محتاج مساعدة اخواني الوحوش - لمبة abs

[Mohd_Adel_Amin]

السلام عليكم ورحمة الله وبركاته

ازيكم يا جماعة يا رب تكونو بخير وصحة , كان نفسنا نشوفكم في المقابلة اللي لم تتم بسبب الثورة بس تتعوض بإذن الله ..

انا غيرت الطنابير الخلفية عندي بطنابير رمسا الاسباني , بس للأسف الشديد مكانش عندي وقت اروح لميكانيكي رينو وغيرتها عند ميكانيكي جنب الشغل (بس المفروض انه بيفهم ومتخصص في المرسيدس!)
وتم التغيير كالتالي : بعد ما فك الطنابير القديمة فك البلية منها عن طريق مكبس هيدروليك وركب البلية في الجديدة وبعدين غسل مكان الطنابير بالبنزين و كان فيه كابل مش عارف هو بتاع ايه بيمسك في التيل وآخره حاجة زي ترس (فيه شبه من الموجودة في الصورة) ربطه بالمفتاح , وبعدين ركب الطنابير.



لاحظت بعد التركيب ان لمبة ال abs نورت قالي ان ده بسبب البنزين وان مع الوقت هتطفي بس بقالي يوم كامل على كده ولسه مطفتش مع العلم ان الفرامل شغالة كويس جدا ومفيهاش اي مشاكل ..

هل كده يكون حصل حاجة في حساس ال abs ولا الموضوع محتاج reset للكمبيوتر , وهل لو كان فعلا محتاج كده ممكن يكون عن طريق فصل البطارية ووصلها ثاني ولا لازم جهاز كشف الاعطال ؟؟

معلش طولت عليكم بس حبيت اوضح الصورة ليكم بالضبط, انا دلوقتي فعلا ندمان اني مرحتش لميكانيكي رينو من الأول عموما حصل خير , في انتظار رأيكم ..

[karimooo]

جرب تدوس فرامل جامد في رمل او مية لو حسيت بتخبيط دواسة الفرامل تحت رجلك يبقي الabs شغال لازم في كلتا الحالتين تكشف بالجهاز

[SoFiMaN]

جرب تدوس فرامل جامد في رمل او مية لو حسيت بتخبيط دواسة الفرامل تحت رجلك يبقي الabs شغال لازم في كلتا الحالتين تكشف بالجهاز

نفس الرد اللي كنت هقوله لحضرتك.. مع اني مش عارف ايه ميكانيزم الموضوع ده يعني مش فاهم ليه الفرامل تحس ان فيها تخبيط بتحصل لدرجة اني في الاول شكيت ان عندي حاجة بايظة لولا الاخوان هنا كتر خيرهم قالولي ده الايه بي اس.

[Ahmed Selim]

جرب زى ما العضو قالك و برضه لازم كشف عند حد فاهم رينو و يفضل يكون عنده كمبيوتر.

هو ممكن يكون نسى يركب الحساس فى مكانه.

[Mohd_Adel_Amin]

اوك هجرب النهارده , وهروحله ثاني يتأكد انه ركب الحساس , هو عنده جهاز كشف الاعطال هخليه يكشف عليها .

[momo10000]

مدام اللمبه منوره يبقي abs مش شغال

اي حد ( بتاع رينو ) يتاكد من تركيبه ويفضل ينظفه ب سبراي كهرباء ويركبه تاني.

سهله يا عم محمد.

[Mohd_Adel_Amin]

مدام اللمبه منوره يبقي abs مش شغال

اي حد ( بتاع رينو ) يتاكد من تركيبه ويفضل ينظفه ب سبراي كهرباء ويركبه تاني.

سهله يا عم محمد.

متشكر يا أيمون , طمنتني , بإذن الله النهارده هيتم زي ما قلت واطمنكم .

[Mohd_Adel_Amin]

الحمد لله رحت النهارده لميكانيكي رينو وطلعت المشكلة ان الطنابير القديمة كان فيها حلقة مش عارف اسمها بصراحة مش موجودة في الجديدة , وبالتالي تم فك الحلقة من القديمة والتركيب في الجديدة و فورا طفت اللمبة ,
بالمناسبة الحمد لله غيرت النهارده البطارية وحسيت بفرق ملحوظ في نعومة الفتيس ..

[ISLAMNOSSIR]

الحمد لله رحت النهارده لميكانيكي رينو وطلعت المشكلة ان الطنابير القديمة كان فيها حلقة مش عارف اسمها بصراحة مش موجودة في الجديدة , وبالتالي تم فك الحلقة من القديمة والتركيب في الجديدة و فورا طفت اللمبة ,
بالمناسبة الحمد لله غيرت النهارده البطارية وحسيت بفرق ملحوظ في نعومة الفتيس ..

يا ريت يا باشا تعرفنى مكان الحلقه دى عشان انا فى نفس المشكله

[Mohd_Adel_Amin]

يا ريت يا باشا تعرفنى مكان الحلقه دى عشان انا فى نفس المشكله

بص حضرتك لما تيجي تطلع البلية من الطنبورة هتلاقي الحلقة دي حوالين المكان بتاع البلية , المفروض انها بيدق عليها بمفك علشان تطلعها الأول وبعدين تطلع البلية من الطنبورة بمكبس هيدروليك وترجع تركبها في الجديدة , يعني الحلقة دي بتبقى اول حاجة بتتفك من القديمة وآخر حاجة بتركب في الجديدة ..

يا رب اكون قدرت افيدك ..

[Mohd_Adel_Amin]

اعتقد الصورة ممكن توضح لحضرتك قصدي , هي الجزأ اللي لونه مايل للون الطوبي اللي على اول فتحة البلية في الطنبورة .

[ISLAMNOSSIR]

بص حضرتك لما تيجي تطلع البلية من الطنبورة هتلاقي الحلقة دي حوالين المكان بتاع البلية , المفروض انها بيدق عليها بمفك علشان تطلعها الأول وبعدين تطلع البلية من الطنبورة بمكبس هيدروليك وترجع تركبها في الجديدة , يعني الحلقة دي بتبقى اول حاجة بتتفك من القديمة وآخر حاجة بتركب في الجديدة ..

يا رب اكون قدرت افيدك ..

شكرا على الرد يا باشا
الراجل فعلا فكها من القديمه و ركبها فى الجديده لكن اللمبه قايده