كليو 2003

[M.ADEL KAMEL]

السلام عليكم ...

اذيكم ياوحوش رينو ........ايه الاخبار .... اتمنى انكم تكونوا بخير و صحة دائماً بإذن الله

للأسف انا بفكر ارجع اصدع دماغكوا و ارخم عليكم تانى... و ده ازاى ؟

انا بفكر بإذن الله تعالى انى اشترى رينو كليو من 2003 الى 2008 حسب السعر المطلوب فيها و الحالة طبعا و كنت قبلها بفكر فى الرينو ميجان 1 2001 و فعلا اتصلت بالاستاذ محمد عادل امين و الراجل مشكورا تحملنى و شرحللى كل شىْ انا عاوزه ...له جزيل الشكر و فائق الاحترام

و انا هبدأ اسئله و صداعى بدرى بدرى

1 - للأسف انا شوفت السقف لقيته فيبر هو والرفارف فعاوز اعرف دا ايه عيوبه و مش دا اكثر تأثرا بالظروف الخارجية من الصاج مثل ( طوبة واقعة مثلا - اولاد لطاف فى منتهى الادب و الاحترام يجيوا يقعدوا على سقف العربية - الحوادث لاقدر الله ...الخ )

2- ايه نظام اسعار قطع الغيار مع العلم اننى شوفت كل المواضيع المثبته الخاصة بكليو و هى للأسف قديمة

3 - سعر كشف التوكيل على السيارة كام و هل هو مأمون لأنى كنت قريت موضوع عن ان واحد كشف عن ميجان داخل التوكيل و طلعت العربية للأسف معيوبة

و شكرا للأجابة

[fadymedhat]

الرينو الكليو عربية جميلة جدا و فرنساوى و ثابتة على الطريق..أنا معايا واحدة 2004 معايا حوالى سنة..مريحانى فى كل حاجة و بعملها الصيانة فى التوكيل و العربية ذى الفل و أنا معايا كليو 2004 جميع الكماليات فابريقة بالكامل للبيع 0174942003

[M.ADEL KAMEL]

شكرا يا استاذ فادى لردك ... انا قريت اعلانك فى منتدى البيع بس انا لسه فى مرحلة التردد فعلشان كده بستفسر علشان اطمئن للعربية

[fadymedhat]

أنا كنت متردد برضه قبل ما أجيبها و كلام الناس كتير و يقولولى هات عربية تباع و تشترى بس لأنا كنت مقتنع بيها و ليا واحد صاحبى معاه واحدة جربتهاعلى الطريق جبت بيها 160 و كانت ثابتة جدا..بعدها قررت أجيب واحدة...

[chato_eg]

أكيد الفيبر إللى فى السقف ده القشرة بس....يعنى هتلاقى 2 أو 3 قضبان حديد بعرض السقف للحماية.....
الرفارف مافيهاش قلق..الميجان 2 رفارفها الأمامية فيبر...

[ramykimo]

طب ليه تراجعت عن الميجان 2000 و بتفكر فى الكليو؟ انصحك بالميجان 1

[chato_eg]

للأسف الميجان i مش منتشرة زى الكليو و ده بينعكس بالتأكيد على سهولة توافر قطع الغيار
تكلفة تشغيل الكليو أقل بكتير من الميجان...
أكيد الميجان تفرق عن الكليو فى كل حاجة...للأحسن
لكن لا أعتقد إن الميجان أحسن مرتين من الكليو و ده فرق السعر بينهم فى الزيرو
لاحظ كمان إن فى المستعمل..الشريحة السعرية إللى تجيب ميجان i ممكن يجيب كليو أجدد بكام سنة كويسين و ماشية مسافة أقل

[M.ADEL KAMEL]

كل الشكر لكل الاستاذة اللى ردوا ( أ.فادى \ أ.هانى \ أ.رامى ) انا فعلا تراجعت عن الميجان 1 للأسباب اللى رد بيها هانى بس برضه انا متخوف من موضوع السقف الفيبر و برضه ارجو التفاعل من ملاك الكليو اذا ارادوا و الرد على باقى الاستفسارات ...جزيل الشكر لكم جميعا

[M.ADEL KAMEL]

ارجو مشاركة اصحاب الكليو...مازلت انتظر الرد الشامل