حد يقوللى ايه نظام تعليق الفلوانس

[TarekGaafar000]

لغاية انهاردة كنت اعرف ان التعليق الخلفى للفلوانس هو تورجين بيم , لغاية ما روحت معرض فورميلا الأهرام , و روحت على جناح رينو و سألت المهندس الفنى هناك على نظام التعليق , و إن المعروف ان نظام التعليق هو تورجين بيم , وطبعا انا كنت بسأله لأن النظام ده فى التعليق على حسب ما قريت فى المنتدى انه مش كويس , إلا انه فاجأنى ولقيته بيقوللى ان نظام تعليق الفلوانس اللى فى مصر هو مالتى لينك ( متعدد الوصلات ) و طبعاً المعروف إن ده أفضل نظام تعليق , و قاللى ممكن يكون التورجين بيم موجود فى العربيات اللى بتنزل الخليج اللى بتتصنع فى مصنع كوريا .
فلو سمحتو بأة الناس الجامدين فى معلوماتهم عن الفلوانس و خاصة الأخ بوكلا يقوللى ايه الحقيقة لأن أنا بصراحة اتلخبط و مش فاهم فين الحقيقة خاصة إن كل الكلام اللى قريته عن موضوع التعليق فى المنتديات كله بيقول إن التعليق بتاع الفلوانس هو تورجين بيم .

[esslynx]

لو ده مهندس فى رينو يبقى يقدم استقالته من بكره علشان كل الفلوانس فى الميجان 3 اللى نازله فى الكون كله و ببتصدر للمريخ كمان تورشن بيم

[wawoo]

لو ده مهندس فى رينو يبقى يقدم استقالته من بكره علشان كل الفلوانس فى الميجان 3 اللى نازله فى الكون كله و ببتصدر للمريخ كمان تورشن بيم

اهل esslynx باشا فينك مختفى فين.
تعليق الفلوينس فعلا تروجين بيم لكن الناس بتتكلم على نظام التعليق دة كأنة نظام درجة تانية مثلا و لكن من التجارب النظام دة لا يختلف عن المالتى لينك فى اى اداء بالعكس دة لة مميزات اكتر من المالتى لينك و إلا مكنتش رينو نزلتة فى مودلات 2010 يعنى

[TarekGaafar000]

اهل esslynx باشا فينك مختفى فين.
تعليق الفلوينس فعلا تروجين بيم لكن الناس بتتكلم على نظام التعليق دة كأنة نظام درجة تانية مثلا و لكن من التجارب النظام دة لا يختلف عن المالتى لينك فى اى اداء بالعكس دة لة مميزات اكتر من المالتى لينك و إلا مكنتش رينو نزلتة فى مودلات 2010 يعنى

لو ده مهندس فى رينو يبقى يقدم استقالته من بكره علشان كل الفلوانس فى الميجان 3 اللى نازله فى الكون كله و ببتصدر للمريخ كمان تورشن بيم

هو كلامه فعلا طلع غلط , بس برصه هو مطلعش تروجين بيم , لأن أنا بعد ما سمعت الكلام منه , إضطريت أتأكد بنفسى , فدورت فى المواقع لغاية ما لقيت بورشور للعربية , عرفت منه إن تعليق الفلوانس هو fliexible beam بس طبعاً انا معرفش حاجة عن نظام التعليق ده , فلو فى حد يفيدنا فى إن هل هو نظام تعليق جيد من عدمه و إيه تأثيره على ثبات العربية فى المواقف الفجائية , يكون مشكور , كمان عايز اعرف ايه هى مميزات التروجين بيم اللى بيقول عليها wawoo , على فكرة اللينك اللى فيه البورشور بتاع الفلوانس هو ده .
[IMG]file:///C:/Users/TAREKG%7E1/AppData/Local/Temp/moz-screenshot.png[/IMG][IMG]file:///C:/Users/TAREKG%7E1/AppData/Local/Temp/moz-screenshot-1.png[/IMG] www.renault.com/.../20900_Fluence_technical_specifications_EN_95FFFB0C.pdf

[PDF] TABLEAU L38 - Renault.com

[tarek_rcc]

الاخ الكريم : طارق
السلام عليكم ورحمة الله وبركاته ....
بعد أذن الوحوش wawoo و wawoo
ممكن اللينك دة ينفعك بالمقارنات وبكا منه العيوب والمزايا ...
AutoZine Technical School - Suspension

[tarek_rcc]

الاخ الكريم : طارق
السلام عليكم ورحمة الله وبركاته ....
بعد أذن الوحوش wawoo و wawoo
ممكن اللينك دة ينفعك بالمقارنات وبكل منها العيوب والمزايا ...
AutoZine Technical School - Suspension

[TarekGaafar000]

الاخ الكريم : طارق
السلام عليكم ورحمة الله وبركاته ....
بعد أذن الوحوش wawoo و wawoo
ممكن اللينك دة ينفعك بالمقارنات وبكا منه العيوب والمزايا ...
autozine technical school - suspension

متشكر جداً يا طارق بيك .
بس يا ريت لو تعرف حاجة عن تعليق الفلوانس اللى هو فليكسابل بيم تقوللى , لأنى بقارن بين الفلوانس و المازدا 3 الجديدة , بس بصراحة ميال أكتر للمازدا لأن تعليقها مالتى لينك , انت ايه رأيك .

[tarek_rcc]

متشكر جداً يا طارق بيك .
بس يا ريت لو تعرف حاجة عن تعليق الفلوانس اللى هو فليكسابل بيم تقوللى , لأنى بقارن بين الفلوانس و المازدا 3 الجديدة , بس بصراحة ميال أكتر للمازدا لأن تعليقها مالتى لينك , انت ايه رأيك .

الاخ الكريم / طارق
الشكر لله وحده
انا معى السيارة الفلوينس التعليق الامامى Mc Pherson Strut with Lower Wishbone والتعليق الخلفى Torsion Beam Axle والحقيقة مش عارف اية FLEXIBLE BEAM دى ؟ علما بان سيارتى خليجى وليست مصرى ...
وعموما ان متمتع بها والحمدلله ... بس يمكن عشان الطرق هنا بالرياض افضل من مصر مش فارق معى نظام التعليق ؟؟ وربنا يوفقك للافضل

[wawoo]

عرفت منه إن تعليق الفلوانس هو fliexible beam بس طبعاً انا معرفش حاجة عن نظام التعليق ده , فلو فى حد يفيدنا فى إن هل هو نظام تعليق جيد من عدمه و إيه تأثيره على ثبات العربية فى المواقف الفجائية , يكون مشكور , كمان عايز اعرف ايه هى مميزات التروجين بيم اللى بيقول عليها wawoo , على فكرة اللينك اللى فيه البورشور بتاع الفلوانس هو ده .
TABLEAU L38 - Renault.com

الفليكسبل بيم هو تعديل من التروجين بيم و مبنى على نفس الفكرة ... من مميزاتة انة بيدى ثبات اعلى فى الطرق الغير منتظمة قوى و الاجزاء المتحركة فية اقل و بالتالى صيانة اقل و تكلفة اقل و صوت اقل و اهم ميزة انة بيحتاج مساحة اقل فى التركيب يعنى بيدى مساحة اكبر للركاب فى المقعد الخلفى و حجم الشنطة و دة واضح فى الفلوينس و الميجان الجديدة

فى راى سائد ان ال multi link بيدى راحة اكتر و ثبات اعلى ..و لكن كلة دة متوقف على عوامل اخرى فى هندسة السيارة يعنى كل سيارة بيتم تصميمها و تصميم التعليق المناسب لحجمها و المطلوب منها و اعتقد رينو طورت التروجين بيم عشان يناسب الجيل الجديد بتعها و الممزيات اللى ذكرتها

احب اضيف ان مش كل نظام جيد او سىء فى حد زاتة انما المضوع متوقف على كيفية تطبيقة على السيارة و اندماجة بشكل جيد مع هندسة السيارة كلها يعنى حتلاقى نفس نظام تعليق مستخدم فى عدة سيارات لكن ادائة يحتلف من سيارة لاخرى لان فى عوامل اخرى تاثر على اداء السيارة و ثبتها الى جانب نظام التعليق

[TarekGaafar000]

الفليكسبل بيم هو تعديل من التروجين بيم و مبنى على نفس الفكرة ... من مميزاتة انة بيدى ثبات اعلى فى الطرق الغير منتظمة قوى و الاجزاء المتحركة فية اقل و بالتالى صيانة اقل و تكلفة اقل و صوت اقل و اهم ميزة انة بيحتاج مساحة اقل فى التركيب يعنى بيدى مساحة اكبر للركاب فى المقعد الخلفى و حجم الشنطة و دة واضح فى الفلوينس و الميجان الجديدة

فى راى سائد ان ال multi link بيدى راحة اكتر و ثبات اعلى ..و لكن كلة دة متوقف على عوامل اخرى فى هندسة السيارة يعنى كل سيارة بيتم تصميمها و تصميم التعليق المناسب لحجمها و المطلوب منها و اعتقد رينو طورت التروجين بيم عشان يناسب الجيل الجديد بتعها و الممزيات اللى ذكرتها

احب اضيف ان مش كل نظام جيد او سىء فى حد زاتة انما المضوع متوقف على كيفية تطبيقة على السيارة و اندماجة بشكل جيد مع هندسة السيارة كلها يعنى حتلاقى نفس نظام تعليق مستخدم فى عدة سيارات لكن ادائة يحتلف من سيارة لاخرى لان فى عوامل اخرى تاثر على اداء السيارة و ثبتها الى جانب نظام التعليق

متشكر أوى يا باشا

[Elsarrawy]

في حاجة لاحظتها في الموضوع دا بناءً على قيادة النظامين Multi link و torsion beam ولفترة طويلة

اولاً: زي ما قال الزميل بالضبط wawoo الفكرة في طريقة تركيب احد النظامين على العربية (تصميم السيارة ككل) والدليل على كده في عربات Multi link اقل ثبات من عربيات torsion beam والامثلة كتيرة

ثانياً: من واقع قيادي فترة طويلة لثلاث عربات اول واحده كانت torsion beam والثانية كانت Multi link والثالثة الحالية torsion beam اقدر اقول ان التغير من احد النظامين إلى الآخر هو الي بيفرق مع الشخص الي بيسوق وان مع التعود على احد هذه الانظمة وعند تغيره للنظام بيبقى صعب شويه في الاول لكن بعد التعود الموضوع بيبقى عادي خالص (بصرف النظر عن نوع النظام الي بغيرله)

ثالثاً: بالنسبة للاختلاف في النظامين في نظام Multi link بيبقى افضل في المطبات والانحرافات المفاجأة من نظام torsion beam لأنه بيدي ايحاء بالثبات اكتر من قدر ثبات العربيه نفسه

اما torsion beam فبيدي ايحاء بعدم الثبات لكن على العكس الثبات موجود جداً وبقوة خاصة في الطرق النضيفة قليلة النقر والمطبات

ملخص القول ان الي اتعود على عربية Multi link بيبقى صعب يتنقل لعربية torsion beam والي اتعود على عربية torsion beam بيبقى صعب يتنقل لعربية Multi link وذلك في البداية فقط لكن مع التعود الدنيا بتبقى حاجة تانية خالص

[esslynx]

اهل esslynx باشا فينك مختفى فين.
تعليق الفلوينس فعلا تروجين بيم لكن الناس بتتكلم على نظام التعليق دة كأنة نظام درجة تانية مثلا و لكن من التجارب النظام دة لا يختلف عن المالتى لينك فى اى اداء بالعكس دة لة مميزات اكتر من المالتى لينك و إلا مكنتش رينو نزلتة فى مودلات 2010 يعنى

ازيك يا wawoo باشا انا عارف انى مقصر بس كنت بسافر بره مصر كتير الفتره اللى فاتت و شكرا على سؤالك

[wawoo]

ازيك يا wawoo باشا انا عارف انى مقصر بس كنت بسافر بره مصر كتير الفتره اللى فاتت و شكرا على سؤالك

حمد لله على السلام يا باشا و افتقدناك فعلا ..اخبار الميجان عاملة اية معاك.. هل فى اى حاجة ظهرت لا قدر الله ..

[wawoo]

ملخص القول ان الي اتعود على عربية Multi link بيبقى صعب يتنقل لعربية torsion beam والي اتعود على عربية torsion beam بيبقى صعب يتنقل لعربية Multi link وذلك في البداية فقط لكن مع التعود الدنيا بتبقى حاجة تانية خالص

تمام يا Elsarrawy ..و شكرا على الاضافة ..

[bukla]

السلام عليكم و رحمة الله و بركاتة
اولا انا حابب اقول انى مش حاضيف حاجة زيادة على اللى اتقال خصوصا كلام الاخوة WAWOO و Elsarrawy لأن كلامهم مظبوط و مطابق تماما للى كنت حقولة
المهم ان انا شايف ان فية ناس كتير فى المنتدى شاغلين بالهم بموضوع التعليق و نوعة مع انى شايف ان اللى يهمنى فى العربية ثباتها و امانها بغض النظر عن نوع التعليق او اذا كان طراز قديم او جديد و Elsarrawy كفى ووفى فى شرحة للنقطة دى
انا لما قريت الموضوع دة فى الشغل افتكرتة و انا راجع من الشغل على الدائرى فقررت انى اعمل حاجة مجنونة ارجع بيها لأيام الشقاوة ايام زمان لما كان سنى فى اوائل العشرينات
قرصت على العربية لغاية سرعة 150 او 160 مع ان الدائرى مكانش فاضى نسبيا لكن فضلت اجرى و اخد غرز بين العربيات و استنضف عربية و احاول استفز صاحبها علشان يشد معايا لغاية ما لقيت BMW 316 استجاب لى لما جيت وراة بالظبط و دخلت علية بسرعتى مع شوية ترعيش للنور العالى فى وشة ولما وسعلى و عديت منة لقيتة ابتدى يجرى ورايا و انا عمال اخد غرز على 120 او 130 و اول ما الطريق يفتح شوية اقرص و هوا ورايا مش عارف يجيبنى بسبب الغرز اللى باخدها على الضيق و بسرعتي وفى وسط دة كلة لقيت اوكتافيا ابتدى يجرى معانا و انا زى منا غرز و قرص وهما مش قادرين يجيبونى لغاية مادخلت تفريعة يمين فى الدائرى الحمد الله انهم ما دخلوش ورايا علشان الموضوع مايسخنش اكتر من كدة
المهم ان النتيجة من التجربة اللى انا بصراحة بالرغم من انها رفعت الادرينالين عندى و خلتنى حسيت بالحيوية بتاعة زمان الا انى فى اشد الندم انى عملتها لان لاقدر الله اي خطأ او واحد سواق نقل بمقطورة من اللى كنت بعدى من وسطهم زى الطلقة مال عليا كانت النتيجة حتبقى مريعة
العربية ما شاء الله ولا حول ولا قوة الا بالله فى منتهى منتهى الثبات لدرجة انها ماحسستنيش باى خطر سواء فى ملف واخدة على سرعة او غرزة ضيقة على 130 و لا الطريق يادوب يفتح سنة ابقى على 150 او 160 مع الوضع فى الاعتبار ان الدائرى مليان مطبات و فلنكات حديد بارزة لكن الحمد الله ثبات و استجابة للجرى ممتازة
لما وصلت البيت فكرت لية بقى الناس مهتمة قوى بنوع التعليق مش الاهم الثبات و قوة التحمل و الامان و دة موجود يبقى التعليق بقى مالتى لينك ولا تورشن بيم مش فارقة معايا
و بعدين اللى انا عملتة دة عين الجنون يعنى مش حاجة طبيعية ان الناس تعمل كدة فى بعضيها
استغفر الله و الحمد الله انى وصلت بالسلامة و اتمنى من كل قلبى ان ماحدش يعمل اللى انا عملتة دة تحت اي سبب من الاسباب لانك مش بتعرض نفسك فقط للخطر لكن بتعرض ناس ابرياء حواليك للأذى و علشان اية تثبت انك احسن سواق ولا عربيتك احسن عربية فى العالم لا حول ولا قوة الا بالله
اسف على الاطالة
تمنياتى بالتوفيق و الامان للجميع ان شاء الله