رجاء الرد

[sksonia]

يا جماعه انا اشتريت عربيه ميجان هاتش باك 2 موديل 2005 وبعد ما اخدتها اكتشفت ان فى صوت فى الموتور المهم روحت للميكانيكى وهوه بيجرب وقبل ما يسمع الصوت حصلت حاجة غريبه اوى مسمار طارة الكرنك اتقطم طارة الكرنك طارت فى الشارع هيا وسير الدينامو واحنا ماشيين والعربيه وقفت مننا المهم وقطرناها لحد الورشه والراجل الصراحه طلع كويس اوى معايا هوه اسمه حمدى من اسكندريه فى الحرفيين وقالى انا عمرى ما قطرت عربيه لحد قبل كدا حتى لو لزباين عندى بس عشان المشكله دى حصلت وانا معاك قطرتها المهم سيبتلو العربيه وفك نص الموتور وكانت الصبابات ضايعه خالص راح مغير طقم صبابات و جاب خراط عشان يطلع المسمار المقطوم دا والموضوع عدى على خير وغيرنا المسمار وغيرت سيور وفلاتر والسرفيس المعتاد يعنى المهم انا كنت رايحلو عشان صوت معين قولت اكيد الصوت دا حيروح المهم طلعنا نجرب العربيه لقيت الصوت دا لسه موجود وقالى دا صوت خبط او نعره كدا فى الموتور من تحت خالص وقالى ان هيا كدا تمشيك سنه وطبعا انا مش عارف اسحب بالعربيه خالص هوه قالى متسحبش وهيا عددها 250 انا 150 بجبها بالعافيه وبكون قلقان وانا ماشى انا كان معايا بولو موديل 98 كنت بجيب بيها 160 وموتور الف سى سى طيب وال 1600 انا مش عارف اجيب بيها حاجة خالص هوه انا مش بتاع جرى اوى بس برضو اكيد بيجى وقت وعاوز تجرى شويه كدا يعنى بس انا الصراحه الصوت دا خنقنى اوى وانا كمان لسه شارى العربيه والله تانى يوم علطول روحتله بعد ما جبتها المهم انا كنت عاوز اسال على سعر الموتور حيعمل فى حدود كام وفاضى ولا كامل عاوز اعرف كل اسعاره ومنين اجيبه لو اسكندريه يعمل فى حدود وكام ولو بورسعيد يعمل فى حدود كام واكون مشكور اوى

[SoFiMaN]

طيب انت مكنتش كشفت عليها ولا ايه ؟؟
و برضه ياريت تقولنا فين حمدي ده بظبط في اسكندرية (جنب الموقف الجديد؟) و هل هو متخصص رينو ؟

[sksonia]

لا انا مكشفتش عليها انا اخدت الناس ثقه يعنى انا اخدها من دكتور فى جامعه وزوجته كمان دكتوره وعلى كلامهم هيا اللى كانت ركباها عمتا دا نصيب يعنى انا قولت لوالدى نكشف بس هوه وثق فى كلام الناس الصراحه هما كانو صرحه اوى فى كلامهم معانا وعملو البحر طحينه بس بعد كدا طلع العكس عمتا الحمد لله على كل شئ
حمدي قبل الموقف علطول فى شارع معرض ال بى ام ومتخصص رينو بس

[sksonia]

طيب انت مكنتش كشفت عليها ولا ايه ؟؟
و برضه ياريت تقولنا فين حمدي ده بظبط في اسكندرية (جنب الموقف الجديد؟) و هل هو متخصص رينو ؟

لا انا مكشفتش عليها انا اخدت الناس ثقه يعنى انا اخدها من دكتور فى جامعه وزوجته كمان دكتوره وعلى كلامهم هيا اللى كانت ركباها عمتا دا نصيب يعنى انا قولت لوالدى نكشف بس هوه وثق فى كلام الناس الصراحه هما كانو صرحه اوى فى كلامهم معانا وعملو البحر طحينه بس بعد كدا طلع العكس عمتا الحمد لله على كل شئ
حمدي قبل الموقف علطول فى شارع معرض ال بى ام ومتخصص رينو بس

[zagi]

انا رأيي تروح التوكيل اضمن لك...على الاقل تبقي ضامن فيها ايه وبعد كده عايز تصلح بره عند حد كويس يبقي ماشي...

احسن ما يجي ميكانيكي يجرب فيها وهو مش فاهم فيها ايه اصلا...

ربنا يوفقك...

[sksonia]

شكرا على ردك بس فى حاجة انته مفهمتهاش انا الميكانيكى اللى انا روحتله فاهم وكل حاجة والعيب اللى انا روحتله بيه هوه ملحقش يسمعه وحصل معانا اللى حصل دا وقالى بدل ما الموضوع يكبر ونحل الموتور كله قالى هيا تمشيك سنه بس انا عاوز اغير الموتور احسن واريح دماغى من الكلام دا كله بس عاوز اعرف سعره وكل حاجة عنه

[A.Saad]

انت مستعجل على التغيير
هتجيب مستعمل استيراد
تضمن منين انه كويس
هتجيب جديد ؟؟؟؟؟؟؟؟؟
اكشف فى التوكيل زى ما الاعضاء نصحوك وما تستعجلش

[sksonia]

يا جماعه انا مش عارف ليه انتو مش قادرين تفهمو انا الراجل اللى انا روحتلو فاهم كويس اوى فى العربيه وهوه قالى تمشيك سنه على اساس انى ما اصرفش حاجة دلوقتى هوه عارف انى لسه جايب العربيه ودافع 60000 وتانى يوم دفعت 1500 عنده فمستحرم انى اعمل حاجة دلوقتى وهوه شايف الموضوع كبير والموتور لازم يتحل كله فقالى امشى بيها سنه لحد الصوت دا ما يعلى معاك اوى وبعد كدا نعملها فا انا بقول لو تمن تصليح المكنه حيبقى قريب من تمن الموتور الجديد او الاستعمال خارج يبقى الاحسن انى اغيره طبعا وشكرا على ردودكم كلكم

[abasse]

يا عم الناس عايزين مصلحتك والله المستعمل ممكن يكون أردء من الى فيها والجديد هيعدى أوى يمكن فوق ال 20 والتصليح الى بيتقول عليه أنت متعرفش ولا الميكانيكى قالك عليه صدقنى فى التوكيل أضمن فى هناك اجهزة وناس كل يوم أيدهم فى 50 ميجان

[zagi]

يا عم الناس عايزين مصلحتك والله المستعمل ممكن يكون أردء من الى فيها والجديد هيعدى أوى يمكن فوق ال 20 والتصليح الى بيتقول عليه أنت متعرفش ولا الميكانيكى قالك عليه صدقنى فى التوكيل أضمن فى هناك اجهزة وناس كل يوم أيدهم فى 50 ميجان

دي حاجة مهمة طبعا ان بتوع التوكيل كل يوم في عدد عربيات ميجان ما شاء الله..

الحاجة التانية ان العيب ده ممكن ميكونش اصلا محتاج انك تجيب موتور...ليه تدفع في موتور وهي ممكن تبقي حاجة تانية ارخص وتخليك بموتورها بتاع المصنع...بلاش تستعجل على التغيير...

وحط في اعتبارك حاجة...مهما لقيت موتور كويس وميكانيكي احسن علشان يركبه...برضو مش هتبقي زي المتقفلة في مصنعها و جايلك...

طبعا انت حر في الاول والاخر...بس انت بتحافظ على فلوس كتير بشوية فلوس قليلين...

[Ahmed Selim]

طيب أنت واثق فى الميكانيكى.....و دى حاجة كويسة.

أصبر شوية على موضوع التغيير ده و حاول تشرح لينا الصوت أكتر بيظهر أمتى و عامل أزاى ؟

و لو عرفت تسجله و ترفع الملف بيقى أحسن.