مقابلة الوحوش و الحاضر يُعلم الغايب

[Col. Eng. Khaled]

أصدقائي و إخواني الأحباء

السلام عليكم و رحمة الله و بركاته

هانت خلاص و باقي أيام على إنتهاء إمتحانات "الميد تيرم" إن شاء الله و ربنا يوفق الجميع

ما لكمش نفس بقى نرتب لمقابلة من بتوع زمان في أجازة نص السنة (كدا محدش له عذر لا طلبة و لا دكاترة) ؟

محتاجين إن شاء الله طرح آراء للمكان و الزمان ترضي الجميع قدر المستطاع .

شدوا حيلكم كدا لمقابلة نقعد عليها لغاية الصيف إن شاء الله .

[ecybrarian]

لأ مش ممكن..دا أنا كنت فقدت الأمل في لقاء الوحوش..أنا موافق بشدة في اي مكان واي زمان..بس اعرف قبلها بمدة..اهم حاجة نعمل اجندة للقاء بخصوص قسم الرينو واهم الموضوعات والتنظيم وكدا

[Mohd_Adel_Amin]

سبحان الله بجد ده توارد افكار يا سيادة العقيد , لسه النهارده كنت بفكر في الموضوع ده وبقول الواحد بقاله فتره مشافش الوحوش , نسقوا الاجتماع وانا هحاول اضبط وقتي عليه واجيلكم القاهرة بإذن الله ..

[Ahmedhussein007]

ياااااااااااه انا مستنى المقابله دى من زمان فكره جااااااااامده جداااااا وانا راشق بس اعرف قبلها بفتره لانى هاجيلكم مسافر لانى نفسى اتعرف عليكم بجد وده شرف عظيم ليا....

[A.Saad]

طيب ممكن حد مش من الوحوش يقترح المكان

[Col. Eng. Khaled]

طيب ممكن حد مش من الوحوش يقترح المكان

و يشرّف بالحضور كمان يا أحمد بيه

المقترحات بقى كمان يا رجالة عشان الوحوش إللي جايين من سفر

[Ahmedhussein007]

أصدقائي و إخواني الأحباء

السلام عليكم و رحمة الله و بركاته

هانت خلاص و باقي أيام على إنتهاء إمتحانات "الميد تيرم" إن شاء الله و ربنا يوفق الجميع

ما لكمش نفس بقى نرتب لمقابلة من بتوع زمان في أجازة نص السنة (كدا محدش له عذر لا طلبة و لا دكاترة) ؟

محتاجين إن شاء الله طرح آراء للمكان و الزمان ترضي الجميع قدر المستطاع .

شدوا حيلكم كدا لمقابلة نقعد عليها لغاية الصيف إن شاء الله .

انا بقى ياسيادة العقيد هاجى لحضرتك يوم المقابله بدرى شويه لان عندى صوت هوا جاى من فتحة السقف مع السرعات العاليه وصوت كركبه بسيط فى المبطات وهى مقفوله لو مش هيضايق حضرتك لانى جاى من سفر فتبقى مره واحده

[A.Saad]

اقتراحاتى
نادى جاردينيا للقوات المسلحة - الماظة قرب طريق السويس

قرية العزية - المريوطية

[Col. Eng. Khaled]

انا بقى ياسيادة العقيد هاجى لحضرتك يوم المقابله بدرى شويه لان عندى صوت هوا جاى من فتحة السقف مع السرعات العاليه وصوت كركبه بسيط فى المبطات وهى مقفوله لو مش هيضايق حضرتك لانى جاى من سفر فتبقى مره واحده

تنورني يا معالي الباشا و هات معاك "سُرّة من الدنانير" هههههههه

اقتراحاتى
نادى جاردينيا للقوات المسلحة - الماظة قرب طريق السويس

قرية العزية - المريوطية

طيب و السادة أصحاب مزاج التفاحة و أخواتها ؟ و لّا عايز أحمد كمال باشا و د. أكمل حمدي و شُركاهما يمتنعوا عن الحضور ؟

أماكن القوات المسلحة مش بتقدم الخدمة دي

[ecybrarian]

م. احمد كمال ود. اكمل..هما فين اصلا؟ شكلها هاترسي على تلاتة أو اربعة وحوش..فين ايام زماااان.. باقول لك يا قائد، ياريت لو تعرف تجيب لنا المهندس فرحات

[Col. Eng. Khaled]

م. احمد كمال ود. اكمل..هما فين اصلا؟ شكلها هاترسي على تلاتة أو اربعة وحوش..فين ايام زماااان.. باقول لك يا قائد، ياريت لو تعرف تجيب لنا المهندس فرحات

قدامه أسبوع إن شاء الله لو مردّش في الموضوع دا حيلاقيني عامل له دوشه عالموبايل

[A.Saad]

ياباشا احمد كمال بالذات ميجييش
يبقى يعمل فيديو كول على خساب صاخب المخل بتاعه

[akmal_hamdi]

احم احم

[A.Saad]

احم احم

لا
الكلام فى المشارك اللى فاتت على احمد كمال

الشيشة والفحم وصبى مخصوص ليها
محطوطين فى شنطة العربية من دلوقت لولحضرتك

[Col. Eng. Khaled]

احم احم

إتفضلللللللللل

شوفت بقى انت حبيبي إزّاي ؟؟؟؟

إن شاء الله دوشة الإمتحانات تخلص على خير و مالكش حجة ......... و لّا حتقول لي قاعد بالولد

و فرصة برضه نشوف و نبارك لصديقنا صاحب "سوبر تيوند ميجان هاتش"