إعادة تشغيل مثبت السرعة في ميجان ii: تقرير بالصور

[ecybrarian]

الله يبارك فيكم جميعا..والله احرجتوني بذوقكم

يتبقى التكلفة

قولنا الاسعار ايه

التكلفة برضه حتى و لو تقريبية :)

التكلفه بالتقريب كده كانت في حدود كم

التكلفة تقريبا أكثر أو اقل:
طارة بزراير المثبت والايرباج = 2200 استيراد جلد اسود (انت وشطارتك في الفصال)
شريط ايرباج = استيراد 800 وجديد 1550
زرار تشغيل مثبت+طبة + وش = حوالي 500 جنيه جديد
لو جبتهم على مراحل بيحسسك إن المبلغ مش كتير..وممكن ماتتجبش الطارة ونعمل دايرة زراير (إللي في الطارة) خارجية نلزقها في الباغ إللي حوالين عمود الدريكسيون..وهايشتغل المثبت برضة..(موجود تفاصيل الموضوع دا على النت بكثرة) لكني سمعت (يعني مش متأكد) إن في بعض الأحيان لو تم تشغيل المثبت من غير الايرباج بتاعته لمبة السرفس هاتنور..أنا شخصيا افضل الشغل الأصلي

انا ماليش في الرينو انا هيونداوي بس عجبني التقرير و الفكرة ربنا يباركلك يا معلم

أجدع ناس بتوع الهيونداي..أنا عن نفسي بحب الإلنترا (بالذات الخليجي) عن السيراتو

هشام باشا
التقرير فوق الممتاز وهايفيد ناس كتير جدأً

انا مش عاوز اقولك المثبت دا روعة في الميجان ومهم جداً في السفر لأني المرة الوحيدة الي سافرت فيها وشريط الايرباج مقطوع وكنت واخد شريط ايرباج بدون مثبت مؤقتاً علشان اشغل الايرباج وعلشان مش بحب لمبة السرفيس منورة قدامي اتاخدت مخالفتين رادار ورا بعض لعدم وجود المثبت الي اتعودت عليه

دا طبعاً غير تعليقة الرجل على الاكسراتير

فعلاً الميجان الي بدون مثبت بيبقى ناقصها حاجة مهمة جداً

والجميل في الموضوع ان الميجان مجهزة بحيث يركب عليها كمياليات كتير اضافية زي المثبت ومرايات التعتيم وحساس ضغت الاطارات وحساس الرجوع للخلف وغيرها عكس عربيات تانية مشهورة جداً ومنشرة (لا داعي لذكر اسمها) مش بينفع يركب عليها اي حاجة طالما مش نازلة بيها


بالمناسبة صحيح هو انت الي اشتريت الطارة البيج بالمثبت من صقر قريش الاسبوع الي فات؟؟؟

لو انت انا عرفت اشترتها بكام بس هي تستاهل فلوسها لأنها نادرة علشان اللون البيج والمثبت

عموماً الف مبروك على المثبت والف شكر على التقرير الممتاز

والله حضرتك من الناس إللي بتشجع على الشغل في ميجان وخصوصا موضوع تغير الصدر (الفوانيس والأكصدام)..الحقيقة أنا نزلت أكتر من مرة صقر قريش ومش عايز اقول لك على التنطيط وشغل التعزيز إللي بيعملوه علي هناك بصراحة الشيخ جمال في الحرفيين (الله يبارك له) هو الوحيد إللي كان مباشر معي ووفر لي الطارة بالشريط..يس للأسف طلعت سودا وأنا قعدت سنة بادور ومصمم على البيج لدرجة إني كنت خلاص هاجيبها من تركيا أو رومانيا..بس المهندس خالد الزيني عمل كام تليفون كدا وقالي موجودة قولت له عايزها وجابها لي حتى من غير ما ادفع فلوسها (أنا اصلي زبون ثقة عنده) بس سبت له 200 جنيه تأكيد كلام..بس أنا مش عارف جابها من اين؟؟؟؟؟

تقرير أكثر من رائع , شكرا ليك ..
انا عندي نفس الوضع اللي عندك بالضبط الطارة البيج وكنت عايز اسألك جبت الطارة من فرنش موتورز ولا من مكان ثاني ؟؟ لأني كنت دخت عليها في الحرفيين من فترة مش لاقي الطارة اللي بمثبت .
انا لقيت عندي الضفيرة بس عايز اجيب باقي القطع , من التوكيل ولا منين ؟؟
وشكرا

[COLOR="rgb(75, 0, 130)"]باقي القطع ممكن من التوكيل أو اي مركز معتمد وممكن استيراد (لو لقيتها)..واضح إن المهندس خالد (فرنش موتورز) كلم ناس بتوع استيراد..بس طبعا هو له دلال عليهم ومش بيعملوا فيه الحركات إللي عملوها في أنا..عموما واضح إن الاستاذ Elsarrawy له سكة هناك احسن مني..اسأل في الاستيراد الأول[/COLOR]

[Elsarrawy]

والله حضرتك من الناس إللي بتشجع على الشغل في ميجان وخصوصا موضوع تغير الصدر (الفوانيس والأكصدام)..الحقيقة أنا نزلت أكتر من مرة صقر قريش ومش عايز اقول لك على التنطيط وشغل التعزيز إللي بيعملوه علي هناك :h_angry[1]: بصراحة الشيخ جمال في الحرفيين (الله يبارك له) هو الوحيد إللي كان مباشر معي ووفر لي الطارة بالشريط..يس للأسف طلعت سودا وأنا قعدت سنة بادور ومصمم على البيج لدرجة إني كنت خلاص هاجيبها من تركيا أو رومانيا..بس المهندس خالد الزيني عمل كام تليفون كدا وقالي موجودة قولت له عايزها وجابها لي حتى من غير ما ادفع فلوسها (أنا اصلي زبون ثقة عنده) بس سبت له 200 جنيه تأكيد كلام..بس أنا مش عارف جابها من اين؟؟؟؟؟

هشام باشا اصل بتوع الرينو في صقر كتير جداً وناس كتير بتسأل كل المحلات وماتشتريش فهما مخنوقين من كتر الاسئلة بدون بيع دا غير انهم بينافسوا بعض جامد وكمان الي عنده حاجة وعارف انها مش موجوده عند باقي المحلات بيرفع سعرها في السما

بص عموماً لو في حاجة عاوزها من صقر قولي انزل معاك او اسالك عليها انا كده كده بعدي عليهم من على الطريق كل يوم وانا راجع من الشغل

بالنسبة للشيخ جمال فدا انسان محترم جداً وبشوش قوي وبيسهلك كل حاجة حتى لو معقدة ونادراً لما تلاقي زيه دلوقت وكمان هو متعاون جداً حتى لو مش هاتشتري من عنده حاجة لدرجة انه ممكن يقلوك تروح لمنافسيه علشان تشتري منهم احسن

فعلاً ما فيش حد كده دلوقت

[ecybrarian]

يا باشا متشكرين جدا..وفعلا لو احتجت حاجة حاجة هابقى اقول لك أول واحد إن شاء الله

[megane_man]

ممكن تليفون الشيخ جمال وخالد الزيني

[ecybrarian]

الله ينور عليك أحييك على جرأتك وألف مبروك على المثبت

الله يبارك فيك..دي المفاجأة إللي كنت قولت لك عليها...

[chato_eg]

ألف مبروك و شكرا على التقرير الأكثر من وافى

[ecybrarian]

ممكن تليفون الشيخ جمال وخالد الزيني

على الخاص يا باشا

ألف مبروك و شكرا على التقرير الأكثر من وافى

الله يبارك فيك يا فنان..

[Migo123]

يا باشا نسيت اهم حاجه في التقرير .... انت حاسس بفرق بعد ماركبت المثبت ... يعني الموضوع يستاهل ولا مش هنستخدمه في الاخر ؟؟؟

[ecybrarian]

يا باشا نسيت اهم حاجه في التقرير .... انت حاسس بفرق بعد ماركبت المثبت ... يعني الموضوع يستاهل ولا مش هنستخدمه في الاخر ؟؟؟

بص يا باشا..علشان ابقى موضوعي لازم اجرب على طريق سفر..أنا جربته على الدائري وكنت مبسوط بيه (يمكن علشان جديد..إحداث بقى :-))))) بس في الحقيقة كنت كل شوية بادوس فرامل علشان البهوات إللي ماشيين على 60 على الدائري..إن شاء الله مع أول سفر هاعمل تقرير...

أما عن الموضوع يستاهل..الحقيقة أنا مش واخد الموضوع إنه تشغيل مثبت فقط، وإلا يبقى غالي جدا جدا جدا..أنا واخد الموضوع إنه تطوير للايرباج وشريط الايرباج..كدا كدا الحاجات دي غالية..لكن لو مثبت فقط كنت عامل دايرة الزراير والصقها على باغة عمود الدريكسيون

[Migo123]

يا باشا الف مبروك على على التعديل يا باشا
امبارح كنت ماشي على الدائري وبحاول التزم بالسرعه القانونيه .... الموضوع كان صعب جدا عربيات بتعديني من الشمال وعربيات من اليمين و اللي يجي ورايا ويضرب النور العالي ويقلب ... وفي الاخر قررت اني اخد سرعه الطريق واكبر دماغي واللي عايز يصور ردار يصور بقه واديتها بقه 130 و ريحت دماغي .... بس انا متخيل ان المثبت على الدائري مش هيبقى عملي خالص ... وهل الاكسلاريشن بعد ما تدوس فرامل سريع ولا العربيه بترجع للسرعه المحددة براحتها قوي ؟؟؟

[ecybrarian]

الحقيقة التسارع للوصول للسرعة المثبته سريع جدا بطريقة تخلليك تتخض على ماتاخد على كدا

[osamasindbad1]

..لكن لو مثبت فقط كنت عامل دايرة الزراير والصقها على باغة عمود الدريكسيون. ممكن تشرح لنا ايه اللي ها يقل في التكلفه الطاره مش محتاجه تتغير صح وشريط الايرباج ولا لازم يتغير ثانيا الشكل العام للعربيه مش ها يبقى وحش ولا مش ها يظهر يعني برضه ما تبقاش حاجه راكبه بشكل ظاهر انها ملزوقه ياريت توضيح يا استاذ هشام ماهو انت بقى اللي جبته لنفسك وشكلنا ها نصدع لك دماغك ياريت تستحملنا

[ecybrarian]

بص يا باشا..دا موضوع تاني..بس اوعدك اعمل الدايرة واعمل بها موضوع في يناير إن شاء الله..اما عن التكلفة فهي هاتقل جدا..على الأقل 3000 جنيه بتوع الطارة والايرباج وشريط الايرباج

[Col. Eng. Khaled]

هل الاكسلاريشن بعد ما تدوس فرامل سريع ولا العربيه بترجع للسرعه المحددة براحتها قوي ؟؟؟

الحقيقة التسارع للوصول للسرعة المثبته سريع جدا بطريقة تخلليك تتخض على ماتاخد على كدا

كأنك عملت "كِكداون" فجأة

و لو العربية نازلة منزل "تلم" لوحدها على قد السرعة المحددة ، لو في مطلع بتعوّض و تزوّد لوحدها

أمّا لو مطلع و العربية محمّلة فبتعوض كأنك عامل ككداون على قد إستعواض فرق السرعة .

[ecybrarian]

يا قائد يا كبيرنا...وفرت علي مشوار سفر :-)))))