check steering

[SHERIF2009BHIT]

السلام عليكم

عند تشغيل محرك السيارة فى رسالة

check steering بتظهر بعد oil level ok and all meassage appear

انا ملاحظ ان السيارة عاوزة ظبط زوايا ممكن تكون الرسالة دية علشان كدة

اية راى الخبراء اعزكم اللة

[pioneerahmed]

اظبط زوايا و لو ما راحتش يبقى علبة الدركسيون يا برنس

[Hany Saad]

هل يا ترى عندك مشكلة فى مسوجر الدركسيون.... بعد ما تبطل العربية بتحس العربية مش بتسوجر كويس ؟

ده فعلا إحتمال كبير علبة دركسيون ولا أعتقد إن له أى دخل بالزوايا....

إن شاء الله خير.

[abasse]

وأيه أخبار البور

[gefoo]

انا كان عندى نفس المشكله وطلعت زوايا بس لازم تعملها فى التوكيل او مركز معتمد

[SHERIF2009BHIT]

الباور كويس والمسوجر يعمل وكلة تمام ومفيش اى شىء غريب فى الباور علشان كدة انا محتار بس احتمال لو فى حساس على زايا العجل ممكن ارسالة دية تتطلع

[SHERIF2009BHIT]

انا كان عندى نفس المشكله وطلعت زوايا بس لازم تعملها فى التوكيل او مركز معتمد

يا ريت حضرتك تقولى عملت الزوايا فين واتكلفت كام وشكرا

[gefoo]

انا عملتها عند الميكانيكيون العرب انا كنت ايح اعمل كشف على الجهاز عشان steering check والمهندس عملها وقاللى دى زوايا والرساله راحت واتكلفت بالكشف 80 جنيه

[Ahmed Selim]

انا عملتها عند الميكانيكيون العرب انا كنت ايح اعمل كشف على الجهاز عشان steering check والمهندس عملها وقاللى دى زوايا والرساله راحت واتكلفت بالكشف 80 جنيه

لحد 7 أو 8 شهور فاتوا كنت متابع جميع الصيانات الصغيرة فى الميكانيكيون العرب ( صيانات ال 5 ألاف ) و لحد الوقت ده مكنش عندهم جهاز ظبط زوايا أصلاً.

هل جابوا جهاز و لا ده الكلام اللى أتقالك و أنت أخدته ثقة ؟

[farahat]

المفروض الميجان دي باور كهرباء ، ودة بيكون ليه حساسين راكبين على عمود الدركسيون ، و ليه موتور كهربة راكب على علبة الدركسيون (الإسكترا ) ، و كل دة واصل على وحدة تحكم هي دي إلي بتسجل الاخطاء لو فيه حاجة من دول مش مظبوطة ،
الإحتمال التاني وهو وحدة المسوجر ، لأن المسوجر في العربية دي كهربة برضه و بيشتغل من وحدة التحكم بتاعة طقم الدوارة ،
في الحالتين العربية لازم تتحط على الجهاز و تعرف كود الخطأ عشان يتحل صح ، لأن دة جزء ماينفعش فيه فتاوي .


بالنسبة للزوايا مفيش حساسات بتقيس الزوايا ولا الحدفه ، يبقى العربية هتعرف منين انها فيها عيب زوايا ؟!!! ، لا أظن إن السبب ممكن يكون زوايا ، إلا إذا كانت مأثرة على حاجة تانية و هي دي إلي مطلعة الرسالة.

[Hany Saad]

المفروض الميجان دي باور كهرباء ، ودة بيكون ليه حساسين راكبين على عمود الدركسيون ، و ليه موتور كهربة راكب على علبة الدركسيون (الإسكترا ) ، و كل دة واصل على وحدة تحكم هي دي إلي بتسجل الاخطاء لو فيه حاجة من دول مش مظبوطة ،
الإحتمال التاني وهو وحدة المسوجر ، لأن المسوجر في العربية دي كهربة برضه و بيشتغل من وحدة التحكم بتاعة طقم الدوارة ،
في الحالتين العربية لازم تتحط على الجهاز و تعرف كود الخطأ عشان يتحل صح ، لأن دة جزء ماينفعش فيه فتاوي .


بالنسبة للزوايا مفيش حساسات بتقيس الزوايا ولا الحدفه ، يبقى العربية هتعرف منين انها فيها عيب زوايا ؟!!! ، لا أظن إن السبب ممكن يكون زوايا ، إلا إذا كانت مأثرة على حاجة تانية و هي دي إلي مطلعة الرسالة.

[gefoo]

لحد 7 أو 8 شهور فاتوا كنت متابع جميع الصيانات الصغيرة فى الميكانيكيون العرب ( صيانات ال 5 ألاف ) و لحد الوقت ده مكنش عندهم جهاز ظبط زوايا أصلاً.

هل جابوا جهاز و لا ده الكلام اللى أتقالك و أنت أخدته ثقة ؟

والله المهندس بتاع الاستقبال قاللى كده انت مبتشوفش بيعملو ايه فى العربيه والله اعلم

[د.محمود صلاح]

مش زوايا أكيد .. العربية لما كانت عندي كانت بتحدف والطارة مش في المنتصف .. ضبطت زوايا لحد ما خليت الطارة في المنتصف .

ولم تظهر عندي تلك الرسالة .

[SHERIF2009BHIT]

شكرا على الردود ان شاء الله تكون مش حاجة كبيرة هروح مركز الصيانة فى اقرب فرصة
علشان ان مضغوط فى الشغل اليومين دول وشغلى فى اسكندرية وان شاء الله الاجازة الجاية ربنا يسهل واعرف اية السبب وابلغكم ولو حد ينصحنى بمكان معين وميكونش بيعطل كتير اكون شاكر
وشكرا كتير للافادة

[Ahmed Selim]

والله المهندس بتاع الاستقبال قاللى كده انت مبتشوفش بيعملو ايه فى العربيه والله اعلم

علشان كده بقى......

حضرتك أنا كنت بقف مع العربية فى أى مكان هى فيه......حتى فى توكيل المقطم ههههههه

عموماً هما أحتمال يكونوا جابوا جهاز ظبط زوايا مؤخراً خصوصاً أنهم كانوا بيعملوا تعديلات من كام شهر.

بس انت ممكن تتأكد المرة اللى جاية أنك تسألهم لو عاوز تظبط زوايا فى ظبط عندهم و لا لأ.

شكرا على الردود ان شاء الله تكون مش حاجة كبيرة هروح مركز الصيانة فى اقرب فرصة
علشان ان مضغوط فى الشغل اليومين دول وشغلى فى اسكندرية وان شاء الله الاجازة الجاية ربنا يسهل واعرف اية السبب وابلغكم ولو حد ينصحنى بمكان معين وميكونش بيعطل كتير اكون شاكر
وشكرا كتير للافادة

يا ريت متتأخرش فى الموضوع ده علشان ده مفيهوش تهريج خالص.......ربنا يسترها معاك و مع الجميع.