اكشف على عربية مستعملة فين

[breakthrough]

السلام عليكم
ازيكم يا جماعة ايه الاخبار

انا نويت ان شاء الله هشتري رينو كليو 2003 مستعملة , فكنت عايز اعرف هل يتكشف عليها في أي بنزينة عادي و لا في حتة معينة تكون احسن .
المشكلة في التوكيل بيكون بالحجز و غالي
و شكرا :)

[mhmdalsaadany]

بنزيه شل اللي في الهرم عند الخزان في اتجاه الهرم
لان انا شايف حضرتك من الجيزه
هي بنزينه محترمه وفيها جهاز البويه وكبس الموتور وكل حاجه والمهندس هناك ممتاز جدا لو في حاجه في العربيه هيقولك عالطول

[breakthrough]

جزاكم الله خيرا على الرد , بس انا كان قصدي بالنسبة للرينو خصوصا عشان من المنتدى هنا عرفت ان مش اي حد بيفهم فيها

[mhmdalsaadany]

والله يا اخي انا كشفت هناك علي لانسر وفورد وكيا شوما وسبكترا وهوندا سيفيك ونوبيرا وكمان لادا و128
كانت طريقه الكشف كلها واحد كان بيشوف كبس كل بستم لوحده كام في الميه وكمان بيعرف الموتور مشي كام كيلو عشان لو حد لعب في العداد وبيكشف علي البويه والعفشه وكل حاجه ومقابل 120 جنيه تقريبا بس انا مش عارف هل الرينو بتختلف في حاجه ولا لأ اصل في حاجات متبنش
يعني ليا واحد صحبي كان معاه رينو كليو 2005 وبعد فتره جابت بلي عجل كان عامل 800 جنيه لوحده وبعدين طرمبه بنزين وعامله 1600 لوحدها طبعا دا كان سنه 2005 والحاجات دي مش بتبان ارجو اكون قدرت اوصلك وجهة نظري

[A.Saad]

ممكن مركزخدمة معتمد بس كفائتهم ايه مش عارف
التوكيل هوة الافضل طبعا غالى بس بتحمى فلوسك بيه

[breakthrough]

شكرا على الرد :) هوديها بنزينة و اتكل على الله العربية حالتها حلوة و عاملة 70 الف كيلو

[mhmdalsaadany]

بالتوفيق ان شاء الله ومتنساش الاستخاره

[ahmedsamir79]

بالتوفيق ان شاء الله