وحش جديد

[Hady]

أعزائي كل وحوش الرينو
أخيرا و بعد رحلة بحث طوييييييييييييلة للبحث عن ميجان تكون حالتها A1
الحمد لله ربنا وفقني و اشتريت عربية ميجان موديل 2008 بس كانت عاملة 5000كم فقططبعا اشتريت بعد الكشف عليها في التوكيل و بعد استشارة ذوي الخبرة
الموضوع ده بقاله شهر تقريبا بس أنا ما كنتش فاضي خالص الفترة اللي فاتت.
و الحمد لله مستمتع جدا بالعربية و كله تمام "ربنا يبعد عني و عنكو العين الوحشه)

كان ليه حبة استفسارات يا ريت خبراء المنتدى يفيدوني:
1- تقرير التوكيل : كله تمام و لكن واحد صاحبي نصحني بأني أغير السيور "أو بالتحديد سير الكاتينة" على أساس أنه قرب يعدي عليه 3 سنين كااجراء وقائي فقط لا غير و بالمرة أغير بقيت السيور
2- عايز أغسل الحوض و الموتور بس مقلق

أخيرا أحب أشكر كل الاخوة فى منتدى رينو و كل من يساهم برأي أو خبرة فعالة...شكرا منتدى رينو

[Col. Eng. Khaled]

مبروك يا فندم و إن شاء الله ربنا يبارك لك فيها و يبعد عنك شرها

من رأيي طالما تغيير سير الكاتينة يبقى ترجع للتوكيل و أكيد حيقول الصح ، إحتمال كبير حتعمل الصيانة الكبيرة

صيانة 60 ألف كم (و مضاعفاتها)

مبروك

[mohamed1979]

الف مبروك و احسنت الأختيار

[ecybrarian]

الف مبروك يا وحش..انا لو منك هاغير السيور والبوجيهات والفلاتر..وتنضيف الحوض لازم يكون عند ميكانيكي رينو بلاش البنزينات والكار كير..الميجان كلها حساسات ومش طالبة حد مش فاهم يلعب في الحوض

[د.محمود صلاح]

الف مبروك واحسنت الإختيار

[Mahmoud Saloum]

ألف مبروك ربنا يديك خيرها ويكفيك شرها

[abdoelkot]

الف مبروك ياباشا ربنا يحفظهالك يارب
قولنا ايه مواصفتها ياباشا وبكام لو سمحت

[elshinawy80]

الف الف مبروك

ربنا يديلك خيرها و يكفيك شرها

[Hady]

السلام عليكم
متشكر جدا لكل من ساهم بابداء الرأي بخصوص استفساري وكل من بعث لي بالتهنئة و ان كنت مازلت في حاجة الي مزيد من الاراء الفنية الخاصة باستفساراتي.....
بالنسبة الاخ اللى كان بيسأل عن المواصفات و السعر....هية جميع امواصفات الهاي لاين ماعدا فتحة السقف "..بالنسبة للسعر ""أحب أشوف تقديراتكو انتو الأول :] :)

[mohamedadelemam]

السلام عليكم...نقول 80؟؟

[blazer]

85 ألف

[megamoudy]

مبروووووووووك الف مبروك

ربنا يعطيك خيرها ويكفيك شرها

[Hady]

وحوش الرينو....بالنسبة للسعر لسه شويه هى أكتر من الارقام اللى حضراتكو ذكرتوها ....هي بالعافية خلصت ب 93 ألف ممكن ناس تقولى ان سعرها عالي شوية عن السوق أو حتى ادحك عليا,,,عموما أنا لماجيت اشتري اشتريت بناءا على الاتي:
1- أكتر من 4 شهور لف و بحث عن ميجان نضيفة
2- كان فيه أخ هنا فى المنتدي اشترى ميجان 2010من التوكيل "أعتقد كانت برده الفئة قبل الهاى لاين و كانت عاملة حوالى 10,000كم" كانت ب 103 ألف
3- كانت فيه واحده 2008 نبيتى كانت معروضة على كونتاكت و كانت فى التجمع الخامس (صاحبها كان عارضها على 120 الف و كانت ماشية 200كم فقط) وصلت معاه لحد 95ألف و مرضيش....عرفت بعد كده انه باعها ب 107ألف و ده من صاحب العربية....و واحدة تانية على بال ما اتصلت بصاحبها قالى انه باعها ب 95ألف بس مش فاكر كانت ماشيى كم كيلو
4- أنا نفسى كنت هاخلص فى واحده قبل اللى معايا دي (كانت 2009 بس مانيوال و طبعا مافيهاش محدد ولا مثبت سرعهو,تكييف بكر) بس كانت ماشية أكتر من 50,000كم عشان كانت بتاعة شركة...بس البيعة لم تتم لحدوث خلاف ما مع صاحبها..دي كانت هاتخلص عى 82ألف طبعا عشان الكيلومتر الكتير
4-من دراستى للسوق بالنسبة لموديل 2008 هى أسعارها تتراوح مابين 80ألف الى 85ألف حسب الحالة مع مراعاة انها هاتكون ماشية في حدود 50ألف كم....
مما سبق أنا اعتبرت العربية اللى اشتريتها دي تعمل 85ألف جنية على أساس ان حالتها ممتازة..و بصراحة قدرت ال 50 أ لف كم اللى ما مشيتهمش (مسافة لم تقطعها السيارة) بحوالي 5000جنية...يعني تعمل 85+5=90 ألف... بس صاحبها كان مصر أخر حاجة على 95 ألف بعد ما كان عارضها على 105ألف...فا قولت أضحي بال 3000 دول عشان بصراحة العربية حالتها a1 حالة الفابركة فعلا (ريحة الفابريكة كانت لسه فيها :))...و أنا بشتري حالة
................ معلشى أنا أسف طولت عليكو بس قولت أوضح أو أكتب تجربتي الشخصية دي لعل و عسى أنها تكون مفيده لأي حد حتى من رواد المنتدى....
................*أخيرا أحب بس أقول اني الحمد لله سعييييييد جدا بالعربية و مش حاسس انى ضحيت بال 3000 جنية دول خالص مع ان ممكن ناس كتير يتفصلهالى ب أقل من تمنها بس زي ما قولتلكو أنا عارف انا دفعت كام فى ايه.....و دعواتكو بس ربنا يحفظها و يحفظنا جميعا من كل شر

[Sharky]

الف مبروك على العربية و ربنا يبارك لك فيها

و سعرها مش غالى لإنك شاريها تقريبا زيرو دا غير ان الميجان النضيف قليل قوى فى السوق و سعره عالى

[Col. Eng. Khaled]

93000 مبروك يا فندم .......... صدقني فرحت لحضرتك جداااااااااااا

إن شاء الله تكون قدم السعد و تتمتع بيها في الخير