مساعده في تسعير رينو فلوينس للبيع !!

[neversighs]

برجاء المساعدة في تسعير سياره رينو فلوينس للبيع وذلك لدواعي السفر العاجل خلال شهر
معلومات السياره :

الموديل : فلوينس E3 ديناميك (سعرها الحالي عالزيرو 142000 جنيه فالتوكيل )
موديل 2011 استلام 20 / 7/ 2010
عداد كيلو متر الحالي 23000 كيلومتر
اللون Oyster Grey كود KNG والمعروف ب الفيراني الفاتح انا شايفو رصاصي

أنا لسه ماعرضهاش عالبيع بس عاوز من الاخوه الافاضل يعطوني رينج للسعرها .. وشاكر الأفضال

[romioramy]

صباح الفل ...

باشا انا واحد صديقي اوي برده لسه جايبها و جالو عقد في قطر فسافر و بعها ب 110000 جنيه و كانت نفس عربية معاليك و علشان كان مستعجل برده و اوعى التجار كانو بيقولو 95000 و 90000 و حاجة تحرق الدم و لكن كان ممكن تتباع ب 115000 كمان بس متهائلي مش هتجيب اكثر من كده و ربنا يوفقك و يباركلك إن شاء الله و تبيع بأعلى سعر ... بس الموضوع محتاج شوية صبر علشان طبعا حضرتك عارف ثقافة الرينو مع المصريين مضروبة شوية من ساعة الميجان ، بس بصراحة العربية ده صاروخ رينو الجديد جميلة اوي و محترمة جداااااااااااااااااااااا بس تقول ايه بقة هو الشعب المصري الإنطباعات الأولى تدوم.

[tarek7elmy]

لا تقل عن 120 الف , طالما العربية بحالة الفبريكة

[neversighs]

مش هتنازل عن 120 الف

[bukla]

مش هتنازل عن 120 الف

عندى واحد ممكن يشتريها حكلمك على الخاص

[neversighs]

يا جماعه كنت اتمنى مشاركه اكتر في هذا الموضوع للاستفاده من خبراتكم .. لكن قدر الله وماشاء فعل .. خبر وصلني من يومين من مصدر موثوق منو ونقلا عن محمد زكي شخصيا ان الفلوينس زاد سعرها كمان 2000 جنيه يعني اللي هيحجز جديد هيحجز على 144 ألف جنيه بالنسبه للفئه e3 ديناميك .. بالاضافه ان الرينو مقبل على فتره من صعوبة استيرادو نتيجة ظروف المنطقه وظروف اليابان ( بعض مكونات الفلوينس يابانيه ) وبالتالي زيادات اخرى فالاسعار . والكلام من محمد زكي موزع رينو المعروف .
بالاضافه لاستشاره بعض المتخصصين اللي قدروا سعر السياره بتاعتي ..
على أساس ما سبق وبعد تفكير ونظرا لظروف سفري وعلشان احس اني ماتظلمتش في سعرها انا بعرض السياره للبيع بسع125000 جنيه مصري .

[neversighs]

عندى واحد ممكن يشتريها حكلمك على الخاص

أستاذ بوكلا يسعدني التواصل مع حضرتك وانا قمت بالرد عليك عالخاص

[Mahmode]

أظن 125 ألف غالية على إنها ماشية 23 ألف كيلو. لو 115 ألف ممكن أفكر أشيل

[neversighs]

أظن 125 ألف غالية على إنها ماشية 23 ألف كيلو. لو 115 ألف ممكن أفكر أشيل

حضرتك انا ٍسالت متخصص تسعير هنا فالمنتدى وقدر تمنها ب 127000 لما كان سعر الزيرو منها 14200 الان اصبح الزيرو ب 144000وقابل للزياده

[gundal]

غالية يا باشا .. حضرتك ممكن تشوف رينو على موقع كونتكت كارز .. ب 129 الف .. نفس اللي مع حضرتك وماشية 12000 بس .. يعني لو هشتري مش هيفرق معايا ازود 4000 جنيه بس .. واخد عربية ماشية اقل من عربية حضرتك ب 11000 كيلو ..

وفيه عربية تانية اللي هي كاملة .. سعرها في حدود 167 الف صاحبها عارضها ب 147 الف وماشية 11 الف كيلو بس .. يعني مسافة نصف مسافة حضرتك والكاملة نزلها 20 الف ..

[neversighs]

غالية يا باشا .. حضرتك ممكن تشوف رينو على موقع كونتكت كارز .. ب 129 الف .. نفس اللي مع حضرتك وماشية 12000 بس .. يعني لو هشتري مش هيفرق معايا ازود 4000 جنيه بس .. واخد عربية ماشية اقل من عربية حضرتك ب 11000 كيلو ..

وفيه عربية تانية اللي هي كاملة .. سعرها في حدود 167 الف صاحبها عارضها ب 147 الف وماشية 11 الف كيلو بس .. يعني مسافة نصف مسافة حضرتك والكاملة نزلها 20 الف ..

يا عزيزي أنا قلت الكلمه اللي ترضيني بناءا على استشاره متخصص تسعير وسعر السياره الحالي فالسوق لكن اللي عاوز يشتري معنديش مشكله فالتفاوض لكن يعني اقل من 120 الف يبقى حرام

[gundal]

العفو يا باشا .. ان شاء الله مش أقل من 120 الف .. ان شاء الله تلاقي مشتري ياخدها ب 130 الف كمان وتبيع وتكسب اكتر مما تتخيل ..

ربنا يوفقك في بيعها ان شاء الله

[Amr_Moh]

+120

بإذن الله

[ahmzd]

ربنا يوفق حضرتك للخير