مقايسة سيمبول ب22الف جنيه

[bzaki]

السلام عليكم,

انا محتاج لمساعدتكم و رأيكم يا وحوش الرينو.

انا معايا سمبول 2010 و مكملتش سنة و عامل بيها 10,000 كم. الحمد لله العربية اتخبطت من الامام و المشكلة انى مش مأمن عليها . الخابطه جابت الكابوت و الشبكة و الصدر و السربنتينة و الراديتير و المروحة . اما الفوانيس و الاكصدام بهم كسور بس شغالة . بس مشييت بعدها ييجى 150 كم و العربية ماشية تمام من غير ما تنقطت لا ميه و لا زيت. انا و ديتها التوكيل و جاتلى المقايسة ب 22 الف جنيه

و هى كالتالى:
الكابوت 2740
كالون كابوت علوى 1100
الشبكة 935
صدر 1365
سربنتينة تكييف خارجية 4000 (ليه ان شاء الله؟)
ريدياتير 2000
فانوسين 2000
اكصدام 1644
دعامة اكصدام 1100
استيكر بيانات اكصدام 423 (حتة ورقة ب 400 جنيه ده استهبال)
دهان و مصنعيات 4500
وعليهم مروحة ماتحطيتش فى المقايسة

طبعا واضح من الارقام ديه انى مش ممكن اعملها فى التوكيل. و سألت على قطع الغيار بره و بيقولوا لسه منزلتش

انا فى حاجة لمساعدتكم. اى حد يعرف فين الاقى قطع الغيار للسيمبول و سمكرى و ميكانيكى فاهم فى الرينو كويس.

باسم

[hobby10]

ربنا معاك ان شاء الله خير وفى انتظار رأى الاعضاء اللى يعرفوا ينصحوك ان شاء الله

وحضرتك طبعا ممكن تروح لسيادة العقيد خالد اكيد حيفيدك جدااااا ان شاء الله

[د.محمود صلاح]

اكيد صلحها برة التوكيل ..
لو ممكن تشتري قطع الغيار من عندهم وتركب بره يكون أرخص و أفضل ..

قدر الله وماشاء فعل .

[bukla]

قدر الله ما شاء فعل
الحمد الله انك خرجت من الحادثة دى بخير
اما بالنسبة للتكلفة فلا تتعجب انا كنت عملت من اقل من سنة حادثة باللانوس و روحت عملت مقايسة فى التوكيل (الكويت و البلاد العربية) قالى حتتكلف 9700 جنية مع الوضع فى الاعتبار انى كنت ماشى بالعربية من غير مشاكل بعد الحادثة و مكانش فى التكلفة لا رادياتير و لا سربنتينة تكييف و فانوس واحد اللى اكسر مش اتنين و الاغرب ان المصنعية و الدهان اللى من ضمن التكلفة دي برضة ب 4500 جنية و اهى لانوس اللى المفروض ان تكاليفها تكون فى الحد الادنى ما بين العربيات
المهم روحت عملتها برة مكملتش 5000 جنية مع الوضع فى الاعتبار انى اشتريت كل حاجة اصلى زى اللى فى التوكيل بالظبط
الظاهر إن كل التوكيلات كدة

[mido_919]

صلحها بره يا باشا انا عربيتي اتخبطت من وراورحت عملت مقايسة كانت ب14000 جنيه وصلحتها بره ب 3000 جنيه
هات قطع الغيار الي بازت فعلا من التوكيل مش الي التوكبل قال عليها وسمكرها واديها دوكو في الحرفيين

[bzaki]

صلحها بره يا باشا انا عربيتي اتخبطت من وراورحت عملت مقايسة كانت ب14000 جنيه وصلحتها بره ب 3000 جنيه
هات قطع الغيار الي بازت فعلا من التوكيل مش الي التوكبل قال عليها وسمكرها واديها دوكو في الحرفيين

انا كمان عشان اخرجها بره التوكيل من غير ما اصلحها طالبين منى الف جنيه تمن المقايسة. و هما كمان وخدين الف جنيه تحت الحساب يعنى مش هاعرف اخدها منهم تانى. بجد استغلال رهيب.

انت خدوا منك كام تمن المقايسة لما اخدت العربية من غير تصليح عندهم؟

[hobby10]

انا كمان عشان اخرجها بره التوكيل من غير ما اصلحها طالبين منى الف جنيه تمن المقايسة. و هما كمان وخدين الف جنيه تحت الحساب يعنى مش هاعرف اخدها منهم تانى. بجد استغلال رهيب.

انت خدوا منك كام تمن المقايسة لما اخدت العربية من غير تصليح عندهم؟

ده على اساس ايه ان شاء الله ... هو لو فيه فلوس حتبقى فلوس المقايسة 1000 وخلاص ليه بقى ال 1000 التانية ... لا طبعا متسكوتش ... وهو عموما انا لما اكشف على عربية واشوف الاضرار اللى فيها اخد 1000 جنيه ليه اصلا كتييييير جدا

[gebreel]

انا اللي سمعتو ان المقايسة بتتكلف تقريبا 500 جنيه

[mido_919]

انا كمان عشان اخرجها بره التوكيل من غير ما اصلحها طالبين منى الف جنيه تمن المقايسة. و هما كمان وخدين الف جنيه تحت الحساب يعنى مش هاعرف اخدها منهم تانى. بجد استغلال رهيب.

انت خدوا منك كام تمن المقايسة لما اخدت العربية من غير تصليح عندهم؟

لا طبعا تمن مقايسة ايه 1000 جنيه ده انا كنت رحت شرشحتلهم في التوكيل روح يا باشا زعق شوية فيهم وهما هيدوك العربية وانا عن نفسي اعتقد اني دفعت 100 100 وشوية اتصلوا بيا قالولي تمن المقايسة رحت رايح واخد العربية علطول
انما 1000 جنيه ده نصب رسمي

[mossobhy]

السلام عليكم,

انا محتاج لمساعدتكم و رأيكم يا وحوش الرينو.

انا معايا سمبول 2010 و مكملتش سنة و عامل بيها 10,000 كم. الحمد لله العربية اتخبطت من الامام و المشكلة انى مش مأمن عليها . الخابطه جابت الكابوت و الشبكة و الصدر و السربنتينة و الراديتير و المروحة . اما الفوانيس و الاكصدام بهم كسور بس شغالة . بس مشييت بعدها ييجى 150 كم و العربية ماشية تمام من غير ما تنقطت لا ميه و لا زيت. انا و ديتها التوكيل و جاتلى المقايسة ب 22 الف جنيه

و هى كالتالى:
الكابوت 2740
كالون كابوت علوى 1100
الشبكة 935
صدر 1365
سربنتينة تكييف خارجية 4000 (ليه ان شاء الله؟)
ريدياتير 2000
فانوسين 2000
اكصدام 1644
دعامة اكصدام 1100
استيكر بيانات اكصدام 423 (حتة ورقة ب 400 جنيه ده استهبال)
دهان و مصنعيات 4500
وعليهم مروحة ماتحطيتش فى المقايسة

طبعا واضح من الارقام ديه انى مش ممكن اعملها فى التوكيل. و سألت على قطع الغيار بره و بيقولوا لسه منزلتش

انا فى حاجة لمساعدتكم. اى حد يعرف فين الاقى قطع الغيار للسيمبول و سمكرى و ميكانيكى فاهم فى الرينو كويس.

باسم

ربنا معاك كتير اوى ربنا يعوض عليك

[Amr_Moh]

قدر الله وماشاء فعل

بس ازاي ماشية من غير مروحة ؟؟؟

[bzaki]

قدر الله وماشاء فعل

بس ازاي ماشية من غير مروحة ؟؟؟

انا مشيت بيها على طريق سريع لحد التوكيل فملحقيتش تسخن منى. بس لما كنت بقف بيها شوية بتسخن.

[Tarek0]

أمّن ... تعيش متطمنّ

[tameramin77]

روح بيها عند عثمان بتاع رينو فى فيصل التعاون وشوف عايز قطع غياراة وجبها من التوكيل وهما ان شاء اللة يعملوها وربنا يعوض عليك ويخلف عليك الخير

[heema78]

الكشف الشامل علي عربية مستعملة شامل كهرباء و ميكانيكا و دهان كان بحوالي 550 جنيه وده خد يوم كامل فاكيد المقايسة تكلفتها مش ممكن تعدي الكشف الشامل

ديه معلومة اتمني تفيدك ان شاء الله