تأل في دركسيون الفليونس

[saintsero]

وحوش الفلونس الكرام

مش عارف ليه بألي فترة حاسس ان الدركسيون تأل معايا عن الاول على السرعات بداية من 60 - 70 كم/س

انا عارف ان طبيعي ان الدركسيون يتأل على السرعات العليا ولكن احساسي انه أزيد عن الاول

حاولت اضبت الهوا (الامامي 32 - الخلفي 29) برده مش حاسس نعومة الدركسيون زي اول ما اشترتها والله اعلم مظبوط صح ولا لأ (انا بظبوط ديما الهوا في بنزينة امارات مصر ألي قبل كارفور)

الاتزان سليم لما بسيب الدركسيون العربية مش بتحدف

كما اني قاربت علي صيانة الـ10000 ومش عارف السبب ايه

ما رايكم دام عزكم

[bukla]

موضوع غريب بس انا شايف بما ان صيانة ال 10 آلاف قربت يبقى قولهم فى التوكيل على احساسك و لو قالك ان العربية مافيهاش حاجة اطلب منة تطلع تجرب عربية تانية من عندهم (العربية بتاعت التيست درايف) علشان تبقى المقارنة واضحة
ان شاء الله تكون بسيطة

[saintsero]

موضوع غريب بس انا شايف بما ان صيانة ال 10 آلاف قربت يبقى قولهم فى التوكيل على احساسك و لو قالك ان العربية مافيهاش حاجة اطلب منة تطلع تجرب عربية تانية من عندهم (العربية بتاعت التيست درايف) علشان تبقى المقارنة واضحة
ان شاء الله تكون بسيطة

انا حاعمل كده

بس انا كنت بأسال خوفا من تكون حاجة تضر لاني من معدل سوقتي ادامي حوالي 3 اسابيع لحجز ميعاد للصيانة

شاكر لك يا استاذ bukla لاهتمامك

[rompo10]

ماتلعبش في العربيه بره دي لسه في الضمان اطلع علي التوكيل وماتسناش صيانه

[Ahmed Selim]

ما تجرب تقيس الهواء فى محطة تانية......ساعات بيكون العداد بتاع محطة معينة مش مظبوط.

[saintsero]

ما تجرب تقيس الهواء فى محطة تانية......ساعات بيكون العداد بتاع محطة معينة مش مظبوط.

انا حجرب النهارده و انا مروح بس اجرب اشوف الزوايا و لا احسن في التوكيل؟؟

[Ahmed Selim]

الزوايا أحسن فى التوكيل أو عند حد بيفهم ( ممكن تجرب الأسكندرانى فى الحرفيين )

[Col. Eng. Khaled]

نفس الإحساس دا جالي و تقريبا في نفس الكيلومتر

بعد ما الصدف خلّتني أسوق لانوس شبيهه بعربيتي السابقة للميجان ، إكتشفت إني خلاص إتعودت على باور الميجان

و نسيت الفرق في النعومة بين الإتنين و إن الإنبهار بالباور نسيته من كتر التعود .