انقذوني بسرعه

[ganageno]

انا هيجيلي تربنه في دماغي من كتر ما سمعت عن الميجان
شوية القي اللي بيشكروا فيها
وشويه الاقي اللي بيقطعوا في فروتها
علي العموم انا معروض عليا رينو ميجان 2006 هاي لاين وعلمه 63 الف كيلو
اجيبها ولا لأ
ولو ممكن أجيبها اكشف عليها ازاي
ارجوكم انا تعبان في الفلوس اللي هدفعها فيها فلو هتقف عليا بخسارة قولولي
وكمان كنت عايز اعرف موضوع البطارية بتتغير كل أد ايه وهل هاقدر ابيعها بسهولة بعد كده لو حبيت اغير العربيه
وهل فعلا فيه ناس بدأت تشتغل في الميجان بره التوكيل وباسعار وكويسه ولا اشاعه
معلش هاتبعكم معايا ومحتاج ردكم بسرعه
سلااااااااااااااام

[هيثم المنياوى]

السلام عليكم
حبيب قلبى علشان مطولش عليك لإنى عارف انك اتهريت قرايه
بالنسبه للميجان لا أحد يستطيع أن ينكر أنها عربيه فى قمة الإحترام لأسباب كتيره جداً
ولكن فى حالة لكى تمتلك ميجان لابد من الأتى:
1/العربيه اللى حضرتك هتشتريها لازم تكون نضيفه جداً جداً جداً لأنها سورى فى التعبير الميجان عامله زى هدومنا مينفعش نشتريها متبهدله من الباله لازم تكون نضيفه وجديده علشان نلبسها فلو العربيه حالتها فبريكه بره وجوه كدا احنا خلصنا من اول حاجه
بعد كدا
2/لازم تكون حضرتك قريب من التوكيل يعنى فى القاهرو أو اسكندريه مثلاً لإن العربيه ده التكنولجى بتاعها لازم تتعامل معاه فى التوكيل
3/وكمان لازم تكون حضرتك مش زيى يعنى ايه يعنى مش ممكن تزنق فى تمن العربيه لإنك لو ازنقت من الصعب ان الميجان تفك زنقتك لكن لومعاك لانسر مثلاً من السهل جداً انك تبيعها وده مش معناه ان الميجان مش هتتباع لا هتتباع بس معنى كلمة مزنوق إن حضرتك بتحتاج فلوس فى وقت معين من غير تأخير
وبالنسبه سعر إعادة البيع ماتقلقش منه لإنك شارى مستعمل
واستنى وحوش ميجان يقولولك معلومات عن الموديلات المحتلفه لأنها مش تخصصى