لمبة الايرباج نورت مرتين و طفت

[hamadabo]

السلام عليكم
انهاردة اول مرة من ساعة ما جبت العربية في 2008 جربت اني اسوقها على المانويال بدل الاوتوماتيك و كنت مستمتع جدا باداء العربية بس للاسف حصلتلي حاجة نكدت عليا لمبة الايرباج نورت مرة و طفت و شوية و نورت كمان مرة و طفت و كل مرة كان الكمبيوتر بيقولي check airbg حد يقولي ميجو مالها ...؟؟؟

[ecybrarian]

بص يا باشا..الاحتمال الاسهل تكون الفيش تحت الكراسي اتهزت وفكت فكة صغيرة..والاحتمال الارخم يكون شريط ايرباج..شريط الايرباج بيعمل بتاع 1500 وشوية فكة لو عربيتك فيها مثبت سرعة..اعراض شريط الايرباج إنك تسمع صوت تكتكة وانت بتلف الطارة..وشريط الايرباج دا بيجي مع الدراعات بتاعة المساحات والنور..بس من غير دراع التحكم في الكاسيت

[hamadabo]

بالزبط كدا انا بسمع صوت تكتكة و انا بلف الطارة الكلام ده بقاله كام يوم بس يا ترى ايه اللي خلاه يتقطع اصلا و كمان انا معنديش مثبت سرعة ...

[ecybrarian]

شريط ايرباج استيراد بيعمل حوالي 500 جنيه (اكتر او اقل) وخللي بالك تكون متأكد إن طالع من عربية علشان ممكن يكون متصلح..جديد مش عارف يعمل كام الصراحة!!! بس في ناس كتير في النقطة دي بالذات بتفضل الجديد

بص على الموضوع دا كدا http://www.nilemotors.net/Nile/83498-a.html

[hamadabo]

الف الف شكر يا باشا انا استلمت العربية انهاردة من التوكيل و فعلا زي ما قلت بالزبط كا شريط الايرباج ... ههههه
حتى انا مدتش فرصة للمهندس اللي هناك يقول حاجة قولتله المشكلة و حلها ,,, و فعلا غير القطعة بالكامل زي الصور اللي في اللينك اللي انت اتفضلت بيه و تمنه هنا جديد (1700ريال) بس الحمد لله انا لسه على الضمان ,,, الف شكر مرة كمان

[ecybrarian]

الف مبروك عليك الشريط الجديد..وتدوبهم في عرق العافية :-)

[midohits]

انا فاصل عندي برده بس سايبه عادي مش مضايقني في حاجة

[ecybrarian]

انا فاصل عندي برده بس سايبه عادي مش مضايقني في حاجة

طب ماتلغيها افضل من قلق نور التحذير إللي على طول في التابلو..اي حد بتاع كمبيوتر ممكن يلغي ايرباج السواق وبالتالي لمبات التحذير مش هاتنور تاني..بس الافضل طبعا دا إنك تغيرها او على الأقل تصلحها

[hamadabo]

ربنا يبارك فيك يا باشا ،، بس القصة مش اني افصله القصة اني مبحبش العربية يكون فيها حاجة مش تمام كمان الواحد ميعرفش ربنا كاتله ايه ،، العربية بتقدملنا نظام امان دفعنا تمنه لما اشتريناها و بعد كدا نستغنى عنه و كمان بتاع السواق ... ربنا يسترها معانا كلنا ... مرة تانية الف شكر

[ecybrarian]

ربنا يبارك فيك يا باشا ،، بس القصة مش اني افصله القصة اني مبحبش العربية يكون فيها حاجة مش تمام كمان الواحد ميعرفش ربنا كاتله ايه ،، العربية بتقدملنا نظام امان دفعنا تمنه لما اشتريناها و بعد كدا نستغنى عنه و كمان بتاع السواق ... ربنا يسترها معانا كلنا ... مرة تانية الف شكر

حضرتك كلامك صح 100%..فعلا الامان اهم حاجة في العربية

[osamasindbad1]

لما اشتريت العربيه من 3 شهور صاحبها قاللي انه فاصل شريط الايرباج لانه محتاج يتغير بس ما اخدتش في بالي اوي النقطه دي لكن واضح انه مهم عشان كده الايرباج مش شغاله يبقى لازم اغيره واركب جديد بس انا كنت اتمنى اني اركب متثبت السرعه بالمره هل ده ممكن ولا ها يكون مكلف زياده عن اللزوم ولو اشتريت شريط الايرباج استيراد افضل مكان بيبيع استيراد فين غير الحرفيين