اريد حلا فى قطع غيارالكليو؟

[lion99990]

ارجو المشوره حيث ان معى عربيه كليو 1400 سي سي 2005 اوتوماتيك اللى حصل كلاتى كنت ماشى بالعربيه فجأه ظهرلى فى التابوه نور اصفر من كلمه اسمها auto فضلت منوره وقفت العربه و بعدين دورتها تانى النور منورش روحت بعد كده توكيل الصيانه فى المنصوره العدوى كشف عليها كمبيوتر ب 50 جنيه بعد كده قالى ده فيه 2 بلف كاوتش فى الفتيس الاوتوماتيك عايزيين يتغيروه قلتله طيب ايه اللى حصلهم قالى عمرهم الافتراضى العربيه عامله 41 الف كيلو بس سالته يتكلفو كام قالى 850 جنيه و مصنعيه حوالى 350 جنيه و حايجبهم من التوكيل الرئيسى ياعنى استنى بصراحه انا مستغرب هل 2 بلف كاوتش يتكلفوا حوالى 1200 جنيه و كمان يقوللى عمر افتراضى انا بصراحه مستغرب العربيه ماشيه معايا تمام و مغيرتهمش لسه بس بفكر اطلع اروح على المركز الرئيسى فى العبور مش عارف ايه الصح أريد حلا" ممكن حد يقوللى اعمل ايه لانى بصراحه مضايق من شهر واحد كمان كنت غيرت 2 كويل فى العدوى و قاللى برضه عمر افتراضى بس كانت العربيه قبل مايركبوه ماكنتش بتسحب فقلت عوضى على الله بس بصراحه انا مضايق هل انا كل شهر حادفع حوالى 1200 جنيه ممكن حد يعرفلى حل و شكرا ارجو الرد سريعا

[Sharky]

حضرتك ممكن تطلع على مركز العبور و تشوف حيقولوك إيه

[limo]

روح التوكيل الرئيسى فى المقطم او العبور افضل كتييييييييير
انا سعات لمبه الاعطال بتعلق معايا ومجرد ما اطفى العربيه وادورها تانى اللمبه بتختفى

[momo10000]

لازم المقطم او العبور مفيش اختيار تاني...

[Abo_Lina]

هو النور لسه ظاهر? اعتقدد لو مشكلة في الفتيس كنت اكيد حسيت بييها وانت سايق
روح التوكيل وشوف هل هايقولولك نفس االكلام
بالممناسببة حد جرب مركز االعبور ?انا عاوزاعررف هلل لازم احجز معاد ولا ممكنن اروح في اي وقت وويبدأو شغل على طول لاني كنت سمعت انه مابيببقاش زحمة

[Sharky]

أنا جربته و أعرف معظم الناس إللى هناك و بصراحة محترمين جدا
هو فعلا مابيبقاش زجمة بس يفضل إنك تحجز قبلها

[عمرو عمارة]

السلام عليكم

ده عيب معروف فى هذا النوع من الفتيس الاوتوماتيك الصمامات والحساسات الخاصة به ضعيفة ( الصمام الهيدروليكى - صمام تنظيم الضغط ) انا معرفش اذا كان هم دول بيقلو عليهم بلف كاوتش

المشكلة بتظهر والعربية باردة ...اول ما الفتيس بيسخن المشكلة بتروح ولكن كمبيوتر العربية بيفضل ظاهر المشكلة لغاية ما تقفل وتدور تانى ( كائنك عملت reset لكمبيوتر )

أنا اعتقد ان المشكلة دى خاصة بالصمامات المذكورة او احداهما ( يفضل تغير الاثنين ) لان والعربية لسة باردة الزيت بتاع الفتيس بيكون ثقيل شوية ولسة ما واصلش لجميع اجزاء الفتيس فلو فى مشكلة فى صمام هيكون صعب عليه انه يوصل الزيت وهو لسة ثقيل لباقى اجزاء الفتيس ولكن اول ما بيسخن بيخف لزوجته ويصل لباقى الاجزاء ومنها الحساس الخاص بالزيت وبكدة يحس الكمبيوتر ان فى زيت فى الفتيس وتختفى المشكلة (بعد ما تقفل وتدور تانى )

كان الله فى عونك

السلام عليكم ورحمة الله وبركاته

عمرو عمارة

[lion99990]

انا روحت التوكيل بتاع العبور امبارح و الحمدالله كشفوا على العربيه و قالوللى دي كانت error فى الفتيس بس مفهوش مشكله و طلع مهندس جرب العربيه و قاللى كله تمام و دفعت 35 جنيه كشف على الفتيس بصراحه ناس محترمين اوى و مركز حلو اوى اوى بس بصراحه انا مستغرب لغايه دلوقتى ازاى العدوى فى المنصوره يقوللى عايزه تغيير 2 بلف كاوتش ومصنعيتهم ب 1200 جنيه و اروح العبور يقوللى مفيش مشكله ده كان error و ادفع 35 جنيه على فكره انا مقلتش لمهندس الاستقبال على موضوع مركز العدوى عشان اعرف هل حيقولولى نفس كلام العدوى ولا لأ بس فى الاخر طلع error الحمدالله على كل شئ بس بصراحه مقلق و نفسى اعرف اللى حصل ده كان ايه انا مستغرب أوى ارجو الافاده و شكرا

[Sharky]

واضح إن مركز العدوى المهندسين فيه حافظين و أى حد يجيلهم ما يصدقوا و يقولك غير عالطول علشان يطلع مصلحة لكن طبعا توكيل رينو فى العبور مركز محترم و كله إللى يهمه راحة العميل

رأى الشخصى أبعد عن مركز العدوى نهائيا

[أبو عبدالله]

انا روحت التوكيل بتاع العبور امبارح و الحمدالله كشفوا على العربيه و قالوللى دي كانت error فى الفتيس بس مفهوش مشكله و طلع مهندس جرب العربيه و قاللى كله تمام و دفعت 35 جنيه كشف على الفتيس بصراحه ناس محترمين اوى و مركز حلو اوى اوى بس بصراحه انا مستغرب لغايه دلوقتى ازاى العدوى فى المنصوره يقوللى عايزه تغيير 2 بلف كاوتش ومصنعيتهم ب 1200 جنيه و اروح العبور يقوللى مفيش مشكله ده كان error و ادفع 35 جنيه على فكره انا مقلتش لمهندس الاستقبال على موضوع مركز العدوى عشان اعرف هل حيقولولى نفس كلام العدوى ولا لأ بس فى الاخر طلع error الحمدالله على كل شئ بس بصراحه مقلق و نفسى اعرف اللى حصل ده كان ايه انا مستغرب أوى ارجو الافاده و شكرا

طيب الحمد لله
بس انت معملتش شكوه فيهم ليه
المفروض انك تعلم التوكيل بهذا الكلام
علشان تمنع انه يتعمل مع احد غيرك
ويبقى في ميزان حسناتك

[Abo_Lina]

العدوي والي زيه حرام يتقال عليهم مراكز خدمة ده عبارة عن ميكاانيكي بس نضيف شوية وعنده كمبيوتر..
ومش عارف ليه انت ماقلتلهمش في العبور عن كلام السيد العدوي..بعدد ما خلصو شغل حتى

[lion99990]

انا اسف يا جماعه اعذورونى بصراحه انا مصدقت انى مشيت من التوكيل و العربيه طلع مفهاش حاجه ده رايحنى كتير فكنت مش بافكر غير ان العربيه بقت تمام لكن كلامكوا مظبوط المفروض كنت اعرف التوكيل باللى حصل معايا من مركز العدوى بس نسيت عشان كنت سعيد ان العربيه طلع مفهاش حاجه بجد اعذرونى

[Ramy_Tantawi]

عموماً الحمد لله ان العربيه طلعت مافيش فيها مشاكل ولا يلدغ المرء من جحر مرتين وحضرتك شفت ده وده............ربنا يبارك لك في عربيتك ويكفيك شرها ان شاء الله.

[lion99990]

النهارده جالى اتصال من شركة رينو بيطمنوا على العربيه وان كله تمام و انا قلتلهم تمام كل شئ بصراحه معامله فوق الممتازه

[Abo_Lina]

اكيد يا ا / ليون بعد ما الانسان يطمن ان عرببيته تمام مابيبقاش في دماغه الحوارات دي..عموما المراكز اللي زي دي مسيرها بتتكشف..ومبروك سلامة العربية