ما الحل فى حدوث رجه فى الفتيس المانيـوال عند الطلعة فى الزحمـة لميجان 2007

[Ramy_Tantawi]

السلام عليكم ورحمة الله وبركاته

أنا أول مره أكتب في منتدى فا يا رب اللي يقدر يساعدني في المشكله دي ما يبخالش علينا.....

المشكله هي في عربيتي ميجان 2007 معايا من سنه الحمد لله ومافيش أي مشاكل بس من كام شهر كده ظهر معايا حاجه غريبه جداً وهي اني لما أمشي فتره في زحمه وما أكتر الزحام في مصر طبعاً :) المهم بيحصل معايا رجرجه جامده جداُ على الأول وأنا طالع وبتختفي على أي نقله تاني وبتروح خالص اول ما امشي تاني بدون زحمه :( انا مش فاهم اي حاجه ولا حد من رينو فاهم انا باقول ايه اساساً كل ما أقولهم عليها يقولولي مافيش حاجه وآخر مره قالولي لازم تيجي والعيب موجود والمشكله ان سبحان الله كل ما أنوي أروح رينو المشكله دي تختفي معايا والشوارع كلها تفضى وبالتالي بتروح المشكله..........

أرجو من أي حد من ملاك رينو المحترمين لو فاهم اللي بقوله أو حصل ليه حاجه زي كده وعرف ايه سببها او ايه المشكله يفيدنا وشكراً جزيلاً وجزاكم الله كل خير .

[fahd_628]

عربيتك مانيوال ولا اوتوماتيك

لو مانيوال يبقى العيب فى الأغلب من طقم الدبرياج

[mohamed ibiza]

انا اعتقد ان دة كهرباء زيادة لانها كانت عندي في الابيزا و رحت ظبطت كهرباء و رجعت زي الفل













Ibiiiiiiiiiiiiiiiiiiiiiiiiiiiiiiiiiiiiiizzzzzzzzzz zzzzzzzzzzzzzaaaaaaaaa For Ever

[Ramy_Tantawi]

شكرا جزيلا للرد انا عربيتي مانيوال وزي ما حضرتك fahd_628 بتقول انا خمنت برضه ان العيب ممكن يكون من طقم الدبرياج بس في التوكيل اتكلمت مع المهندسين اللي هناك وقالوا أولاً طالما الكمبيوتر ماقالش check gear box يبقى مافيش مشكله في طقم الدبرياج وبعدين طقم الدبرياج لو فيه مشكله هتكون على كل النقلات مش على الأول بس ................انا شاكر جداً لردك يا أستاذ فهد

شكرا للرد استاذ mohamed ibiza وانا هتوكل على الله وأبدأ أشك في الكهرباء زي ما حضرتك قلت بس هو مشكلة حضرتك كانت برضه على الأول بس ولا ايه أرجو الرد مره تانيه وانا شاكر جداً....

[farahat]

شكرا جزيلا للرد انا عربيتي مانيوال وزي ما حضرتك fahd_628 بتقول انا خمنت برضه ان العيب ممكن يكون من طقم الدبرياج بس في التوكيل اتكلمت مع المهندسين اللي هناك وقالوا أولاً طالما الكمبيوتر ماقالش check gear box يبقى مافيش مشكله في طقم الدبرياج وبعدين طقم الدبرياج لو فيه مشكله هتكون على كل النقلات مش على الأول بس ................انا شاكر جداً لردك يا أستاذ فهد

لو في مشكلة في الدبرياج هتبان أكتر على الأول عشان أكبر عزم ، و بالتالي أكبر فرصة إن الإسطوانة تتزحلق أو تنتش و دة إلي ممكن يعمل رجة ، و بعد ما العربية تبقى ماشية مش هيحصل كدة ( و دي ممكن تجربها على مطلع أو و العربية محملة المفروض تبان أوضح كتير ).

شكرا للرد استاذ mohamed ibiza وانا هتوكل على الله وأبدأ أشك في الكهرباء زي ما حضرتك قلت بس هو مشكلة حضرتك كانت برضه على الأول بس ولا ايه أرجو الرد مره تانيه وانا شاكر جداً....

أما موضوع الكهربة دة بقى ، الحجة الوحيد إلي ممكن تشك فيها هي كويل إلبوبينه إلي على كل بوجيه ، انما غير كدة كل كهربة الموتور على الكمبيوتر و دة مش سهل يبوظ أو يشتغل سعت و ساعات .

[Ramy_Tantawi]

أنا شاكر جداً لحضرتك يا أستاذ farahat ........بس معلش سؤال .هل ممكن لو العيب من طقم الدبرياج مرتبط بحالة العربيه مثلا يعني ليه بيبان بس لما بامشي بالعربيه مسافه طويله بشكل متوقف باستمرار يعني زمحه لكن لما بانزل الصبح واتحرك بالعربيه المشكله مابتكونش ظاهره .......فا سؤالي هل مشكلة الدبرياج بتكون موجوده باستمرار ولا ممكن تظهر بس لما العربيه تتعب مثلا او تمشي مسافه......شكراً جزيلاً مره تانيه وجزاكم الله خير.

[farahat]

طب بعد إذنك أنا عندي سؤالين :
هي العربية عاملة كم ألف كيلو ؟ عشان دي هتبيين إحتمال إستهلاك طقم الدبرياج ؟
و هل الحكاية دي بتحصل لم العربية تسخن بس ولا و هي باردة كمان ؟ لأن سعادتك بتقول الصبح مبتبقاش باينة؟

[Ramy_Tantawi]

العربيه يا سيدي لسه صغيره والله عامله 25000 :( والموضوع ده فعلاً بيحصل بس لما العربيه بتسخن لكن طول ماانا لسه بادئ مشاويري الصبح مابيبقاش في أي مشاكل لكن بمجرد اني أدخل في الزحمه الدنيا تغمق في عيني وتتحول الميجان الوديعه لجمل شارد في الصحراء :p.

شكراً جزيلاً على اهتمامك استاذ فرحات ربنا يجازيك خير .

[farahat]

بصراحة يا سيدي الفاضل كلامك د معناه إن المشكلة غالبا مش في الدبرياج خالص ، و انما ليه علاقة إما بالحساسات الخاصة بالموتور أو إلكويلات بتاعة الشرارة (إلبوبينة الخاصة بكل بوجيه ) يمكن يكون واحد منهم مش كويس و أول ما يسخن بيقطع . و الله أعلم .

و يا سيدي لا شكر على واجب احنا كلنا هنا أصحاب و إخوات و هدفنا نسعد بعضينا .

[Ramy_Tantawi]

مش عارف والله أعمل ايه عموماً شكراً بجد على اهتمام حضرتك وربنا يجعلك دائما في عون الناس وأنا ان شاء الله هروح مره عاشره للتوكيل وأقولهم لو ممكن يكشفوا على الكويلات الأربعه يمكن يوصلوا لحاجه......انا والله بس اللي ميدايئني انهم واثقين في كمبيوتر العربيه أكتر من ثقتهم في أي حاجه تاني وبالتالي السؤال المباشر عندهم....في أي رساله على الكمبيوتر او علامة المفك ظهرت :D تقولهم لأ ماحصلش حاجه من كده يقولك يبقى خلاص مافيش مشكله ابداً توكل على الله وروح.

عموماً انا إن شاء الله لو وصلت معاهم لي حاجه وعرفنا ايه المشكله واتصلحت هاقولكم على طول من باب تعميم الفائده وزي ما حضرتك قلت نساعد بعض.

[mohamed ibiza]

الموضوع ده كان معايا علي الاول بس























Ibiiiiiiiiiiiiiiiiiiiiiiiiiiiiiiiiiizzzzzzzzzzzzzz zzzzzzaaaaaaaaaaaaaaaa For Ever

[Ahmed Selim]

معلش بس هو انت جربت تغير زيت الفتيس؟

أنا معايا 2005 أتوماتيك و المشكلة اللى فيها كالأتى
فى الصيف وبعد شوية زحمة ظريفة بس مش لمدة طويلة, باجى أهدى علشان اقف فى اشارة بلاقى فى زي خبطة فى الفتيس وهو بينقل من التانى للأول.
ممكن الكلام ده يحصل فى الشتاء برضة بس لو كانت الدنيا زحمة أوى و المدة طويلة شوية.

الموضوع ده بيحصل لما زيت الفتيس بيوصل لدرجة لزوجة قليلة أو من كتر الحر مع الزحمة درجة حرارة الزيت بتعلى و لزوجته برضه.

كنت كل لما اروح التوكيل و يحطوا العربية على الكمبيوتر ميطلعش اى حاجة وكنت بشوف الكلام ده بنفسى.

المهم بعد تغيير زيت الفتيس الموضوع ده راح لمدة 15 - 20 الف كم و رجع تانى

[Ramy_Tantawi]

لأ الحقيقه أنا ما جربتش أغير زيت الفيتيس ابداً لغاية دلوقتي انا عامل حوالي 25000 وبصراحه مش عارف هو مفروض زيت الفتيس يتغير بمواعيد معينه اقصد بعد كام كيلو يعني بس عموماً اتمنى من حضرتك تعرفني هل تغيير زيت الفتيس ده في التوكيل وتقريباً تكلفته كام ........ انا لغاية النهارده كنت راجع من مشوار والله والزحمه بدأت وبرضه نفس المشكله ظهرت وفعلاً مش عارف اعمل ايه مع العلم اني كنت أخدت ميعاد مع رينو العبور من اسبوعين ورحت وكشفت ومفيش اي مشكله والكهرباء مظبوطه.......بعدها بأسبوع رحت تاني بس لرينو المكيانكيون العرب اللي عند سندباد برضه مافيش اي حاجه وماحدش ساعدني بأي حاجه غير انهم حطولي الاستيكر بتاعهم:p انا والله مابقيت عارف اعمل ايه لدرجة اني بفكر اليومين دول ابعت لرينو فرنسا يمكن يساعدوني هم..........!

انا شاكر جدا حضرتك Ahmed A.Maksou وأتمنى من حضرتك تتابع معايا بالرد على استفساري وشكراً

[Sharky]

معلش بس هو انت جربت تغير زيت الفتيس؟

أنا معايا 2005 أتوماتيك و المشكلة اللى فيها كالأتى
فى الصيف وبعد شوية زحمة ظريفة بس مش لمدة طويلة, باجى أهدى علشان اقف فى اشارة بلاقى فى زي خبطة فى الفتيس وهو بينقل من التانى للأول.
ممكن الكلام ده يحصل فى الشتاء برضة بس لو كانت الدنيا زحمة أوى و المدة طويلة شوية.

الموضوع ده بيحصل لما زيت الفتيس بيوصل لدرجة لزوجة قليلة أو من كتر الحر مع الزحمة درجة حرارة الزيت بتعلى و لزوجته برضه.

كنت كل لما اروح التوكيل و يحطوا العربية على الكمبيوتر ميطلعش اى حاجة وكنت بشوف الكلام ده بنفسى.

المهم بعد تغيير زيت الفتيس الموضوع ده راح لمدة 15 - 20 الف كم و رجع تانى

أحمد باشا إنت غيرت زيت الفتيس فين و بكام ؟؟؟

[Amr_Moh]

ana 3`ayarto e7tiaty be 80 geneeh fel tawkeeel