Tweet
أنا حابب يا جماعه أحكي حكايتي الشخصيه مع الميجان 2 للتأكيد على ان العربيه دي فعلاً محترمه جداً انا حكايتي ببساطه شديده ان كان عندي ميجان 2 موديل 2006 فضلت معايا حوالي 7 شهور وعملت بيها حادث هاحكي عليه ان شاء الله دلوقتي أدى الى ضياع العربيه بالكامل واتباعت خرده في الآخر
شوية حديد............
الحكايه ببساطه مع اني هاطول شويه عليكم لكن والله انا بجد فخور جداً بالعربيه دي انا هاحكي عن الحادثه وانت احكموا .... في يوم من سنه ونصف تقريباً كنت راجع باليل من 6 اكتوبر طريق الفيوم وماشي عادي جداً وكنت على سرعه تقريباً 130 فجأه مش عارف ايه اللي حصل بس لقيت سواد في وشي عربيه جراند شيروكي ماعرفش طلعت منين طبعاً انا ولا فرملت ولا عملت اي حاجه تذكر والله العظيم أنا كان كل اللي عليا اني اتخضيت بس الحمد لله ........ الشيروكي عشان تتصوروا بس انا كنت داخل فيه ازاي انا ماشي وهو على شمالي وفجأه قرر يكسر يمين عشان يدخل بوبات حي الأشجار اللي في طريق 6 اكتوبر الفيوم المهم دخلت فيه طبعاً زي ما قلت بدون أي حاجه انا عملتها أو الله أعلم ممكن أكون فرملت مش عارف والله المهم برضه مش ده اللي عاوز أحكي عنه أوي لئن الحوادث كتير وربنا يكفينا شرها جميعاً ان شاء الله اللي عاوز أركز عليه بجد هو اجراءات السلامه والأمان اللي بجد موجوده بكفاءه شديده جداً في العربيات دي ........... واللي انا مستغرب ليه فعلاً إني كنت بتصور ان في الحوادث الصعبه دي اللي جوه العربيه بيكونوا فاقدين الوعي اثناء الحادث مش عارف ليه دايماً كان كده في مخيلتي دايماً لكن بعد ما جربت بنفسي عرفت ان والله فقدان الوعي ده كان نعمه مسلوبه مني اثناء الحادثه ما بتحصل لئني كنت بتمنى من ربنا انام او افقد الوعي لئنه فلم رعب والله يا جماعه شغال بالتصوير البطيء ومش عاوز ينتهي ........ لا تآخذوني على الاطاله بس والله انا باستعيد اللي بيحصل معاكم .....المهم اللي حصل من العربيه كالآتي :-
1- صوت انفجار شديد ولون احمر طالع من التبلوه فهمت بعد كده انه النار اللي بتنتج من انفجار الاير باجز وطبعاً بعد كده انا ماشفتش حاجه لمده بسيطه لكن كنت حاسس كل حاجه.
2-حزام الامان والله العظيم اتشد عليا واعذروني في التشبيه كإن في ملاك مكلف انه يحميك ربنا سبحانه وتعالى بعته يمسكني ويشدني كده للكرسي.
3-الموتور انا لما نزلت الحمد لله من العربيه الحقيقه كان مش موتور لكن اللي شد انتباهي هو انه نزل تحت العربيه يعني تصور الطبيعي ان الخبطه هترحل الموتور لناحية جوه على الكابينه يعني لكن ده نزل تحت مش لدرجة تحت العربيه لكن تحت وخلاص.
4-الله أعلم الموتور طفى لوحده عند التصادم ولا ايه حصل لكن كان مطفي مع ان البطاريه متوصله لسه وكان الانتظار شغال لوحده ودي حاجه عجبتني برضه وشغال بطريقه سريعه جداً........هتقولوا طبيعي عشان اكيد في لمبه من لمض الاشاره اتكسرت فا الاشاره بقت سريعه لأ والله أنا أصلي فحصت العربيه كويس اوي بعد اسبوع من الحادثه عشان استوعب اللي حصل كان كل اللمض موجوده :)
5- نسيت أقول كمان الملاك اللي حمى والدتي اللي كانت جانبي في العربيه ... الايرباج اللي قدام ودي كده كده فتحت مع بتاعتي تقريباً لكن الغريب الايرباج اللي على الجنب .......التصادم لإنه كان من الشمال حدفني على اقصى يمين الطريق اتكسرت الخرسانه اللي على الرصيف ودخلت في عمود نور من ناحية الباب اليمين والعمود الحمد لله حصل ليه اباده وبقى بسوا الرصيف.
انا عارف والله اني باحكي حاجه يمكن تكون الافلام بتحاول تقدمها :( بس والله ده حصل والحمد لله انا ما زلت حي أرزق الى الآن صحيح انا مؤمن جداً جداً جداً ان الموضوع ببساطه ان عمري وعمر أمي واللي معايا في العربيه لسه ليه باقي عند ربنا سبحانه وتعالى وان ده قدر ربنا عز وجل لكن برضه العربيه دي على الأقل كانت سبب لي ده وانا حبيت بس أعرض التجربه القاسيه دي على حضراتكوا للتأكيد ان العربيات دي بجد محترمه والله العظيم مش هزار وبيفكروا كويس اوي وقد ايه البني آدم غالي عند الناس دي وبيفكروا فيه ازاي...............
على فكره العربيه كان فيها 4 ........... الاصابات اللي حصلت 1 اللي كان ورايا والحمد لله كانت خفيفه نتيجة اصطدامه في الكرسي بتاعي و اللي جانبه نفس الاصابه تقريباً ...... انا ووالدتي كانت خدوش بس نتيجة الايرباج والحمد لله على كل شيء.
وعلى فكره كمان مع ان التجربه زي ما هي مكتوبه كده والله العظيم وصعبه جداً والعربيه زي ما قلت في بداية الموضوع راحت خالص إلا اني كررت التجربه تاني والحمد لله ربنا كرمني واشتريت موديل 2007 ً ..................لمجرد بس اني حسيت بالأمان جوه العربيه دي وطبعاً هارجع أقول كلها من ترتيبات القدر من ربنا سبحانه وتعالى .:)
أنا آسف جدا للإطاله بس حبيت أقول حاجه انا شايف انها من حق النوع ده من العربيات انه يتقال عليها الكلام ده ومن حق المنتدى الجميل ده وكل من يملك هذه التحفه بجد انه يشاركني تجربه صحيح قاسيه لكن فيها من الابداع واحترام الآدميه والحفاظ على سلامته الكثير والكثير.
والحمد لله على كل شيء.
وشكراً رينو.
شوية حديد............الحكايه ببساطه مع اني هاطول شويه عليكم لكن والله انا بجد فخور جداً بالعربيه دي انا هاحكي عن الحادثه وانت احكموا .... في يوم من سنه ونصف تقريباً كنت راجع باليل من 6 اكتوبر طريق الفيوم وماشي عادي جداً وكنت على سرعه تقريباً 130 فجأه مش عارف ايه اللي حصل بس لقيت سواد في وشي عربيه جراند شيروكي ماعرفش طلعت منين طبعاً انا ولا فرملت ولا عملت اي حاجه تذكر والله العظيم أنا كان كل اللي عليا اني اتخضيت بس الحمد لله ........ الشيروكي عشان تتصوروا بس انا كنت داخل فيه ازاي انا ماشي وهو على شمالي وفجأه قرر يكسر يمين عشان يدخل بوبات حي الأشجار اللي في طريق 6 اكتوبر الفيوم المهم دخلت فيه طبعاً زي ما قلت بدون أي حاجه انا عملتها أو الله أعلم ممكن أكون فرملت مش عارف والله المهم برضه مش ده اللي عاوز أحكي عنه أوي لئن الحوادث كتير وربنا يكفينا شرها جميعاً ان شاء الله اللي عاوز أركز عليه بجد هو اجراءات السلامه والأمان اللي بجد موجوده بكفاءه شديده جداً في العربيات دي ........... واللي انا مستغرب ليه فعلاً إني كنت بتصور ان في الحوادث الصعبه دي اللي جوه العربيه بيكونوا فاقدين الوعي اثناء الحادث مش عارف ليه دايماً كان كده في مخيلتي دايماً لكن بعد ما جربت بنفسي عرفت ان والله فقدان الوعي ده كان نعمه مسلوبه مني اثناء الحادثه ما بتحصل لئني كنت بتمنى من ربنا انام او افقد الوعي لئنه فلم رعب والله يا جماعه شغال بالتصوير البطيء ومش عاوز ينتهي ........ لا تآخذوني على الاطاله بس والله انا باستعيد اللي بيحصل معاكم .....المهم اللي حصل من العربيه كالآتي :-
1- صوت انفجار شديد ولون احمر طالع من التبلوه فهمت بعد كده انه النار اللي بتنتج من انفجار الاير باجز وطبعاً بعد كده انا ماشفتش حاجه لمده بسيطه لكن كنت حاسس كل حاجه.
2-حزام الامان والله العظيم اتشد عليا واعذروني في التشبيه كإن في ملاك مكلف انه يحميك ربنا سبحانه وتعالى بعته يمسكني ويشدني كده للكرسي.
3-الموتور انا لما نزلت الحمد لله من العربيه الحقيقه كان مش موتور لكن اللي شد انتباهي هو انه نزل تحت العربيه يعني تصور الطبيعي ان الخبطه هترحل الموتور لناحية جوه على الكابينه يعني لكن ده نزل تحت مش لدرجة تحت العربيه لكن تحت وخلاص.
4-الله أعلم الموتور طفى لوحده عند التصادم ولا ايه حصل لكن كان مطفي مع ان البطاريه متوصله لسه وكان الانتظار شغال لوحده ودي حاجه عجبتني برضه وشغال بطريقه سريعه جداً........هتقولوا طبيعي عشان اكيد في لمبه من لمض الاشاره اتكسرت فا الاشاره بقت سريعه لأ والله أنا أصلي فحصت العربيه كويس اوي بعد اسبوع من الحادثه عشان استوعب اللي حصل كان كل اللمض موجوده :)
5- نسيت أقول كمان الملاك اللي حمى والدتي اللي كانت جانبي في العربيه ... الايرباج اللي قدام ودي كده كده فتحت مع بتاعتي تقريباً لكن الغريب الايرباج اللي على الجنب .......التصادم لإنه كان من الشمال حدفني على اقصى يمين الطريق اتكسرت الخرسانه اللي على الرصيف ودخلت في عمود نور من ناحية الباب اليمين والعمود الحمد لله حصل ليه اباده وبقى بسوا الرصيف.
انا عارف والله اني باحكي حاجه يمكن تكون الافلام بتحاول تقدمها :( بس والله ده حصل والحمد لله انا ما زلت حي أرزق الى الآن صحيح انا مؤمن جداً جداً جداً ان الموضوع ببساطه ان عمري وعمر أمي واللي معايا في العربيه لسه ليه باقي عند ربنا سبحانه وتعالى وان ده قدر ربنا عز وجل لكن برضه العربيه دي على الأقل كانت سبب لي ده وانا حبيت بس أعرض التجربه القاسيه دي على حضراتكوا للتأكيد ان العربيات دي بجد محترمه والله العظيم مش هزار وبيفكروا كويس اوي وقد ايه البني آدم غالي عند الناس دي وبيفكروا فيه ازاي...............
على فكره العربيه كان فيها 4 ........... الاصابات اللي حصلت 1 اللي كان ورايا والحمد لله كانت خفيفه نتيجة اصطدامه في الكرسي بتاعي و اللي جانبه نفس الاصابه تقريباً ...... انا ووالدتي كانت خدوش بس نتيجة الايرباج والحمد لله على كل شيء.
وعلى فكره كمان مع ان التجربه زي ما هي مكتوبه كده والله العظيم وصعبه جداً والعربيه زي ما قلت في بداية الموضوع راحت خالص إلا اني كررت التجربه تاني والحمد لله ربنا كرمني واشتريت موديل 2007 ً ..................لمجرد بس اني حسيت بالأمان جوه العربيه دي وطبعاً هارجع أقول كلها من ترتيبات القدر من ربنا سبحانه وتعالى .:)
أنا آسف جدا للإطاله بس حبيت أقول حاجه انا شايف انها من حق النوع ده من العربيات انه يتقال عليها الكلام ده ومن حق المنتدى الجميل ده وكل من يملك هذه التحفه بجد انه يشاركني تجربه صحيح قاسيه لكن فيها من الابداع واحترام الآدميه والحفاظ على سلامته الكثير والكثير.
والحمد لله على كل شيء.
وشكراً رينو.
Comment