تيش علبة الدركسيون فى الميجان

[solly1979]

السلام عليكم
عندى تخبيط كدة فى المطبات الصغيرة
كنت امبارح برصص العجل وهو مفكوك شوفت العصايا الى موصله مابين البارة والدركسيون وهزتها بتعمل صوت حديد على حديد
اكيد هى الى بتعمل التخبيط دة قلت لبتاع العفشه الى موجود فى المحل قالى دة تيش علبه الدركسيون
طبعا انا مفهمتش حاجه
انا عندى صيانه قريب فى التوكيل هما تكلفتهم كام جوة التوكيل
وهل ممكن اعملهم برة التوكيل ارخص وفين ؟

[momo10000]

الف مبروك وربنا يكفيك شرها ..... العفشه ممكن تتعمل برة بس اهم حاجه يبقي متخصص رينو

[sadness]

أنا يا فندم عندى نفس العيب ومطلوب منى تغير تيش أمامى +بيض تيش دريكسيون
وعايز أغيرهم وياريت من الأستاذ أيمن كبير وحوش رينو يقدر يساعدنا ف الموضوع ده
خصوصا أنى نازل القاهره يوم الأحد القادم أن أمكن تغيير الكلام ده

[ISLAMNOSSIR]

فى الحرفيين احمد العسكرى هو غالى بس فاهم فى العربيه و ارخص من التوكيل

[solly1979]

طب يا جماعه حد غيرها فى التوكيل قبل كدة بكام
ولو برة بردة بكام
انا عندى صيانه الاسبوع الى جاى انشاء الله عايز اعرف هعملها جوة التوكيل ولا برة

[abdoelkot]

انا معرفش الميجان بيتغيرلها تيش ولا لأ
بس انا كان حصل معايا نفس مشكلتك فغيرت المقص والبارات
البارات كانت داخليه وخارجيه فى حدود 350 او 400 مش فاكر كام بالظبط والمصنعيه 150 جنيه
عند واحد شغال فى مركز معتمد

[solly1979]

انا معرفش الميجان بيتغيرلها تيش ولا لأ
بس انا كان حصل معايا نفس مشكلتك فغيرت المقص والبارات
البارات كانت داخليه وخارجيه فى حدود 350 او 400 مش فاكر كام بالظبط والمصنعيه 150 جنيه
عند واحد شغال فى مركز معتمد

يا باشا فى التوكيل بيغيروا علبة دركسيون كامله 3600 انا سألت
لازم تتعمل برة وكل حاجه موجودة برة بس انا عايز اتابع مع مركز كويس يكون فى مدينة نصر بيشتغل فى رينو بس ؟

[mohamed1979]

واحد صحبى جاب علبه الدريكسيون ب 1000 جنيه استيراد

[solly1979]

واحد صحبى جاب علبه الدريكسيون ب 1000 جنيه استيراد

انا رحت كشفت عند واحد فى المعادى اسمه خالد
قالى عايزة علبة دركسيون وفى عندنا 3 خيارات
1- نعملها جلب عند خراط وهتتكلف فى حدود 400
2- نجيب علبة استراد وهتتكلف فى حدود 800
3- نجيب علبه جديدة ب 1400 وبتاع 100 مصنعيه يعنى 1500
1400 بيقولوا الاصلى زى الى جوة التوكيل بالظبط انا يصراحه معرفش انا لسه العربيه معايا من شهر ومشترتش حاجه ليها
ومش عارف الفرق فعلا اكتر من النص كدة برة التوكيل وجوة

انا لسه معملتش حاجه ولسه بفكر
حد يعرف حد موثوق فيه فى مدينة نصر شغال فى رينو اروحله ؟

[solly1979]

فى الحرفيين احمد العسكرى هو غالى بس فاهم فى العربيه و ارخص من التوكيل

رحتله يا باشا الاسبوع الى فات كان قافل الاسبوع كله وورشته خلف العمارة الى وقعت فى الحرفيين والناس خايفه تخش الشارع دة اصلا :)

[Ahmed Selim]

جرب تروح ل car boys فى شارع السندباد
أسأل على المهندس خالد أو المهندس سعيد و قولهم من طرف أحمد عبد المقصود
مكانهم فى أخر الشارع على شمالك.....متطلعش الكوبرى و لف من تحته يو تيرن هتلاقيهم على اليمين عند منزل الكوبرى.

الطبيعى بتاعهم بيقفلوا الجمعة و شغالين باقى أيام الأسبوع من بعد 12 أو 1 الظهر
بس طبعاً فى ظل الظروف الحالية مش عارف مواعيدهم أيه

أنا عن نفسى كنت بتعامل معاهم قبل من زمان و برتاح معاهم جداً علشان هما فاهمين كويس ( مش بتوع رينو بس على فكرة......هما أكتر حاجة بيشتغلوا فيها هى الألفا روميو )

[المهندس طلعت]

واحد صحبى جاب علبه الدريكسيون ب 1000 جنيه استيراد

كل قطع الغيار الاستيراد(المستعملة بالخارج) تأتى من سنغافورة يعنى السيارات كلها دريكسيون جهة اليمين وهذا معناه ان علبة الدريكسيون الاستيراد ام 1000 جنية هى علبة دريكسيون قديمة تركها الزبون عند الميكانيكى بعد تركيب علبة جديدة ويتم اصلاحها وبيعها

[mohamed1979]

كل قطع الغيار الاستيراد(المستعملة بالخارج) تأتى من سنغافورة يعنى السيارات كلها دريكسيون جهة اليمين وهذا معناه ان علبة الدريكسيون الاستيراد ام 1000 جنية هى علبة دريكسيون قديمة تركها الزبون عند الميكانيكى بعد تركيب علبة جديدة ويتم اصلاحها وبيعها

لا يا هندسه
العلبه مفكوكه من نص عربيه قدام عينى
انما فى علب ب 350 و 400 جنيه هى دى الى بتكون متصلحه

[solly1979]

انا انشاء الله ناوى اجيب واحدة جديدة ب 1400 مش مستهله اخش فى تصليح واستيراد
هروح لواحد فى فيصل اسمه عبدة واحد بيشكرلى فيه اوى يشفهالى قبل مغيرها انشاءالله

[mohamed1979]

انا انشاء الله ناوى اجيب واحدة جديدة ب 1400 مش مستهله اخش فى تصليح واستيراد
هروح لواحد فى فيصل اسمه عبدة واحد بيشكرلى فيه اوى يشفهالى قبل مغيرها انشاءالله

بصراحه احسن حاجه الجديد
و يغور المستعمل و مشاكله