لمبة الزيت منورة على طول- كليو 2005

[mohamedbadwy]

السلام عليكم يا شباب

عندى مشكلة بقالها 3 أيام مجننانى - لمبة الزيت منورة عندى حتى بعد تدوير المحرك - رحت للميكانيكى وشيك بالكمبيوتر على السنسورات (خصوصا حساس ضغط الزيت ) بس كان كله تمام - قالى يمكن تكون كتاوت أو طلمبة الزيت مش شغالة كويس .

يا ترى عندكوا حل و كام سعر الطلمبة والكتاوت؟؟

شكرا جزيلا

[HeroNine]

مكن تكون طلمبة الزيت فعلا بس الاول غير فلتر الزيت وعلشان تعرف الطلمبة او لا بتشوف التكهات بيوصلها زيت ولا لاءة
والافضل انك ماتمشيش عليها لغاية ما تعرف فيها ايه
وان شاء الله خير

[ramy_gamal]

بس حضرتك متتاخرش على المشكله دى لانها ممكن تعملك مشاكل

[mohamedbadwy]

شكرا يا شباب على الرد . الميكانيكى غير الزيت مع انى لسة مغيره من اسبوعين بيقول يمكن دخل معاه مياة بس لسة اللمبة منورة وكمان شاف وصول الزيت للتاكيهات وده معناة ان مفيش مشكلة فى الطلمبة . اخر حاجة قالى يمكن يكون ماس لأنى وانا ماشى واجى اضرب فرامل اللمبة تقوط مطفية . يا ترى فى حاجة تقدروا تقولو لى عليها .

[ramy_gamal]

راجع على الفيوزات كلها يمكن فيها مشكله

[medohai510]

أن شاء الله بسيطة وأعتقد أنه ماس في سلك اللمبة أو في الطابلوة

[mohamedbadwy]

الحمد لله المشكلة اتحلت . كان السلك الى واصل لساعة الزيت مجروح وعريان فده اللى كان مخلى المبة على طول منورة بس الحمد لله دلوقتى تمام