مطلوب رينو كليو 2002-2004 بالاسكندرية

[ahmed_oth]

بص رايي في الكليو عربيه ممتازه علي سعرها واقتصاديه كمصاريف عاديه......كن عايزه اهتمام زياده شويه وواحد مركز معاها.....وديه ثقافه مش منتشره في مصر ..... يعني الصيانه في مواعدها ...قطعه الغيار تتغير في وقتها...حتي لو سليمه من وجهه نظرك....وديه بيخلي العربيه فايقه جدا....بالنسبه للبيجو معرفش بصراحه لكن انا متخيل ان البيجو 206 صغيره مش عربيه عيله لكن الكليو (السيدان) عربيه عيله و عيله كبيره كمان....

انا معايا ال 2004 بقالها 4 سنين بصراحه اصيله ....عيبها الوحيد بالنسبه ليا وسائل الترفيه مع اني معايا الفل اوبشن ...بس انا شايف انها ناقصه كتير....بس هرجع و اقوللك سعر العربيه قليل يعني مش متوقع انها تحتوي علي اوبشن كتيره....

بص وضوع السعر ده علي حسب الحاله...لكن 2003 او 2004 وممكن 2005 في حدود ال40000 تزيد شويه او تنقص شويه.... بس اهم حاجه تكون من بيت من مش تاجر عشان الغش بقي كتير ......يعني دور علي كونتاكت كار ولفلف شويه ان شاء الله هتلاقي واحده كويسه و لو محتاج اي حاجه انا تحت امرك ولو عايز تشوف العربيه علي الطبيعه (لو مكنتش شفتها يعني) انا تحت امرك ان شاء الله
المنتدي هنا في حجات كتير مفيده في موضوع الكليو وعيوبها و اماكن الاصلاح.....انا شخصيا استفدت منه جدا جدا .....ومعلوماتي زادت بنسبه كويسه...الاعضاء هنا ماشاء الله احسن من التوكيل نفسه ..... ههههههههههه

ان شاء الله موفق ...وتلاقي حاجه كويسه....

شكل حضرتك خبير فى الكليو ,, كنت عايز اعرف رائيك فى الكليو هاتش باك موديلات 2001 و 2002 1200 سى سى
انا بقالى فتره بدور عليها بسس للاسف مش لاقيها خالص تقريبا اللى معاه الهاتش باك بالذات مش بيفرض بها بسهوله مش عارف ليه؟؟!! فا كنت عايز رائيك فيها يا باشا