ما هى معلومات الوحوش عن مسوجر غطاء تانك البنزين؟!

[Hany Saad]

الوحوش الأعزاء...أولا سنة جديدة سعيدة عليكم و على كل أحبائكم و أتمنى لكم كل الخير إن شاء الله......

لاحظت مؤخرا إن المسوجر بتاع غطاء تنك البنزين مش شغال مع القفل المركزى.....إذا هو معلق أو مكسور .....
المهم ما هى معلومات الوحوش عن هذا القفل (المسوجر) السخيف....هل حد غيره قبل كده؟ أسعار؟ سهولة تغييره؟ و هكذا.....

و شاكر ليكم تعاونكم المعتاد.........

[ecybrarian]

انا ماعنديش فكرة..بس عموما القطعة بتتغير كلها..انا شفت واحد بيشتريها عند عصام بشطر..ويمكن تطلع سلكة مفكوكة ولا حاجة

[farahat]

المسوجر ده بيكون زي السقاطة بتاعة الباب تمام ، يعني عبارة عن صباع بلاستيك و بتحركه مكنة سنتر ، السؤال هنا هل الصباع البلاستيك إلي مكسور بس بتسمع صوت السنتر أثناء فتح وقفل العربية ؟ (اسمعه بودنك جنب فتحة التانك ) ،
ولا المشكلة إنه الصباع سليم لكن السنتر مش بيتحرك خالص ؟


لو المشكلة الأولى يبقى محتاج تغير القطعة إلي فيها قفل فتحة التانك وتجيبها استراد ،لو المشكلة التانية راجع الفيوزات ولو كل حاجة سليمة راجع الاسلاك بتاعتها من الشنطة ، يا إما العيب لا قدر الله يكون مكنة السنتر نفسها ، وفي الحالة دي برضه هتحتاج تجيب القطعة بتاعة باب التنك كلها استراد .

[ecybrarian]

المهندس فرحات استاذنا في الالكترونيات..فينك ياهندسة واحشنا

[farahat]

المهندس فرحات استاذنا في الالكترونيات..فينك ياهندسة واحشنا

هشام باشا ، واحشني قوي وكل الوحوش واحشني، من فترة ماتقبلناش ، عايزين مقابلة قريبة بقى إن شاء الله نسترجع أيام زمان