تجديد عفشة شبه كاملة وبعض الاشياء الاخرى

[ramykimo]

انا عربيتى ميجان 2001 اتوماتيك و محتاج اغير فيها الاتى:
تجديد عفشة شبه كاملة
تيل و طنابير
سلونيود الفيتيس ( بعد الكشف فى التوكيل )
طقم فرد كاوتش

انا مستغلى التوكيل و فى نفس الوقت معرفش حد كويس شغال فى الرينو.... ايه رايكم ؟؟؟ اجى على نفسى و اعمل الكلام ده فى التوكيل و اتحمل الفرق الكبير فى الاسعار و لا مش لازم و ممكن اشوف اى ميكانيكى بره .. و ياريت ترشدونى على حد كويس فى الرينو... شكرا ليكم

[ramykimo]

مافيش اى رد؟ ايه ده؟

[ramy_gamal]

استنى لما حد من الوحوش يرشدك ل ميكانيكى يكون شغال فى الرينو لكن التوكيل حرام غالى جدا جدا...لو انت فى اسكندريه عندى واحد ممتاز ومعاة عربيه اخت عربيتك

[AHMED1718]

اولا ربنا يباركلك ف العربية دي لانى من عشاقها وبجد من انضف السيارات ف مصر

بخصوص الفك والتركيب مش محتاج توكيل انت ممكن تسأل حد قريب منك على عفشجي شاطر وخلاص

اصلها مش زرة يعنى ده هيفك وهيركب سواء طنبورة ولا تيل ولا سكاترا ولا مساعد

[ramykimo]

يا جماعة حد يقولى على ميكانيكى رينو شاطر

[ramykimo]

ارجو المشاركة يا شباب

[abdoelkot]

فى واحد شغال فى مركز معتمد بتعامل معاه
واد شاطر ويعرف يجيبلك الحجات كمان باسعار حلوه عن تجربه
ابعتلى على الخاص وانا اوصلك بيه
هوا جمب جامعة القاهره