ممكن معلومـــات عن صاج الكليـــو 2008

[MIMI]

PLEASE GIVE ME YOUR OPINION ABOUT CLIO2008 REGARDING ITS BODY STRENGTH

[Sharky]

أنا فهمت من السؤال إن حضرتك عايز تعرف قوة صاج الكليو علشان الامان بتاع السيارة
لو أنا فهمت صح حضرتك ممكن تشوف اللينك دا فيها معدلات أمان سيارات رينو و منهم الكليو
http://www.nilemotors.net/Forum/viewtopic.php?t=2826

[MIMI]

[ألف شكر يا باشا على أهتمامك بس انا عايز كمان اعرف رايك فى الكليو 2008 سيدان علشان انا عايز اشتريها

و شكرا مره اخرى [

[Sharky]

حضرتك ممكن تشوف اللينك دا فيه تجربة الكليو 1200 سى سى http://www.nilemotors.net/Forum/viewtopic.php?t=2386

و دا لينك شرح تفصيلى للكليو السيدان 2008

http://www.nilemotors.net/Forum/viewtopic.php?t=4634

و دا لينك كمان عن الكليو

http://www.nilemotors.net/Forum/viewtopic.php

http://www.nilemotors.net/Forum/viewtopic.php?t=672

[MIMI]

THANKS VERY MUCH , BUT I REALY WANT TO KNOW YOUR OWN OPINION:

[Sharky]

من الأخر يا باشا عربية حلوة فى فئة سعرية كويسة يعيبها غلو قطع الغيار
لو حتقدر تستحمل أسعار قطع الغيار توكل على الله

[limo]

من الأخر يا باشا عربية حلوة فى فئة سعرية كويسة يعيبها غلو قطع الغيارلو حتقدر تستحمل أسعار قطع الغيار توكل على الله

+1 بصراحه يا sharky باشا جبت من الاخر

[Chicco]

بص يا سيدي الكمال لله وحده أى عربية فيها مميزات و عيوب معايا كليو2007 والحمد لله ماشيه زي الفل .خاماتها جيده صالونها مريح و تكييفها معقول .تسارع و ثبات و إتزان هايل لحد120 كم/س ( ما حوالتش أجيب أكتر من كده لأن بصراحه شوارع مصر متستحملش جرى أكتر من120 لأي عربيه) .أنا شايف إن الAirbag مهم برضه في تقيمها (للأسف هو Airbag واحد للسائق بس, طبعا لزوم تخفيض الجمارك)
العربيه ضيقة شوية من جوة بالذات الكنبة الورانية بس الشنطة كبيرة جدا. حكاية الرفارف اللي فيبر دي كانت مقلقاني في الأول بس طلعت ميزة للخبطات الخفيفة ربنا يحفظنا جميعا
إستهلاك البنزين إتحسن بعد أول صيانه قبل كده في الزحمه والحر(مبطلش التكييف!!) كان حوالي200 كم/صفيحة
أهم ميزة فى رأى إن توكيلها من أحسن التوكيلات اللى في بلدنا عن تجربة. قطع الغيارالأصلية غالية لكن بتوفر علي المدي الطويل وبتفرق أداء و أمان

[Sharky]

أهم ميزة فى رأى إن توكيلها من أحسن التوكيلات اللى في بلدنا عن تجربة. قطع الغيارالأصلية غالية لكن بتوفر علي المدي الطويل وبتفرق أداء و أمان

+1

[MIMI]

يا جماعة مش عارف اقول ايه بس بجد الف الف شكر :)

[Sharky]

يا باشا بتشكرنا على إيه إحنا هنا كلنا بنساعد بعض
إحنا تحت أمرك فى أى إستفسار أخر