عاوز اشترى ميجان بس خايف ومعنديش خبره بيها...

[rozzario82]

يا جماعه انا معجب بالميجان من زمان ونفسى اجيبها برغم اللى بسمعه عنها من اشاعات مش عارف مدى صحتها وفيه عربيه ميجان موديل 2005 معروضه للبيع وانا خبراتى قليله او بصراحهمفيش خبره فى موضوع المعاينه وخطوات الشراء والبايع طالب 70 الف وهى كامله وماشيه 70 الف كيلومتر ومعندوش مانع الكشف ف التوكيل

تنصحونى بايه يا جماعه وازاى اقدر اعرف ان العربيه كويسه قبل الكشف بالتوكيل وهل اخد حد معايا ميكانيكىا وهل السعر كويس ولا ايه؟

ياريت تساعدونى وتنصحونى هل الميجان تستاهل ولا ابعد عنها؟؟

وشكر ا لاى حد ينصحنى

[fahd_628]

الكشف الكامل فى التوكيل حيقولك على كل حاجة

[rozzario82]

شكرا علىاهتمام حضرتك بس انا عاوز اعرف رايك فى الميجان كعربيه من ناحيه
1-الاعطال والمشاكل
2- هل التكييف بتاعها بيسد فى الصيف والحر الشديد بتاعنا

[fahd_628]

الأعطال الصراحة احنا عملين بالعربية 90 الف كم تقريبا و هية موديل 2008 و الحمد لله محصلش اى عطل غير سولونويد الفتيس فقط و دة تم التعامل معاة فى الضمان

التكييف مش قوى الصراحة و لو العربية فى الشمس بقالها فترة يستحسن تجيب الهواء ناحيتك علشان حتاخد وقت علشان تسقع العربية ( مقارنا بتكييف الكورولا مثلا )

و العربية علشان تبقى عارف مش سريعة اوى بالزات فى السرعات الواطية و داخل المدينة مقارنا بالهيونداى i30

[pioneerahmed]

بلاش 2005 و 2006 عشان فيهم مشاكل فتيس خليك فى موديلات من اول 2007 و فرق السعر بسيط و طبعا اهم من دة كلة الكشف فى التوكيل

[yalahwy2010]

انا معايا 2005 ويقالها معايا سنتين ونص.....والعربية بصراحة ركوبة محترمة
وبالنسبة لملاحظاتى عليها
1. نتشة فى الفتيس....(بس مش تعبانى اوى)
2. السحب مش قوى....بس كويس فى السرعات العالية
3. التكييف مش زى اليابانى ....بس حلو
لكن كمحصة مزايا وعيوب.....الميجان تكسب

[rozzario82]

انا معايا 2005 ويقالها معايا سنتين ونص.....والعربية بصراحة ركوبة محترمة
وبالنسبة لملاحظاتى عليها
1. نتشة فى الفتيس....(بس مش تعبانى اوى)
2. السحب مش قوى....بس كويس فى السرعات العالية
3. التكييف مش زى اليابانى ....بس حلو
لكن كمحصة مزايا وعيوب.....الميجان تكسب

شكرا للنصيحه يا باشا على فكره انا من الزقازيق برضه واتمنى معرفتك

[rozzario82]

الأعطال الصراحة احنا عملين بالعربية 90 الف كم تقريبا و هية موديل 2008 و الحمد لله محصلش اى عطل غير سولونويد الفتيس فقط و دة تم التعامل معاة فى الضمان

التكييف مش قوى الصراحة و لو العربية فى الشمس بقالها فترة يستحسن تجيب الهواء ناحيتك علشان حتاخد وقت علشان تسقع العربية ( مقارنا بتكييف الكورولا مثلا )

و العربية علشان تبقى عارف مش سريعة اوى بالزات فى السرعات الواطية و داخل المدينة مقارنا بالهيونداى i30

يعنى بالنسبه للتكييف المشكله انه بيتاخر فى التبريد ولا مبيسقعش كويس اساسا اصلها تفرق كتير جدا ؟؟؟

[fahd_628]

انا مش فاهم الفرق الصراحة ما بين يسقع كويس و بيتأخر فى التبريد

حضرتك ياريت توضحلى و انا تحت امرك

[rozzario82]

انا مش فاهم الفرق الصراحة ما بين يسقع كويس و بيتأخر فى التبريد

حضرتك ياريت توضحلى و انا تحت امرك

الاول انا متشكر جداا لاهتمامك بالرد بس انا عاوز اعرف يعنى هو التكييف فى الصيف مثلا عاوز توصل لدرجه حراره 21 هل التكييف بيوصل للدرجه دى بعد فتره طويله ولا اساسا مبيجبهاش

الخلاصه انا عاوز اعرف هل الواحد بيبقى مبسوط وهو ف العربيه والدنيا بره ناااار ولا بيبقى برضه التبريد مش هو ؟؟

[fahd_628]

الصراحة هوة بياخد وقت شوية علشان يخلى جو العربية مكيف دة لو انت كنت راكن فى الشمس مدة

لكن لو بالليل مثلا بيبقى عادى جدا و بيسقع كويس

و ربنا يوفقك

[meso76]

موضوع التكييف أنا ملاحظاتى عليه كالآتى:
1. فى الزحام (السرعات البطيئة) ومع الحر الشديد .. التكييف اداؤه متوسط (لو فى أفضل حالاته)
2. على الطرق السريعة ومهما كانت درجة الحرارة .. التكييف اداؤه جيد جدا
(على اى حال تكييف الميجان أو الأوربى عموما لايرقى لمستوى تكييف العربيات اليابانى او الكورى)

أما عن العربية بصفه عامة ... انا معايا موديل 2006 شاريها مستعملة فى اخر 2008 وهى معى حتى الآن بدون اى مشاكل (ماشية 95000 كم) ... مش عارف ليه الناس لسه مصرة ان موديل 2005 و 2006 فيهم مشاكل!

بس خلى بالك ان الميجان مش من العربيات اللى ممكن تشتريها بحالة متوسطة على اساس انك تظبطها بعد كده ... لازم العربية يكون متحافظ عليها كويس جدا وكل صياناتها فى التوكيل (علشان كده حتلاقى تفاوت كبير فى الأسعار) ... لو اتكأدت انه كله تمام بعد الكشف الشامل فى التوكيل يبقى اتوكل على الله وماتخافش

[solly1979]

انا لسه شارى واحدة 2006 بانوراما من شهرين من واحد فى الشغل عندى ودة ملاحظتى
مع العلم انا كنت راكب اوكتافيا a4 والناس كلها حظرونى من النقله دة

الاول موضوع التكيف
فعلا بياخد وقت عبال ميسقع بس لما بجرى بالعربيه بيبقى ادائه ممتاز انا ملحقتش اجربه الا فى كام يوم حر من كام اسبوع
الثانى تقييم العربيه
طبعا انا هقارن مع اوكتافيا (ركبتها سنتين)
التسارع من 0- 80 الميجان تكسب
بعد ال 80 الاوكتافيا تكسب
بعد ال 140 انا مش شايف فرق من ناحية السحب الى 2 زى بعض بيجمعوا حلو بس الثبات شويه للاوكتافيا اكيد ودة بحسه على 160 مثلا
الميجان انعم شويه
الاوبشن
طبعا مفيش اى وجه مقارنه انا حاس انى مركبتش عربيه قبل كدة
فعلا الميجان فيها جميع الاوبشنس الى اى سواق يحتاجها
الفتيس
النقله الاولى مديقانى شويه علشان بتنقل على مرتين ودة طبيعة الفتيس بس بعد كدة بيبقى نقلاته ناعمه

بس بصراحه انا مندمتش انى غيرت لميجان وبصراحه عربيه محترمه جدا وانشاء الله مش ناوى اغيرها قبل 3 سنين
المهم حالة العربيه لازم تكون مفهاش الهوا بمعنى الكلمه

[rozzario82]

انا متشكر جدا يا جماعه على الاهتمام والردود واحسن حاجه انى اتعرفت على الناس الحلوه اللى بتنصح وبتساعد

بس انا عاوز اعرف ازاى الواحد يعرف ان العربيه حالتها كويسه وتستاهل ان الواحد يدفع الكشف فى التوكيل والمشوار ؟؟

والمشكله بقى انى نفسى اجرب الركوب ف الميجان لانى مركبتهاش قبل كده لان مفيش حد اعرفه عنده العربيه دى فهل فيه حد عرفوه بيأجر الميجان حتى ولو ساعه والف شكر

[solly1979]

اولا العربيه بتبان من الوهله الاولى
من برة ومن جوة التابلوه العفشه لما تجربها
يعنى من الاخر لو مش زيرو فى نظرك متغمرش اصلا وتروح التوكيل متهيئلى فيها 600 جنيه
وممكن حل تانى
ممكن تروح بنزينه عاديه ب 100 جنيه لو مطلعش فيها الهوا روح التوكيه بردة ومش هتفرق ال 100 بتوع البنزينه
علشان لو فيها حاجه من الاول اهو تكون خسرت 100 بس
واوعى تقول كدة تمام بلاش توكيل لازم