أنه محترم......أنا ذكرت تجربتى معاه مش أكتر
أنا حجزت الميجان عن طريقه و كنت المفروض أستنى شهر على الأستلام و كلمونى قبلها بأسبوع قالولى فيه لون تانى متوفر لو أنت عاوزه ممكن تيجى تستلم أو تستنى اللون اللى أنت عاوزه......و رحت أستلمت اللون المتاح ساعتها....و بدون زيادة أسعار خالص.

غير كده تعاملى أنحصر بعد كده مع التوكيل فى الصيانات و الأصلاحات و كان تعاملهم إجمالاً محترم جداً.

والله يا احمد باشا هو قال ان التوكيل اتصل وقال له بكره تيجي تستلم مع العلم انهم قالوا له ان الاخطار قبلها ب 15 يوم
والنكته قالوا له تيجي تستلم لاما العربيه ها تتسحب في خلال اسبوع
وهو اساسا مسنتي يخبطوا معاه و هيقوم بالازم ان شاء الله
هو مكتوب له اللي اندفع و الباقي وتاريخ الاستلام و اللون و و الفئه بتاعتها و شكرا تاني للاهتمام