الميجان مش بتدور ... حساس الكرنك حكايته أيه ؟

[ahmed1_com]

السلام عليكم
ده بصراحة أول موضوع ليا هنا بس أنا مفصص منتداكوا الرهيب ده بسم الله ما شاء الله

كنت أتمنى أول مشاركة ليا تكون في ظروف أحسن

أنا العربية زي الفل ميجان من خمس سنين عامله 62 ألف و كنت ماشي بيها النهاردة عادي جدا و ركنتها تحت الشغل الساعة 6
خرجت من الشغل بعد أربع ساعات جيت أدورها بتعمل صوت الدوارة عادي جدا بس مش بتدور...

أتصلت بميكانيكي كان في مركز الميكانكيون العرب جالى اول عباس العقاد و كشف على طرنبة البنزين لقاها شغالة عادي

و لولا صوت العربية القوي و هي بتحاول تدور كنت قلت البطارية

المهم الأخ في النهاية أستقر على حساس الكرنك و رحت جبت من النزينة مزيل صدا و قعد يرش عليه-بيقولي أنه شكله مفحم !!!!!!!!!

بس في الأخر ما دارتش :(

هو هينزل قبل صلاة الجمعة يجيب من الحرفيين حساس الكرنك و يجرب يركبه ..... على أمل أنها تدور

أنا مش عارف أعمل أيه يا جماعة العربية مركونه في مكانها و أنا بصراحة مقلق من الموضوع ده

ياريت تعرفنا عملت ايه حضرتك لانى واقع فى نفس المشكله طلع حساس الكرنك ولا ايه وكمان جبتو بكام

[amed2]

طلع أويل سييل فوق الحساس بينقط زيت خفييييف فوق الحساس ،،،، الموضوع بسيط بس بيحتاج فك الفتيسس للأسف و الحساس أتغير بس كان سليم لأن المشكله مش منه
العملية أتكلفت لا شئ قطع غيار ،،،،، بس يومين شغل في فرنش موتورز مصنعية ألف جنيه بعد الفصال زائد زيت الفتيس اللي أتحل

[أسامه الحسيني]

طلع أويل سييل فوق الحساس بينقط زيت خفييييف فوق الحساس ،،،، الموضوع بسيط بس بيحتاج فك الفتيسس للأسف و الحساس أتغير بس كان سليم لأن المشكله مش منه
العملية أتكلفت لا شئ قطع غيار ،،،،، بس يومين شغل في فرنش موتورز مصنعية ألف جنيه بعد الفصال زائد زيت الفتيس اللي أتحل

بعد اذن حضرتك الحساس دا اسمه ايه وكانت الاعراض ايه لان عندى ميجان 2006 كانت ساعات بتفصل لوحدها وامبارح كل ما ادورها تفصل وبعد كدا ما ماكنتش عاوزه تدور خالص
الاعراض صوت مارش وعداد r.p.m ميت
قعدت اعافر - اودس على الفيس - فيها لغاية لما دارت فهل دى نفس الاعراض الى كانت عند حضرتك ولا اعراض تانيه لانى بصراحه خايف تعطل منى ومعرفش ادورها تانى