محتاجة نصيحة وحوش الرينو

[hobby10]

السلام عليكم

الموضوع ببساطة انى معايا لوجان 2009 وفيها شوية حاجات حتحتاج سمكرة ودوكو بس الموضوع بسيط يعنى الحمد لله مفيش حادث او حاجة بس الطبيعى بتاع العربيات فى مصر حكات جراج او خبطات على البارد وبرده من الجراج او الركنة فى الشارع مش اكتر من كده الحمد لله ....

سؤالى هو هل الافضل من ناحية الصنعة والدهان ااقصد البويه تظبيط العربية فى التوكيل ولا بره التوكيل

... مع العلم انى بروح توكيل العامرية فى الاسكندرية ومأمنة على العربية ...

انا هدفى من سؤال الوحوش هو النصيجة طبعا وياااااااااريت بجد لو حد عنده تجربة فعلية مع التوكيل او بره ياريت يفيدنا بتجربته لانى ميالة اكثر للتصليح فى التوكيل بس مش عارفة شغلهم نظيف ولا لأ ؟؟؟

يارب تساعدونى فى انى اخد القرار السليم ان شاء الله

[gebreel]

ازيك يا استاذة هبه
التصليح في التوكيل كسمكرة اكيد افضل هقول لحضرتك ليه

اولا هيستخدمو بوية نضيفة

ثانيا التأمين مبيفاصلش مع التوكيلات زي ما بيفاصل مع الورش و لما بيفاصل مع الورش بيخسف بيهم الارض بتكون النتيجة اما ان حضرتك تدفعي من جيبك علشان تاخدي حاجة نضيفة او انهم بتصلأوا الشغل على قد فلوسهم

انا اتعاملت مع منصور في الرش تحديدا اوتوماستر الدنيا كانت حلوة في الرفارف لكن الاكصدامات لونها فرق بس رينو ورشة السمكرة بتاعتهم اللي في المقطم فعلا حاجة تفرح

توكلي على الله و سمكري و رشي في التوكيل

[hobby10]

ازيك يا استاذة هبه
التصليح في التوكيل كسمكرة اكيد افضل هقول لحضرتك ليه

اولا هيستخدمو بوية نضيفة

ثانيا التأمين مبيفاصلش مع التوكيلات زي ما بيفاصل مع الورش و لما بيفاصل مع الورش بيخسف بيهم الارض بتكون النتيجة اما ان حضرتك تدفعي من جيبك علشان تاخدي حاجة نضيفة او انهم بتصلأوا الشغل على قد فلوسهم

انا اتعاملت مع منصور في الرش تحديدا اوتوماستر الدنيا كانت حلوة في الرفارف لكن الاكصدامات لونها فرق بس رينو ورشة السمكرة بتاعتهم اللي في المقطم فعلا حاجة تفرح

توكلي على الله و سمكري و رشي في التوكيل

ازى حضرتك ... بجد شكرا على سرعة الرد الفظيعة :)))

كلامك طمنى وانا فعلا ميالة لكده بس نفسى حد يقولى نظام العامرية ايه فى القصة دى كويسين يعنى ولا ايه نظامهم ؟؟؟ ..... غموما فى انتظار رد وحوش اسكندرية ...

وربنا يكرمك على النصيحة الف شكر ... دعواتك

[ramy_gamal]

اعتقد بردة التوكيل احسن كتتير من برة مش عارف بحس ان الوقفه مع السمكرى او بتاع البويه بتكون اتقل كتير من الميكانيكى وبعدين التوكيل هيجيب احسن نوع بويه وكمان مش ممكن يكون فى فرق فى اللون ( اللى بيحصل برة انهم بيجيبو انواع بويه مش كويسه وعشان يظبطو اللون بياخد الرقم من على قايم العربيه ويزود الوان عشان يجيب نفس الدرجه ) فى التوكيل مفيش كدة

[hobby10]

اعتقد بردة التوكيل احسن كتتير من برة مش عارف بحس ان الوقفه مع السمكرى او بتاع البويه بتكون اتقل كتير من الميكانيكى وبعدين التوكيل هيجيب احسن نوع بويه وكمان مش ممكن يكون فى فرق فى اللون ( اللى بيحصل برة انهم بيجيبو انواع بويه مش كويسه وعشان يظبطو اللون بياخد الرقم من على قايم العربيه ويزود الوان عشان يجيب نفس الدرجه ) فى التوكيل مفيش كدة

كلام جميل جدا ومقنع وعندك حق انا شايفه ان وقفة السمكرى دى حتبقى صعبة قوى اذا عرفت تقف اصلا .... شكرا لحضرتك على مرورك الكريم :)

[gebreel]

انتو هتقوقولي على وقفة السمكري و البهيجي

يا نهار ابيض ده انا اخدت عربية جوز اختي علشان اشدها كانت لانسر و النقل و الميكروباص مسلم عليه من كل ناحية 10 ايام من القرف المستمر و خصوصا مع الباشا بتاع البويا اللي محسسني انو فنان و في الاخر بعد خناق و خليتو يعيد بعض الحاجات سلملي العربية بعد ما طلع روحي

توكلي على الله

[hobby10]

انتو هتقوقولي على وقفة السمكري و البهيجي

يا نهار ابيض ده انا اخدت عربية جوز اختي علشان اشدها كانت لانسر و النقل و الميكروباص مسلم عليه من كل ناحية 10 ايام من القرف المستمر و خصوصا مع الباشا بتاع البويا اللي محسسني انو فنان و في الاخر بعد خناق و خليتو يعيد بعض الحاجات سلملي العربية بعد ما طلع روحي

توكلي على الله

ان شاء الله ربنا يكرم وبجد شكرا لاهتمامك

[hobby10]

ايه ياجماعة مفيش حد فى اسكندرية جرب التوكيل فعلا فى سمكرة ودوكو ... فى انتظار باقى المشاركات

[ahmad--ezzat]

[QUOTE=hobby10;3873066087]كلام جميل جدا ومقنع وعندك حق انا شايفه ان وقفة السمكرى دى حتبقى صعبة قوى اذا عرفت تقف اصلا .... شكرا لحضرتك على مرورك الكريم :)[/QUOTEا
ايوه صح كده دة الناس دى تدب ف عينيهم رصاصه اصلا وطماعين .....اتعملى مع مراكز افضل

[hobby10]

[QUOTE=ahmed_nubira;3873067226]

كلام جميل جدا ومقنع وعندك حق انا شايفه ان وقفة السمكرى دى حتبقى صعبة قوى اذا عرفت تقف اصلا .... شكرا لحضرتك على مرورك الكريم :)[/QUOTEا
ايوه صح كده دة الناس دى تدب ف عينيهم رصاصه اصلا وطماعين .....اتعملى مع مراكز افضل

الف شكر لحضرتك على مرورك

[Col. Eng. Khaled]

ملحوظة صغيرة كانت في محاولة لي بفتح شغل توريد أحذية سيفتي مع فرع العامرية

كان مطلوب ماركة (ريد وينج) بأبخس الأتمان بمعنى سعر عمر الوكيل ما يفكر يديهولي

يا ترى الأسلوب ده متبّع في خامات الدهان (معجون ، بوية ، ورنيش ، مُصَلّب ، .......... إلخ) ؟

إذا كانت الإجابة أيوا فأعتقد إن بيتم التعامل في الخامات الراكدة في السوق المحلّي

بالإضافة لعربية مرسيدس عيون فضي شوفتها مرشوشة في المركز الرئيسي "المقطم" الله أعلم بتاعة مين

يومها كان معايا م / هاني chato_eg هو بنفسه ممكن يحكي لحضراتكم عن ملاحظاتي عن كبود العربية ، غير عربيته شخصيا

و كمية المعجون عليها و تلصيم الإكسدام مع الرفرف بمسمار شك بالرغم إنه كان مأمن مع كونتاكت .

غير تجربة زميلنا أ / محمد مصطفى السنة إللي فاتت تقريبا كان في فرق لون الإكسدام مع الكبود بعد ما عمل عربيته في فرع العبور بعد حادثة مع تاكسي .

"كلامي مش في حق شخص السيد المهندس مدير الفرع و لكن في أسلوب إدارة العمل"

[hobby10]

ملحوظة صغيرة كانت في محاولة لي بفتح شغل توريد أحذية سيفتي مع فرع العامرية

كان مطلوب ماركة (ريد وينج) بأبخس الأتمان بمعنى سعر عمر الوكيل ما يفكر يديهولي

يا ترى الأسلوب ده متبّع في خامات الدهان (معجون ، بوية ، ورنيش ، مُصَلّب ، .......... إلخ) ؟

إذا كانت الإجابة أيوا فأعتقد إن بيتم التعامل في الخامات الراكدة في السوق المحلّي

بالإضافة لعربية مرسيدس عيون فضي شوفتها مرشوشة في المركز الرئيسي "المقطم" الله أعلم بتاعة مين

يومها كان معايا م / هاني chato_eg هو بنفسه ممكن يحكي لحضراتكم عن ملاحظاتي عن كبود العربية ، غير عربيته شخصيا

و كمية المعجون عليها و تلصيم الإكسدام مع الرفرف بمسمار شك بالرغم إنه كان مأمن مع كونتاكت .

غير تجربة زميلنا أ / محمد مصطفى السنة إللي فاتت تقريبا كان في فرق لون الإكسدام مع الكبود بعد ما عمل عربيته في فرع العبور بعد حادثة مع تاكسي .

"كلامي مش في حق شخص السيد المهندس مدير الفرع و لكن في أسلوب إدارة العمل"

سيادة العقيد نورة الموضوع والمنتدى كله ... والله الواحد محتار يافندم جوه البيت والناس بره ورأى الاعضاء اللى شاركوا معانا كل بيقولك التوكيل وهكذا ورأى تانى بيقول لا بره احسن .... انا عن نفسى عارفة ان مفيش حاجة مضمونة لا جوه ولا بره بس الواحد بيحاول يتحرى الافضل وفى الاخر كله نصيب وربنا اعلم بالحال

بس تاكيدا لكلام حضرتك الناس كلها بتتكلم على المقطم والعبور نفسى حد يتكلم على العامرية علشان الصورة توضح لان متهيقلى القصة كلها فى الصنيعى الى بيشتغل بمعنى اللى عنده صنيعى احسن هو اللى حيطلع شغل احسن سواءفى التوكيل او بره التوكيل .. رأى وتجارب الناس والاستخارة فى الاول والاخر طبعا هى اللى حتقول الخير فين ان شاء الله .....

[Col. Eng. Khaled]

حضرتك راجعي أول 3 سطور في مشاركتي و خدي بالقياس ............

[chato_eg]

أبسط طريقة لاستنتاج الوضع الحقيقى
الصنايعى بيأخد كام فى اليوم فى عمله فى أى ورشة و ليكن فى الحرفيين أو غيرها مثلا...احسب الشهر بتاعه يعمل كام
و تخيل..هل ممكن يأخد نفس الرقم لو شغال فى التوكيل ؟؟؟
التوكيل كبيـئة عمل مناسبة للتعلم لإنها مؤسسة نظام .. إنما الورشة بتعتمد على مهارة العاملين الشخصية...فى الورشة الشغل بيتعمل و يتسلم و الهدف من الاتقان هو المحافظة على مجموعة الزبائن المحدودة مهما كثر عددهم
التوكيل بيصرف على الدعاية و الإعلان و المنشأة نفسها كتيير جدا و استيراد الخبرة من الخارج فى بداية نشاطه أو عند نزول تقنيات أحدث فلازم تكون تكلفة الموظفين قليلة لكى يحقق أرباح...

لابد كمان من مراعاة فروق الأسعار...
رش القطعة فى التوكيل ب 275-300 جنيه...
الشنطة و الكبوت و السقف كل منهم بيحسب قطعتين
فك أى جزء و لو اكصدام بيتحسب برقم لا يقل عن 50 جنيه...و تركيبه نفس الشىء...
يوم ما الشغل يستلزم وجود سروجى..بتلاقى بند سروجى...و كذلك الكهربائى...
أضف للإجمالى 10% ضريبة مبيعات

التوكيل أى نعم...بتروح تديهم العربية....بتستلمها لما يكلموك...
فى الورشة لازم تتابع حاجتك بنفسك...
الصنعة فى التوكيلات كلها زى بعضها و نفس المستوى....الحاجة شكلها من الخارج كويس...لكن الله أعلم بالأمور الداخلية و الفنيات الصغيرة زى نوع المعجون و كميته و ما إلى ذلك من الأمور التى لا علم لى و بأغلب الناس بها...

الورشة بتعتمد على السمعة و التجربة أكثر من مرة لحد ما تلاقى المكان إللى تستريح فيه ....

أنا شخصيا كنت بأصلح عربيتى القديمة فى نفس المكان من سنة 1987 حتى 2006 ....لما حسيت إنى زبون درجة تانية و لا يمكن 15 كمان...جربت غيرهم و غيرهم..لما يأست...بعتها و جبت ميجو...فدوام الحال من المحال...نفس الشىء حصل مع الكهربائى برضه...

[hobby10]

أبسط طريقة لاستنتاج الوضع الحقيقى
الصنايعى بيأخد كام فى اليوم فى عمله فى أى ورشة و ليكن فى الحرفيين أو غيرها مثلا...احسب الشهر بتاعه يعمل كام
و تخيل..هل ممكن يأخد نفس الرقم لو شغال فى التوكيل ؟؟؟
التوكيل كبيـئة عمل مناسبة للتعلم لإنها مؤسسة نظام .. إنما الورشة بتعتمد على مهارة العاملين الشخصية...فى الورشة الشغل بيتعمل و يتسلم و الهدف من الاتقان هو المحافظة على مجموعة الزبائن المحدودة مهما كثر عددهم
التوكيل بيصرف على الدعاية و الإعلان و المنشأة نفسها كتيير جدا و استيراد الخبرة من الخارج فى بداية نشاطه أو عند نزول تقنيات أحدث فلازم تكون تكلفة الموظفين قليلة لكى يحقق أرباح...

لابد كمان من مراعاة فروق الأسعار...
رش القطعة فى التوكيل ب 275-300 جنيه...
الشنطة و الكبوت و السقف كل منهم بيحسب قطعتين
فك أى جزء و لو اكصدام بيتحسب برقم لا يقل عن 50 جنيه...و تركيبه نفس الشىء...
يوم ما الشغل يستلزم وجود سروجى..بتلاقى بند سروجى...و كذلك الكهربائى...
أضف للإجمالى 10% ضريبة مبيعات

التوكيل أى نعم...بتروح تديهم العربية....بتستلمها لما يكلموك...
فى الورشة لازم تتابع حاجتك بنفسك...
الصنعة فى التوكيلات كلها زى بعضها و نفس المستوى....الحاجة شكلها من الخارج كويس...لكن الله أعلم بالأمور الداخلية و الفنيات الصغيرة زى نوع المعجون و كميته و ما إلى ذلك من الأمور التى لا علم لى و بأغلب الناس بها...

الورشة بتعتمد على السمعة و التجربة أكثر من مرة لحد ما تلاقى المكان إللى تستريح فيه ....

أنا شخصيا كنت بأصلح عربيتى القديمة فى نفس المكان من سنة 1987 حتى 2006 ....لما حسيت إنى زبون درجة تانية و لا يمكن 15 كمان...جربت غيرهم و غيرهم..لما يأست...بعتها و جبت ميجو...فدوام الحال من المحال...نفس الشىء حصل مع الكهربائى برضه...

طيب يعنى فى مجمل كلام حضرتك انت بتشجع التصليح بره التوكيل لضمان نظافة الصنعة .... تمام كده ؟؟؟؟؟؟