اخيرا استلمت الفلوينس le+2

[bukla]

الله ينور عليك كدة نقدر نحصر الاختلافات كالتالى
المصرى فيها كل اللى قولتة ماعدا الاختلافات الاتية
مخدع رأس أمامية القابلة لضبط الارتفاع لأعلى/لأسفل (تزيد ضبط اضافى امالة للامام و الخلف)
إنذار لربط حزام الأمان السائق ( تزيد حساس وزن للكرسى المجاور للسائق بيدى انذار لربط حزام الامان )
إضاءة أتوماتيكية للكشافات الأمامية (تزيد اضائة زينون تلقائية التوجية حسب درجة ارتفاع او انخفاض مقدمة السيارة)
تكيّيف هواء أوتوماتيكي ثنائي المناطق مزود بفلتر مزدوج (تزيد مبرد لصندوق التابلوة)
رفع وخفض النوافذ الأمامية أوتوماتيكيا (بخاصية منع الانحصار + الثبات) + نوافذ خلفية كهربائية (ثبات) + قفل أمان الأطفال للأبواب (دى مش فاهمها "خاصية منع الانحصار + الثبات" علشان كدة مش عارف اذا كانت موجودة ولا لأ)
المرآة الداخلية للرؤية الخلفية مانعة للإبهار (دى مش موجودة)
ضبط كهربائي لمقعد السائق مع دعامة للفقرات القطنية (ضبط الكرسي يدوي مع وجود الدعامة للفقرات القطنية)
الراديو مع 4 سماعات 45 واط مع CD، وMP3، وتقنية الاتصال Bluetooth®، وهوائي مزدوج، مع النظام الصوتي Premium Bose® (من الصور اعتقد انهم 6 سماعات زى المصرى "توجد سماعتين على التابلوة" ولا يوجد النظام الصوتي Premium Bose)
وصلة Plug and Music (قابس/USB) (لا يوجد USB)
عجلات من الألومنيوم 17 بوصة (لا توجد اكبر مقاس 16 بوصة)
بالاضافة الى ان المصرى بتنزلش بفرش بيج و الارقام فى عداد السرعة فردى مش زوجى
و ادى الصور بتاعتك بحجمها الطبيعى

[shereif_sayed]

الله ينور عليك كدة نقدر نحصر الاختلافات كالتالى
المصرى فيها كل اللى قولتة ماعدا الاختلافات الاتية
مخدع رأس أمامية القابلة لضبط الارتفاع لأعلى/لأسفل (تزيد ضبط اضافى امالة للامام و الخلف)
إنذار لربط حزام الأمان السائق ( تزيد حساس وزن للكرسى المجاور للسائق بيدى انذار لربط حزام الامان )
إضاءة أتوماتيكية للكشافات الأمامية (تزيد اضائة زينون تلقائية التوجية حسب درجة ارتفاع او انخفاض مقدمة السيارة)
تكيّيف هواء أوتوماتيكي ثنائي المناطق مزود بفلتر مزدوج (تزيد مبرد لصندوق التابلوة)
رفع وخفض النوافذ الأمامية أوتوماتيكيا (بخاصية منع الانحصار + الثبات) + نوافذ خلفية كهربائية (ثبات) + قفل أمان الأطفال للأبواب (دى مش فاهمها "خاصية منع الانحصار + الثبات" علشان كدة مش عارف اذا كانت موجودة ولا لأ)
المرآة الداخلية للرؤية الخلفية مانعة للإبهار (دى مش موجودة)
ضبط كهربائي لمقعد السائق مع دعامة للفقرات القطنية (ضبط الكرسي يدوي مع وجود الدعامة للفقرات القطنية)
الراديو مع 4 سماعات 45 واط مع cd، وmp3، وتقنية الاتصال bluetooth®، وهوائي مزدوج، مع النظام الصوتي premium bose® (من الصور اعتقد انهم 6 سماعات زى المصرى "توجد سماعتين على التابلوة" ولا يوجد النظام الصوتي premium bose)
وصلة plug and music (قابس/usb) (لا يوجد usb)
عجلات من الألومنيوم 17 بوصة (لا توجد اكبر مقاس 16 بوصة)
بالاضافة الى ان المصرى بتنزلش بفرش بيج و الارقام فى عداد السرعة فردى مش زوجى
و ادى الصور بتاعتك بحجمها الطبيعى

الله ينور عليك يا باشا الفروقات كده وضحت و طبعا اهم الفروقات الماكينه نفس التيدا و الجير نيسان cvt و انا كده مش عارف بقى لو جبتها هينفع اعمل صيانه ليها فى مصر بعد ما انزلها و لا لا ياريت لو حد يفيدنى فى الموضوع ده

[Hany Saad]

[QUOTE=bukla;3873126875]

رفع وخفض النوافذ الأمامية أوتوماتيكيا (بخاصية منع الانحصار + الثبات) + نوافذ خلفية كهربائية (ثبات) + قفل أمان الأطفال للأبواب (دى مش فاهمها "خاصية منع الانحصار + الثبات" علشان كدة مش عارف اذا كانت موجودة ولا لأ)


الشبابيك الأمامية كهرباء ONE TOUCH + ANTI PINCH أما الشبابيك الخلفية فهى كهرباء فقط...نفس الأوبشن الموجود فى مصر.......ANTI PINCH يعنى لو قابلت أى عائق فى طريق صعودها (زى يد الراكب مثلا) و للأمان بتنزل و بعدين ترجع تطلع مرة أخرى على ميكون شال إيده......

الراديو مع 4 سماعات 45 واط مع CD، وMP3، وتقنية الاتصال Bluetooth®، وهوائي مزدوج، مع النظام الصوتي Premium Bose® (من الصور اعتقد انهم 6 سماعات زى المصرى "توجد سماعتين على التابلوة" ولا يوجد النظام الصوتي Premium Bose)

طبعا النظام الصوتى من BOSE يعتبر من أحسن الأنظمة السمعية فى العالم...و ده لا يقارن بأى نظام سمعى أخر.....لاحظ أيضا إن قطر السماعات أكبر بكثير من مثيلاتها فى مصر و ده لوحده (بغض النظر عن كونها BOSE) كفيل بإعطاء تجربة سمعية رائعة.......

وصلة Plug and Music (قابس/USB) (لا يوجد USB)
عجلات من الألومنيوم 17 بوصة (لا توجد اكبر مقاس 16 بوصة)

جنوط 17 ممكن متكنش من أفضل الأختيارات للطرق المصرية علشان المطبات الصناعية و الحفر.....لاحظ أن BY DEFAULT طالما العربية نزلت جنوط 17 يبقى أكيد معملوها SPORT TUNNING يعنى مساعدين أوطى و أنشف...و ده معناه ثبات و تحكم رهيب على السرعات العالية و لكن يقابله إحساس عالى بالمطبات و الحفر....
بالاضافة الى ان المصرى بتنزلش بفرش بيج و الارقام فى عداد السرعة فردى مش زوجى

عداد السرعة الفردى معناه إن السياره مواصفات أوروبية و ده اللى عرفته أخر مرة فى أوروبا...داخل البلد السرعة القصوى 50 و ليس 60 و على الطرق السريعة السرعة القصوى 110 و ليس 100 كما هو الحال لدينا....يعنى هما بيستخدموا السرعات الفردية لديهم......

للأمانة شكل الشبكة الأمامية مع بادج رينو مخليها ميالة أكتر للمدرسة الكورية (سامسونج) و ليس الفرنسية زى الموديلات اللى نازلة مصر.......

[zangry]

حاجة كمان احب اضيفها بعد اذنكم طبعا ,, الخليجى مافيهاش مثبت سرعة فى جميع الفئات حتى اعلى فئة مافيهاش ,, وفى مصر اسمع انها موجودة فى كل الفئات

[shereif_sayed]

مافيش حد يا جماعه يعرف يفدنا فى لموضع صيانه الخليجى فى مصر و لالا

[tarek_rcc]

حاجة كمان احب اضيفها بعد اذنكم طبعا ,, الخليجى مافيهاش مثبت سرعة فى جميع الفئات حتى اعلى فئة مافيهاش ,, وفى مصر اسمع انها موجودة فى كل الفئات

بعد أذن حضرتك مثبت السرعة موجود فقط للسيارة الفلوينس اللى سعة الموتور 2000 سم3 وغير موجود للسيارة سعة الموتور 1600سم3

[tarek_rcc]

مافيش حد يا جماعه يعرف يفدنا فى لموضع صيانه الخليجى فى مصر و لالا

بالفعل ياريت الأخ Meggieboy او اخوى bukla يفيدنا بالنقطة دى لاهميتها بعدين ...
وبعدين الخلاصة ...
يعنى ارجع ابيع السيارة تانى ولا اية ؟؟ انتوا عقدتونى منها كدة وخصوصا Meggieboy عقدنى من السيارة خالص
ملحوظة : الوكالة عاملة الاتى لعملاء رينو :
1- خدمة مجانية 30000 كم او عامان ايهما اقرب.
2- رقم مساعدة على الطريق 24 /7 ونش للانقاذ ( للاعطال لا قدر الله) .
3- ضمان اعادة الشراء ( بجدول 50% من السعر بعد 3 سنوات ) .
4- خدمة صيانة الطريق بالجوال ( الاتصال وهم يرشدوك حتى تصل للدايلر ) .
5- ضمان شامل للسيارة100000 كم او ثلاث سنوات ايهما اقرب

[Elsarrawy]

مافيش حد يا جماعه يعرف يفدنا فى لموضع صيانه الخليجى فى مصر و لالا

توكل على الله وهاتها العربية كويسة جداً وموتورها اقوى من الموجود في الفلوانس الي في مصر (118 حصان الخليجي مقابل 110 حصان المصري)

وبالنسبة للصيانة ممكن تعملها عند مركز معتمد زي الميكانيكيون العرب وفرنش موتورز

لكن لا قدر الله لو حاجه محتاجة تتغير هاتضطر تشتريها لأن مالهاش ضمان هنا ودا احتمال ضعيف طبعاً

وبالنسبة لأجزاء الموتور والفيتس فإن مالاقتهاش عند بتوع الرينو فان شاء الله هاتلاقيها عند بتوع النيسان

وربنا يوفقك في الصالح ليك

[M.Moustafa]

مبروك عليك العربية وان شاء الله تستمتع بيها ولا ترجع العربية ولا حاجة، انا عملت زي حضرتك كده من 5 سنين واشتريت ميجان من الرياض الكلام ده سنة 2006 قعدت بيها سنتين الحمد لله كل الحاجات اللي كانت محتاجه تتغير او تتظبط عملتها في التوكيل في السعودية قبل ما انزل ولما نزلت مصر ما كنتش بعمل اكتر من الصيانة العادية وعند مركز صيانة معتمد من رينو ولما عملت حادثة في مصر دخلتها التوكيل عادي جدا وغيروا الحاجات اللي فيها.

كل واحد بيشتري حسب احتياجاته يعني انا لما اشتريت الميجان كنت عارف ان فيه اوبشن كتير مش موجوده ولما هنزل هتبقى سعرها اغلى من اللي في مصر بس انا كنت عايز في الاول والاخر اركب حاجة زيرو، وحضرتك عملت نفس الحكاية فبالتالي استمتع بالعربية ولما تنزل هتعمل حاجة من اتنين يا اما هيكون في كذا عربية زي عربيتك نزلت مصر وبالتالي التوكيل هيبدا يجيبلها قطع غيار، او هتعملها صيانة في مراكز معتمدة لرينو وهتشتري قطع غيار التيدا عشان تركب عليها طبعا ده في حالة انك بتعمل حاجة في الموتور اما باقي تفاصيل العربية ككهربا وحاجات استهلاكية تيل فرامل وبوجيهات وغيره والكمبيوتر فده معرفش ايه نظامه.

مبروك كمان مرة يا باشا ويا ريت نعرف نشوفك لو جيت جدة

[Hany Saad]

بالفعل ياريت الأخ Meggieboy او اخوى bukla يفيدنا بالنقطة دى لاهميتها بعدين ...
وبعدين الخلاصة ...
يعنى ارجع ابيع السيارة تانى ولا اية ؟؟ انتوا عقدتونى منها كدة وخصوصا Meggieboy عقدنى من السيارة خالص
ملحوظة : الوكالة عاملة الاتى لعملاء رينو :
1- خدمة مجانية 30000 كم او عامان ايهما اقرب.
2- رقم مساعدة على الطريق 24 /7 ونش للانقاذ ( للاعطال لا قدر الله) .
3- ضمان اعادة الشراء ( بجدول 50% من السعر بعد 3 سنوات ) .
4- خدمة صيانة الطريق بالجوال ( الاتصال وهم يرشدوك حتى تصل للدايلر ) .
5- ضمان شامل للسيارة100000 كم او ثلاث سنوات ايهما اقرب

أستاذ طارق....أسف جدا لو كان كلامى ضايق حضرتك أو كان له تأثير على قرارك بالشراء أو الإستمتاع بالعربية....


لاحظ الأتى إنى بحب جدا جدا الفرش الداخلى البيج و كنت وضحت كتير قبل كده إنى نفسى التوكيل فى مصر يجيبها بفرش داخلى بيج.......

كمان حضرتك عندك نظام سمعى من Bose و ده من أجود إن مكنش بالفعل أجود الأنظمة السمعية فى العالم........

الجنط ال17 شكله أجمد بكتير و لكن كل الوكلاء فى مصر من بعد الجيتا و الفانتازيا و السيراتو ووو....إتعلموا يجيبوا لمصر أقصى حاجة جنط 16 علشان إحساس المطبات و الحفر و العفشة الناشفة و لكن ده أمره سهل جدا إن شاء الله لما ترجع مصر و تستقر بالسلامة تبقى تغير أربع جنوط 16 و بعديها بشوية تغير 2 مساعد أمامى و تبقى العربية اللى معاك زى الفل بالنسبة للطرق المصرية.......

طبعا شكل الشبكة مع البادج ده إنطباع شخصى بحت و ليس له أى علاقة من قريب او بعيد بجودة أو شياكة العربية...ده غير إن فيه كتير ممكن يشوفوه عكس ما أنا شوفته...دى مسألة أذواق شخصية.....

أسف مرة أخرى...أنا كنت بقول رأى بمنتهى الحيادية و الشفافية و مكنتش أقصد خالص إنك تقفل من العربية أو أى شىء.....

مبروك مرة أخرى و ربنا يديك خيرها و يكفيك شرها.....

[tarek_rcc]

مشكورين جدا جميع الأخوة الكرام وخصوصا الاخ الكريم M.Moustafa و اخى الكريم Meggieboy ... وبالطبع الاسطورة bukla
وبخصوص الاخ شريف shereif_sayed ربنا يوفقك وتختار الاصلح ...
بس نصيحة لو هاتنزل مصر خلال 3 سنوات نهائى ( ( فترة الضمان من الوكاله) اشترى من مصر ...
ولو هاتنزل بعد 3 سنوات يبقى هات من هنا ( الكويت اقصد) لان الوكاله بصراحة ممتازة ( تغيير اى شىء بالسيارة خلال ال3 سنوات مهما كان طالما عيوب صناعة ) وكمان موضوع السعر اظن سعرها عندكم كاش بحوالى 5000 دينار ( سهلة تجيبها ههههه) . بس بمصر سعرها 165000 جنية على ما اظن ....
كمان ازيدك من الشعر بيت( التقسيط هنا بفائدة 3% فقط ( ثلاثة بالمائة ) ) يعنى تقسيط بسعر الكاش ...
وربنا يوفقك للاصلح مرة ثانية

[shereif_sayed]

توكل على الله وهاتها العربية كويسة جداً وموتورها اقوى من الموجود في الفلوانس الي في مصر (118 حصان الخليجي مقابل 110 حصان المصري)

وبالنسبة للصيانة ممكن تعملها عند مركز معتمد زي الميكانيكيون العرب وفرنش موتورز

لكن لا قدر الله لو حاجه محتاجة تتغير هاتضطر تشتريها لأن مالهاش ضمان هنا ودا احتمال ضعيف طبعاً

وبالنسبة لأجزاء الموتور والفيتس فإن مالاقتهاش عند بتوع الرينو فان شاء الله هاتلاقيها عند بتوع النيسان

وربنا يوفقك في الصالح ليك

الف شكر يا باشا على التوضيح و الافاده دى و ان شاء الله بستخير و بعدين اخد القرار

[shereif_sayed]

مشكورين جدا جميع الأخوة الكرام وخصوصا الاخ الكريم m.moustafa و اخى الكريم meggieboy ... وبالطبع الاسطورة bukla
وبخصوص الاخ شريف shereif_sayed ربنا يوفقك وتختار الاصلح ...
بس نصيحة لو هاتنزل مصر خلال 3 سنوات نهائى ( ( فترة الضمان من الوكاله) اشترى من مصر ...
ولو هاتنزل بعد 3 سنوات يبقى هات من هنا ( الكويت اقصد) لان الوكاله بصراحة ممتازة ( تغيير اى شىء بالسيارة خلال ال3 سنوات مهما كان طالما عيوب صناعة ) وكمان موضوع السعر اظن سعرها عندكم كاش بحوالى 5000 دينار ( سهلة تجيبها ههههه) . بس بمصر سعرها 165000 جنية على ما اظن ....
كمان ازيدك من الشعر بيت( التقسيط هنا بفائدة 3% فقط ( ثلاثة بالمائة ) ) يعنى تقسيط بسعر الكاش ...
وربنا يوفقك للاصلح مرة ثانية

انا فعلا السياره عجبانى اوى و ده ممكن يخلينى اتغاضى عن كل ده و اجيبها و خصوصا ان الكفاله عليها عرض فى الكويت 10 سنين و الغريب ان الوكيل بيقولى الكفاله ساريه فى كل الخليج و كمان مصر عن طريق شركه وسيطه بينهم و بين التوكيل فى مصر و على فكره يا استاذ طارق فعلا سعرها الفول هنا 5000 دينار بس انا مستنى الدفعه الجديده الى جايه لان الوكيل حاليا مافهوش غير العاديه

[POP2000]

الف مبروووووووك

ربنا يديك خيرها و يكفيك شرها انا لسه شايفها في المعرض امبارح بجد حكايه و تستاهل كل قرش يندفع فيها

[tarek_rcc]

ربنا يديك خيرها و يكفيك شرها انا لسه شايفها في المعرض امبارح بجد حكايه و تستاهل كل قرش يندفع فيها

الله يبارك فيك اخى الكريم ...
انا شفت انك من الرياض ....انت رحت المعرض اللى بطريق خريص ؟؟؟؟
لو هو بالله عليك عايز اعرف سعرها كام دلوقتى لانى سمعت انها زادت 5000 ريال من اول شهر ديسمبر وبقت ب 70500 ريال
هل الكلام دة صحيح ؟؟؟