الاحبـــــــاط .. عندما لا يكمل الحلو ( تجربة فلوينسية )!!

[Hegazio]

طبعا اخوكو وحش قديم .. معاه الميجان2 بقالها 6 سنين .. و ماشيين في المية الف التالتة !
صحيح معايا اسبرانزا تيجو كمان .. ظروف الشغل . . بس علي اخر السنة لازم ابيعها و اجيب حاجة اعلي .. ظروف الشغل برضه

داخلة دماغي الفلونس .. و أهو الواحد يبقي علي العشرة الطيبة

رحت عملت تست درايف .... انبسطت .. و أحبطت
صحيح العربية جميلة و واسعة و فخمة
بس نفس الفتيس التعيس ابو اربع نقلات اللي بيضيع منك في النقلة التانية
الموتور بقي بيفكرني بالفانتازيا .. تدوس .. فتقوللك ( ايه ده انت دوست ..طيب يللا ) .. أداء متواضع جدا بعيد عن الميجان
برضه قفله الباب رخيصة مش قد كده
بس يا أخي برضه في فئتها مافيش حاجة زيها .. برستيج .. واسعة

اللي فارسني بجد .. الموتور ال tsi اللي كنت لسه مجربه في سكودا سوبيرب ( وهميـــــــــة ) بس برضه ما تكملش .. مانيوال فقط !!!!!
نفسي أعلي .. فاهمين يعني ايه أعلي ؟ مش ممكن أجيب عربية بعد 6 سنين يكون فيها حاجات ناقصة عن عربيتي !!
بصراحة اتكيفت من المازدا 3 في سواقتها جدا .. بعد ما كنت ما بحبهاش .. بس شكلها مش فخم !!!
ميزانيتي من 140-150 فمحدش يكلمني عن حاجات بعيدة

حاتجنـــــــــــــــــــــــــن

[ahmad--ezzat]

الموتور بقي بيفكرني بالفانتازيا .. تدوس .. فتقوللك ( ايه ده انت دوست ..طيب يللا )

ههههههههههههههههههههههه


سيفيك وبسسسسسسس

[وائل مختار]

انا مازلت عند رائى الميجان 2 افضل من الميجان 3 ومن الفلوانس
الميجان 2 مش هتتعوض

[ecybrarian]

بص بصة على الفورد فوكس

[ahmad--ezzat]

الفوكس سحبها مش قد كده

[Mahmode]

إتكل على الله وهات المازدا 3. عربية أكتر من ممتازة. هيا أقل من الفلوينس في الفخامة والإتساع بس أحسن في باقي الحاجات وياباني 100%

[Hegazio]

فوكس....ممممممكن برضه

[kariko]

what about the seat leon?

[MOUSTAFA_SAAD]

انا شايف انك طالما حتبيع التيجو ممكن تجيب رينو داستر
دفع رباعى ايضا

[Hegazio]

what about the seat leon?

انا شايف انك طالما حتبيع التيجو ممكن تجيب رينو داستر
دفع رباعى ايضا

اقتراحات عظيمة .. بس انا مضطر اغير العربية بعد اربع خمس سنين ... مش عاوز اجيب عربية ضالة قوي
الداستر ... لو كانت اوتوماتيك كان ماشي .. مش حارجع مانيوال تاني

[harizy]

بص يا معلم أنا شوفت النيسان قشقاى هايلة هايلة هايلة، عيبها الوحيد أنها مانيوال فمش عارف هتمشى معاك ولا لأ، بس امكانيتها وفخامتها تعوض الموضوع ده، كمان فيه هواندا سيفيك مش وحشة، وإذا كان ممكن تجازف ممكن تحط هيواندى سوناتا أو !30 (أى ثيرتى) فى الموضوع طالما كده هتغير بعد كام سنة هتبقى حافظة مركزها برضه، وربنا يوفقك إلى الخير.

[Hegazio]

يا جماعة الفوكس 2012 ... وهميــــــــــــة

[ahmed88hassan]

مازدا 3
و هتدعيلي

[Hegazio]

مازدا 3
و هتدعيلي

و الله سواقتها عجبتني .. بس لما باشوفها باحس اني عيل كده ( ماأقصدش إهانة ) - زي اللانسر شارك
بس لما باشوف فلوينس .. فانتازيا .. جيتا .. بأحس بوقار
دي أهواء شخصية

[CryptonX]

و الله سواقتها عجبتني .. بس لما باشوفها باحس اني عيل كده ( ماأقصدش إهانة ) - زي اللانسر شارك
بس لما باشوف فلوينس .. فانتازيا .. جيتا .. بأحس بوقار
دي أهواء شخصية

معاك حق .. انا شايف حضرتك تصبر للفوكاس الجديدة ...هي فعلا رهيبة .

والجيتا الجديدة مش عارف .. يا تحبها يا تكرهها !

الفلونيس بتعجبني بصراحة بس بحس انهم خلصوا الفلوس على التصميم الخارجي .. ونسيوا الداخلي ..( مش سيء او قصدي حاجة ) بس مش ماشي مع باقي العربية .. والمسافة بين الجنط و العربية بتحسسني انها عايزة جنط اكبر كتير .

وموضوع الفتيس ال 4 سرعات ده فعلا بقى دقة قديمة اوي !

في عربية جربتها كانت جيدة جدا في راي بس اعلى من الرينج بتاع حضرتك و دفع رباعي برده و TSI و اوتوماتك :)
Tiguan TSI 150HP
بس مش فاكر اعتقد ب 2xx .