السى دى العادى لميجان 2007 هاتشباك

[chato_eg]

السلام عليكم
أنا اشتريت مبجان II موديل 2007 زيرو من 5 شهور. أنا باستعمل فى السى دى بتاعها اسطوانات CD-RW
(هى مجهزة ب Audio CD palyer و ليس MP3 )
بعد فترة من الاستعمال لاحظت الموتور اللى يبسحب و يعمل eject للاسطوانات غير قادر على سحب او لفظ الاسطوانات. لما سألت فى صيانة ال 10000 على المشكلة. المهندس رد بإن الاسطوانات الأصلية فقط هى المسموح بتشغيلها نظرا لأن هناك سمك معين للاسطوانة. جربت اسطوانات بمقاسات سمك مختلفة و لكن فعلا فقط الاسطوانات الأصليه هى التى تدخل و تخرج بسلاسة. برجاء الافادة

[Sharky]

أنا مش فاهم حضرتك عايز تعرف إيه ؟

ماهو حضرتك إتأكدت بنفسك إن المعلومة صحيحة

لازم حضرتك تستخدم الأسطوانات الأصلية علشان تدخل و تخرج بسهولة

[Ramy_Tantawi]

صحيح فيه اختلاف بسيط جداً في سمك السيدي الأصلي من الغير لكن بيكون بسيط جداً جداً .

الحاجه التانيه ممكن حضرتك تجرب تمسح السيدي وتشوف النتيجه لئن في أغلب الأحيان وده كان بيحصل معايا انا شخصياً السيدي لو كاتب عليه او حاجه بيحصل كده زي تقل في سحب ولفظ السيدي زي ما حضرتك بتقول بالظبط ........يعني لو حضرتك كاتب على السيدي بي فولوماستر او حاجه حاول تمسح الكلام ده لئنه مع الحراره بيتحول زي ماده لاصفه كده بتعيق دخول وخروج السيدي من الجهاز.

لو حضرتك لازق او ورقه على السيدي اكيد هتعمل برضه نوع من الاعاقه وخطر جداً لئن ممكن مع الوقت الورقه تعلق وتلزق على باب الجهاز وتعمل مشاكل كتير.

اخيرا السيدي اللي مش اصلي تعرضه للرطوبه والحراره باستمرار بيعمل زي تلزيق ممكن يكون مش ملحوظ لكن وجوده ايضا عامل من عوامل صعوبة حركة سحب واخراج السيدي.

الحل عندي انا شخصيا اللي انا باعمله دايما خللي ايد حضرتك قريبه من الجهاز خصوصا والسيدي خارجه حاول تسهل على قد ما تقدر بس خروجها لكن ما تسحبهاش حضرتك مجرد بس ما تحاول تساعد السيدي هي هتخرج بسهوله ان شاء الله.

اه ممكن كمان حل اخير حضرتك ممكن تجيب قطعه قطن بتاعت الودان دي عشان تكون رفيعه كفاية وتحاول تمشي القطنه دي برفق على مجرى السيدي في الجهاز ممكن يكون في اتربه بس برضه معيقه لحركة دخول وخروج السيدي.

أتمنى اني اكون ساعدت حضرتك .

[Abo_Lina]

شكلك سميع جامد زيي..انا حصلي نفس المشكلة برضه زائد ان بعد مدة كان بيتكتب CD Too Hot فغيرته بواحد بيونير و بصراحة فرق شاسع في الصوت وجودته حسيت فعلا ان العربية فيها 6سماعات..كان جاي معاه ريموت وانا جبت وحدة تحكم لا سلكي بتركب ع الدركسيون عشان انا اتعودت ع الدراع بتاع الميجان

[chato_eg]

شكرا جزيلا يا أخ Romeo
أنا هأجرب الموضوع ده فعلا. بس تفتكر أن الاسطوانات الغير أصلية تؤثر على المدى الطويل على كفائة الplayer ?
أو إنها من الآخر هتخرب ال Player بتاع العربية. أنا مش حابب أعمل أى حاجة تؤثر عليها بالسلب
أنا كنت جبت حتى FM transmitter بياخد flash disk usb أو MP3 player بس اللى حصب ان أجزاء منه اتفككت داخل الولاعة و لما حاوت أخرجها عملت شرارة و يبدو انها عملت قفلة و لا حاجة و أصبح التكييف لا يعمل و الشاشة اللى فى المنتصف اللى فيها الساعة لا تعمل الا مع الانوار الخارجية للسيارة. هما تفضلو شاكرين بحل الموضوع فى التوكيل و الحقيقة لا قالو لى ايه اللى انت هببته ده و لا دفعونى فلوس (توكيل محترم الحقيقة). لكن أنا مش عايز آذى مشاعر العربية خالص :)

[chato_eg]

أنا مش فاهم يا تايلر....يعنى بتنصح بأنى أجيب cd player تانى غير الأصلى ؟
طيب أنا نفسى أفضل أتحكم فى الصوت و الtracks من على الدركسيون ، هل لو عيرت الPlayer هأقدر أتعامل معاه زى الأصلى ؟

[Abo_Lina]

لا الدراع الي ورا الدركسيون في الميجان بيتحكم في الجهاز بتاع العربية الاصلي فقط..اللي بتكلمم عليه ده جهاز صغير بيشتغل ببطارية في حجم بطارية الكارت وبيركب ع الدركسيون وبيتحكم في كل وظائف الجهاز (البيونير)

[Ramy_Tantawi]

Tyler باشا جهاز التحكم اللي حضرتك بتقول عليه ده بايونير ولا ايه نوعه ؟ انا مركب برضه بايونير عندي وكنت زعلان جداً اني هاخسر ال steering wheel controle فا ياريت حضرتك تفيدني بس جهاز التحكم التاني ده بايونير برضه ولا لأ ؟ وركبته مكان الأصلي بتاع العربيه ولا فين بالظبط ؟

شكراً جزيلا .

[Abo_Lina]

ايوة بايونير هو بيبقى جايي معاه جلده زي استيكك الساعة كده ببيخش فيها ويطربط على الدركسيون

[farahat]

هو التوصيلة دي من Pioneer بتحل المشكلة ، و بتوصل بين الشاشة والدراع بتوعال renault الأصليين و بين الكاست ال pioneer ، بس مش بينفع مع كل الموديلات للأسف :(

http://www.incarexpress.co.uk/view_product.php?partno=CADPI180

[chato_eg]

شكرا يا أستاذ فرحات على المشاركة الحلوة دى. فعلا هو جهاز ظريف لكن ثمنه مش قليل( 80 جنيه استرلينى) خصوصا بعد الشحن و الجمارك. ناهيك عن موافقة التوكيل لتركيبه . أعتقد تفاديا لتركيب أجهزة كتير على العربية و بعد فشل ال FM transmitter أبو 100 جنيه، الحل يتبقى فى يا إما FM transmitter مش بيتركب فى الولاعة (أعتقد فى راديوشاك فى حدود 200 جنيه يعمل على بطارية قلم) أو mp3 player with built in transmitter خارجى تماما الواحد يخليه فى جيبه. شكرا لاهتمام كل السادة اللى تفضلوا بالرد.

[farahat]

باشا ، هو ال-CD إلي عندك فال عربية Update-list ولا Tuner-list ؟

[chato_eg]

مش عارف إذا كان tuner list ولا update list .....هو ايه الفرق بينهم و أعرف إزاى..؟
هى العربية موديل 2007 هاتشباك و السى دى عادى مش MP3

[farahat]

بيكون مكتوب على ال-cd نفس ، على الوش بتاعه من تحت كدة

[Abo_Lina]

فين تحديدا..عمري ما لاحظت tuner list او update list دول مكتوبين في اي حته