مشكلة في الميجان ... يا وحوش

[dahabms]

انا عندي ميجان 1 موديل 2002 نفس موتور ميجان 2
1600 سي سي 110 حصان 16 صباب
السيارة اتوماتيك

المشكلة ظهرت عندي من حوالي اسبوع

العربية بتتأخر في الدوارة لو قعدت حوالي 8 ساعات ما اشتغلتش واقعد ادور واكارك بنزين لغاية ما تشتغل
بس بعد كده بدور في ثانية طول مانا ماشي أو في خلال 6-8 ساعات من اخر اطفاء للموتور

ومن يومين حصل شئ عجيب... وانا ماشي بس بسرعة أقل من 5 كم العربية طفت فجأة وبرده غابت على ما دارت

ممكن تفيدوني ممكن تكون المشكلة فين والافضل اصلحها عند مين في صقر قريش واللا التوكيل أحسن

انا لسه مشتري العربية من شهرين ولسه معنديش خبرة كافية في مشاكل الرينو
العربية عاملة 120000 كم فقط والموتور سحبه رائع ومعنديش أي مشكلة أخري في السيارة

وبرضه عندي سؤال تاني هل فلتر زيت الفتيس الاتوماتيك بيتغير واللا لأ؟؟؟

وممكن أعرف ايه أحسن واحد أجيب منه طقم صيانة (فلتر زيت وهواء وبنزين وبوجيهات وسير كاتينة) وايه أفضل الانواع في هذه الاطقم وهل هناك شئ آخر يجب تغييره في الصيانة؟

ومنين ممكن أجيب زيت فتيس اتوماتيك وايه أفضل نوع وماركة؟

وشكرا

[dramir1]

ممكن حساس الكرنك يكون بينزل عليه زيت --وممكن البوابه عايزه تتنظف.
لكن معرفش حد بيشتغل في الميجان ممكن الوحوش يردو عليك

[ecstatic]

سيدي الفاضل بما ان السيارة بتبطل عند سرعة منخفضة قالمشكلة ان شاء الله بسيطة جدا
1- افحص حساس (idle air)
2- افحص (steering system)
وطبعا قبل ما العربية تبطل تلاحظ ان (RPM) بيقل جدا حتي تقف تماما

[Ahmed Selim]

عندك محمد الشرقاوى فى الحرفيين و ممكن برضه تبعت للعقيد خالد يدلك على حد كويس فى الحرفيين.

هتلاقى رقم العقيد خالد فى إعلان "العقيد لسمكرة السيارات" فى الهيدر بتاع المنتدى....و الراجل مش بيتأخر عن المساعدة و جمايله مغرقة القسم و أنا أولهم.