ميجان ولا بلاش ؟؟؟؟

[drmatiya]

اولا : السلام عليكم ورحمة الله وبركاته

ثانياً : خالص شكري وتقديري واحترامي للسادة القائمين على المنتدى الرائع واللي تقريباً ماتخرجش براه لأي سبب يخص معظم السيارات
ثالثاً: موضوعي ببساطة هو اني عايز اجيب عربية ميجان 2 لأني معجب بيها من زمااااااان لكن أن مقلق منها شوية صغيرة وده طبعاً بعد ماقريت تقريباً كل المواضيع اللي اتنشرت عليها هنا واللي زودت اعجابي بالعربية دي

سؤالي للوحوش: لو هادفع من 65 ل 72 في العربية شرط انها تكون كاملة بفتحة سقف تكون موديل كام ؟؟؟
ولو كنت بسافر بمعدل 500 كيلو في الاسبوع هل العربية دي مناسبة ؟؟؟؟؟

وهل المبلغ ده ممكن يجيب 2008 حتى لو من غير فتحة سقف

وشكرا مقدما ً

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قوانين المنتدى
مشرف عام 4

[drmatiya]

فين الوحوش ....

[ahmed88hassan]

سؤالي للوحوش: لو هادفع من 65 ل 72 في العربية شرط انها تكون كاملة بفتحة سقف تكون موديل كام ؟؟؟
موديل 2006 و ممكن 2007

ولو كنت بسافر بمعدل 500 كيلو في الاسبوع هل العربية دي مناسبة ؟؟؟؟؟
مقدرش افيدك لأني لسه جايبها من 3 أيام و لسه مسافرتش بيها

وهل المبلغ ده ممكن يجيب2008 حتى لو من غير فتحة سقف
صعب شوية بس ممكن

وشكرا مقدما ً

ربنا معاك
و بلاش اللون الأحمر عشان ده بتاع الأدارة

[MOUSTAFA_SAAD]

اى عربيه متوسطة الحاله ممكن تسافر بيها الف كيلو فى الاسبوع مش 500

[HOSSAM99]

وعليكم السلام ورحمة الله وبركاته

أولا من حيث المبدأ توكل علي الله و أستخير و العربيه جميله جدا

لكن قبل الشراء لازم تكشف علي العربيه إن لم تتمكن في التوكيل يبقي في مركز صيانه معتمد أو مشهور وما تتهاونش في مسمار بايظ في الموتور شرط العربيه دي الوحيد إن موتورها يكون مفيهوش أعطال
و كمان خلي بالك في عربيات أصحابها بيلغوا بعض الحساسات وبيقولوا انها حساسات بتعمل مشاكل دي أبعد عنها خالص
و حاول تدور علي عربيه صالونها وشنطتها نضاف
و المبلغ اللي حضرتك راصده يجبلك حاجه فابريكه وكيلو متر قليل وركز في موضوع الكيلو متر القليل علشان أستخدامك المستقبلي
والمبلغ ده يجبلك بانوراما 2006 _ 2007 _ 2008
و طمنا حضرتك وصلت لأيه
و أسأل علي الأسعار كويس قبل ماتخلص في أي عربيه
وفيه حد معانا في المنتدي أشتري رينو ميجان سيلفر 73000 كيلو ب 61500 وقال هاينزل صور وتفاصي فحضرتك ممكن تكلمه وتستفاد من التجربه

[drmatiya]

اولا معلش ع اللون الاحمر (مسستجد )
ثانيا متشكر ليكو أوي على الردود وان شاء الله هاتابع صور الميجان بس على فكرة انا فاكر ان العربية دي موديل 2005 وياريت الصور ماتتأخرش علينا عشان نستفيد

[hanyshabrawy]

صديقى بصراحة الرينو الميجان حتى الان بسم اللة ما شاء اللة زى الفل معايا بقالها حوالىاسبوعين موديل 2008 عاملة 52000 كيلو بدون فتحة سقف او جنوط بالنسبة للمبلغ اللى معاك ان شاء اللة يجيب 2007 او 2008 و بالتوفيق ان شاء اللة و ربنا يهدبك للخير
ادخل على كونتاكت كار فيها كتير

[drmatiya]

thnx

[hanyshabrawy]

سلامو عليكم:
عندى مشكلة بخصوص النور الواطى بتاع الرينو الميجان 2008 فيا ترى هى طبيعتها كدة ولا اركب لها فوانيس شبورة و اعمل لها تقوية
بصراحة قلقان احسن الكمبيوتر يهنج و لا حاجة
افيدونا يا اهل الخبرة و جزاكم اللة خيرا

[hanyshabrawy]

سلامو عليكم:
عندى مشكلة بخصوص النور الواطى بتاع الرينو الميجان 2008 فيا ترى هى طبيعتها كدة ولا اركب لها فوانيس شبورة و اعمل لها تقوية
بصراحة قلقان احسن الكمبيوتر يهنج و لا حاجة
افيدونا يا اهل الخبرة و جزاكم اللة خير

[samonor]

نصيحه ليك اهم حاجه انك تكون قد مصاريف العربيه لان قطع غيارها غاليه شويه